जयपूर: राजस्थानमधील डुंगरपूर या आदिवासी भागातील एका गावात सोमवारी सकाळी एका अल्पवयीन मुलीने आपल्या नऊ वर्षांच्या भाचीचं शिर तलवारीने धडापासून वेगळं केल्याची धक्कादायक घटना घडली आहे. मुलीच्या कुटुंबीयांचे म्हणणे आहे की, दोन दिवसांपासून तिची वागणूक सामान्य नव्हती. मुलगी आणि तिचे कुटुंबीय त्यांच्या घरातील एका खोलीत दशामातेची दशामातेची पूजा करत होते, त्याचवेळी एका १५ वर्षीय अल्पवयीने मुलीने हे भयानक कृत्य केलं.

वृत्तसंस्था पीटीआयने दिलेल्या माहितीनुसार, चितरी पोलीस स्टेशनचे एसएचओ गोविंद सिंह यांनी सांगितले की, मुलगी अचानक असामान्य पद्धतीने वागू लागली. खोलीत ठेवलेली तलवार बाहेर काढून ती अतिशय हिंसकपणे पुढे जाऊ लागली. मुलीच्या आई-वडिलांनी तिच्या हातात तलवार पाहिल्यानंतर ते घाबरले आणि तेथून पळून गेले. त्यानंतर ती मुलगी तलवार फिरवत दुसऱ्या खोलीत शिरली आणि आपल्या नऊ वर्षांच्या भाचीचं शिर धडापासून वेगळं केलं.

हेही वाचा –पत्नीची हत्या, पतीने विष घेतलं, सासू-सासरे आणि दीर फरार, हत्येच्या रहस्याने पोलीसही हैराण

सागवाडा सर्कल अधिकारी नरपत सिंह यांनी सांगितले की, आरोपी मुलगी दहावीची विद्यार्थिनी आहे. ती वसतिगृहात राहते. काही दिवसांच्या सुट्टीवर ती घरी आली होती. मुलीच्या वागण्यात अचानक बदल झाल्याचे कुटुंबीयांनी सांगितले. दोन दिवसांपासून ती सामान्यपणे वागत होती. तिला उपचाराची गरज आहे असे वाटत होते.

हेही वाचा –बायको सापडत नाही म्हणून फोन, मेव्हणा घरी पाहायला आला, तर दाजीही गायब, दुसऱ्या दिवशी विहिरीत…

पूजेमुळे मुलीने दोन दिवस काहीही खाल्लेही नव्हते, असे कुटुंबीयांचे म्हणणे आहे. एसएचओने सांगितले की, घटनेची माहिती मिळाल्यानंतर फॉरेन्सिक सायन्स लॅबोरेटरी (एफएसएल) टीमला पाचारण करण्यात आले आणि मृतदेह पोस्टमॉर्टमसाठी पाठवण्यात आला आहे. या प्रकरणाची चौकशी सुरू आहे. पण, या घटनेने सध्या सर्वच हादरुन गेले आहेत.

हेही वाचा –मित्र-मैत्रिणींच्या भावंडांना सल्ले देत असाल तर सांभाळा, पिंपरीत लहान भावाचं धक्कादायक कृत्य

मालवण समुद्र किनाऱ्यावर पर्यटकांना स्टंटबाजी महागात, कार थेट वाळूतच रुतून बसली



Source link

Leave a Reply

Your email address will not be published.