मुंबई : प्रसिद्ध संगीतकार अजय-अतुल जोडीमधील अतुल गोगावले यांच्या घरी एका नवीन सदस्याचं आगमन झालं आहे. अतुलनं इन्स्टाग्राम अकाउंटवर या सदस्याचे फोटो आणि व्हिडिओ शेअर करत त्यांचा आनंद चाहत्यांबरोबरही शेअर केला आहे. अतुल यांच्या घरी आलेल्या नवीन सदस्याचे फोटो पाहून चाहत्यांनीही त्यांच्यावर अभिनंदनाचा वर्षाव करायला सुरुवात केली.

‘माझी तुझी रेशीमगाठ’मध्ये नेहा आणि यशचा रोमॅन्टिक सीन पाहून प्रेक्षक भडकले

अतुल गोगावले यांनी शेअर केली खास पोस्ट

अतुल गोगावले यांना बाईक्सची खूप आवड आहे. अनेकदा ते बाईकवरून लाँग ड्राईव्हला जात असतात. त्यांचे अनेक फोटो आणि व्हिडिओ सोशल मीडियावर शेअर करत असतात. सध्या अतुलकडे बीएमडब्ल्यू बाईक आहे, परंतु आता अतुलनं एमडब्ल्यूआर १२५० जीएस ( BMW R1250 GS) ही अधिक अत्याधुनिक अशी बाईक विकत घेतली आहे. त्याचे फोटो आणि व्हिडिओ अतुलनं त्यांच्या इन्स्टाग्रामवर शेअर केले आहेत.


अतुलनं त्यांच्या इन्स्टाग्रामवर बाईक्स घेतानाचे फोटो आणि व्हिडिओ शेअर केले आहेत. अतुल यांची ही नवी कोरी बाईक पांढऱ्या आणि निळ्या रंगाची आहे. या व्हिडिओत अतुल त्यांच्या बाईकला हार घालताना आणि ओवाळताना दिसत आहे. तसंच गाडीपुढे नारळही वाढवताना दिसत आहेत. गाडी घेताना अतुलसोबत त्यांचे घरचे सर्व सदस्य दिसत आहेत. याच व्हिडिओमध्ये गाडीच्या कायदेशीर कागदपत्रांची पूर्तता करतानाही ते दिसत आहे.


अतुल यांनी खरेदी केलेल्या या बीएमडब्ल्यू बाईकची भारतामधील किंमत २२ लाख रुपये इतकी आहे. अतुल यांना इलेक्ट्रॉनिक गॅझेट्स, गाड्या आणि बाईक्सची खूप आवड आहे. अतुलनं त्यांच्या नव्या कोऱ्या बाईकचे फोटो पाहिल्यानंतर त्याच्यावर अभिनंदनाचा वर्षाव होत आहे. अनेक युझर्सनी त्याला गाडी जपून चालवण्याचा सल्लादेखील दिला आहे.


दरम्यान, अतुलच्या कामाबद्दल सांगायचे तर ते प्रसिद्ध संगीतकार तर आहेच शिवाय ते उत्तम गायकदेखील आहे. अजय आणि अतुल हे मराठी आणि हिंदीमधील प्रसिद्ध संगीतकारांची जोडी आहे. या दोघांनी सोनी मराठीवरून प्रसारित झालेल्या इंडियन आयडल मराठीच्या पहिल्या पर्वासाठी परीक्षक म्हणून काम केलं होतं.

सिनेमा पाहिल्यानंतर ढसाढसा रडले मुख्यमंत्री, नेमकं काय घडलं?





Source link

Leave a Reply

Your email address will not be published.