नवी दिल्ली: Google AI: आर्टिफिशियल इंटेलिजेंसमुळे (AI) गुगलच्या एका इंजिनिअरची नोकरी धोक्यात आली आहे. एका रिपोर्टनुसार, Google ने आपल्या आर्टिफिशियल इंटेलिजेंस डेव्हलपमेंट टीमचे सॉफ्टवेअर इंजिनिअर ब्लेक लेमोइनला सस्पेंड केले आहे. ब्लेकवर आरोप आहे की, त्याने थर्ड पार्टीसोबत कंपनीच्या प्रोजेक्टची कॉन्फिडेंशियल इन्फॉर्मेशन शेअर केली आहे. ब्लेकने निलंबनानंतर गुगलच्या सर्व्हरबाबत धक्कादायक दावा केला आहे. ब्लेकने सार्वजनिकरित्या दावा केला आहे की, गुगल सर्व्हरवर त्याचा सामना एका ‘sentient’ AI म्हणजे संवेदनशील एआयशी झाला. त्याने दावा केला आहे की, हा एआय चॅटबॉट अगदी मनुष्याप्रमाणे विचार करू शकतो.

वाचा: Smartphone Offers: १९ हजारांच्या फोनवर १६ हजारांपेक्षा अधिकची ऑफर, १०८MP कॅमेऱ्यासह मिळेल जबरदस्त फीचर्स

याआधी Alphabet inc ने गेल्या आठवड्याच्या सुरुवातीला ब्लेकला पेड लिव्हवर पाठवले होते. कारण त्याने कंपनीच्या नियमांचे उल्लंघन केले होते. ब्लेकने म्हटले आहे की, एआय एथिक्सवर काम करण्यासाठी लवकरच नोकरीवरून काढून टाकले जाऊ शकते. त्याने गुगलच्या एआय एथिक्स ग्रुपचे माजी सदस्य मार्गरेट मिशेलचा देखील उल्लेख केला आहे. त्यांना देखील कंपनीने ब्लेकप्रमाणेच सस्पेंड केले होते. कारण, त्यांनी एआय संवेदनशील असल्याचा मुद्दा उपस्थित केला होता.

वाचा: Upcoming phones: नवीन फोन खरेदी करायचा असेल तर थोडी वाट पाहा, भन्नाट फीचर्ससह जूनमध्ये लाँच होणार ‘हे’ स्मार्टफोन्स

वाशिंग्टन पोस्टला दिलेल्या मुलाखतीमध्ये ब्लेकने म्हटले आहे की, ज्या गुगल एआयशी चर्चा केली, ती व्यक्ती होती. ज्या एआयवरून हे सर्व प्रकरण सुरू झाले आहे, त्याचे नाव LaMDA (Language Model for Dialouge Applications) आहे. याचा वापर चॅट बॉट बनवण्यासाठी केला जातो, जे वेगवेगळे व्यक्तीमत्व स्विकारून ह्यूमन यूजर्सशी चर्चा करते. ब्लेकने सांगितले की, हे सिद्ध कऱण्यासाठी काही प्रयोग देखील केले. मात्र, कंपनीच्या वरिष्ठ अधिकाऱ्यांनी यावरून त्यालाच सुनावले.

गुगलचे प्रवक्ता ब्रायन गेब्रियल यांनी यावर स्पष्टीकरण देत म्हटले आहे की, ‘काही मोठ्या एआय कम्यूनिटीपैकी काही संवेदनशील व सामान्य एआयच्या दीर्घकालीन संभावनांवर विचार केला जात आहे. मात्र, सध्याच्या संवेदनशील नसलेल्या कन्वर्सेशन मॉडेलबाबत हे शक्य नाही.’ गेब्रियल पुढे म्हणाले की, त्यांच्या टीममध्ये नैतिकतावादी आणि टेक्नोलॉजिस्टचा देखील समावेश आहे. त्यांनी एआय सिद्धांतानुसार ब्लेकच्या मुद्यांवर पुनरावलोकन देखील केले. मात्र, पुरावे ब्लेकचा दावा खरा ठरवत नाहीत. ब्लेकच्या निलंबनाबाबत विचारण्यात आल्यावर कंपनीने म्हटले आहे की, कर्मचाऱ्यांच्या प्रकरणावर कंपनीकडून भाष्य केले जात नाही.

वाचा: Godrej Fridge: डबल डोर फ्रिजवर आतापर्यंतची सर्वात मोठी सूट, १५ हजारांच्या बजेटमध्ये करा खरेदी



Source link

Leave a Reply

Your email address will not be published.