मुंबई- संगीत क्षेत्रात लता मंगेशकर यांनी जो काही ठेवा दिला आहे तो कधीही न संपणारा आहे. लाखो गाण्यांमधून लतादीदी त्यांच्या निधनानंतरही मनात जिवंत आहेत. ‘मेरी आवाजही पहचान है’ या त्यांच्याच गाण्यातील ओळी म्हणजे दीदींचं आयुष्य आहे. लतादीदी यांच्या निधनाला तीन महिने झाले असले तरी अजूनही त्या जगात नाहीत यावर त्यांच्या चाहत्यांचा विश्वास बसत नाही.

सलमान खानच्या हत्येचा कट! ४ लाखात खरेदी केली गेली रायफल

मंगेशकर भावंडांचीही मानसिक अवस्था यापेक्षा वेगळी नाही. लता दीदी यांना श्रद्धांजली वाहण्यासाठी ‘नाम रह जाएगा’ या शोच्या निमित्ताने आशा भोसले यांनी लतादीदींसोबतच्या आठवणींना वाट मोकळी करून दिली तेव्हा याची प्रचिती आली. मोठी बहीण म्हणून लतादीदींनी आम्हा भावंडांसाठी जे काही केलं त्याला मोल नाही असं म्हणत आशाताई भावुक झाल्या.


लता मंगेशकर यांचे ६ फेब्रुवारीला निधन झालं. करोनाशी एक महिना झुंज देत त्यांनी मात केली, मात्र न्युमोनियाने लता दीदी यांचे निधन झाले. ९३ वर्षाच्या आयुष्यात ८० वर्षे गायनक्षेत्रात कार्यरत असलेल्या लता दीदींचा गाण्यांचा खजिना ही भारतीय संगीताची फार मोठी संपत्ती आहे. लतादीदी यांना सलाम करण्यासाठी नाम रह जाएगा या कार्यक्रमाची निर्मिती करण्यात आली आहे. या कार्यक्रमाच्या आगामी एपिसोडमध्ये आशा भोसले उपस्थित राहणार आहेत. या कार्यक्रमात सोनू निगम, शंकर महादेवन, अलका याज्ञिक, कुमार शानू अमित कुमार यांच्यासह १८ दिग्गज भारतीय गायक गायिका सहभागी होणार आहेत.

कोणत्याही राजवाड्यापेक्षा कमी नाही कंगना रणौतचं दुसरं घर

या एपिसोडचा प्रोमो नुकताच प्रदर्शित झाला. या कार्यक्रमात आशा भोसले यांनी लतादीदींच्या सहवासातील काही आठवणी, त्यांच्या लहानपणीचे प्रसंग ओठावर आणले. इतकच नव्हे तर अजूनही खरं वाटत नाही की दीदी या जगात नाही. असं वाटतं की कधीही, कोणत्याही क्षणी दीदीचा फोन येईल आणि ती नेहमीसारखी बोलेल असं म्हणत आशा भोसले यांचे डोळे पाणावले.


लतादीदींच्या आठवणी सांगताना आशा भोसले म्हणाल्या, मला दीदीसोबत घालवलेला प्रत्येक क्षण आठवतो. दीदी म्हणाली होती की, आईबाबांचे पाय धुवून पाणी प्यायले तर आपण सुखी होऊ. ही गोष्ट दीदीने आम्हा भावंडांकडून करवून घेतली. आज आम्ही ज्या सुखात समाधानात आहोत त्याचे पुण्य दीदीचं आहे. आशा असंही म्हणाल्या की, दीदीने आमच्याकडे काहीही मागितलं नाही.

महाकालच्या खुलाश्यांनी सलमान खानच्या केसला आलं नवं वळण

बाबा गेल्यानंतर दीदीनेच घर सावरलं. तिला ८० रुपये पगार होता आणि आम्ही सहाजण त्यात घर चालवायचो, प्रसंगी चुरमुरे खाऊन त्यावर पाणी पिऊन आम्ही दिवस काढले आहेत. तेव्हा दीदीने खूप कष्ट केले. पण आम्ही कधीच तक्रार केली नाही. दीदीमुळेच आम्ही चांगले दिवस पाहिले. आम्हाला आनंदात ठेवण्यासाठी दीदीने खूप मेहनत घेतली, अपमान सहन केले. आज खरच वाटत नाही की ती आमच्यात नाही.

कोणीच चूक नाही कोणीच बरोबर नाही, असं का बोलतेय अरुंधती





Source link

Leave a Reply

Your email address will not be published.