अक्षय गवळी, अकोला

प्रदूषण आणि पेट्रोल, डिझेलच्या वाढत्या किमतींमुळे अनेकांचा इलेक्ट्रिक वाहनांकडे कल वाढलाय. असे असले तरी काही लोकांना परिस्थितीमुळे इलेक्ट्रिक वाहने घेणेही परवडणारे नाही. त्यामुळे अनेकांनी आपल्या वाहनांमध्ये वेगवेगळे जुगाड केले आहेत. असाच काहीसा प्रकार अकोल्यातही पाहायला मिळाला. एका व्यक्तीने चक्क आपल्या दुचाकी वाहनाचा सायकलमध्ये बदल केला आहे. एवढेच नव्हे, तर काहींनी ‘घरगुती गॅस’वर चालणाऱ्या दुचाकी बनविल्या आहे. मात्र वाहनामध्ये केला जाणारा असा बदल धोकादायक ठरू शकतो, असे मत व्यक्त होऊ लागले आहे. (in akola the bikes run on domestic gas and some make bicycles from scooties)

देशातील अनेक शहरांमध्ये पेट्रोलच्या किंमती शंभरी पार आहेत. त्यामुळे अनेक दिग्गज वाहन कंपन्या इलेक्ट्रिक वाहने लाँच करत आहेत. मात्र अनेकांना परिस्थिती अभावी ही वाहने देखील घेणे अशक्य आहे. त्यामुळे लोक आता आपल्या दुचाकी वाहन पेट्रोलऐवजी कशी चालवली जाईल याची युक्ती लढवत आहेत. अकोल्यात पेट्रोल दरवाढीमुळे अनेकांनी आपल्या दुचाकी वाहनात बदल केला आहे. शहरातील मलकापूर परिसरामध्ये राहणारे प्रदीप माणिकराव घनबहादुर यांनी आपल्या दुचाकी स्कुटी वाहनांत बदल करून त्याचे सायकल केली आहे. या दुचाकी वाहनांचे इंजिन आणि इतर पार्ट काढून त्यामध्ये सायकलचे पार्ट्स, सायकलचे रिंग-टायर, चेन सिस्टीम, पायडल यासारख्या वस्तू फिट केल्या आहेत. आता प्रदीपराव त्यांच्या स्कुटी सायकलने अख्ख शहर फिरत आहे. त्यांचा स्कुटीचा हा जुगाड पाहून अनेक लोक त्यांचे कौतुकही करत आहेत. शहरात वाहतूक पोलिसांनी त्याला थांबवले असता, त्याचा हा जुगाड पाहूनही चक्राहून गेलेत.

९१ पैकी कुठल्याही वार्डात उभे राहा, डिपॉझिट जप्त करु, तीन टर्म आमदार राहिलेल्या नेत्याला शिवसैनिकांचं आव्हान
पेट्रोलचा खर्च वाचला तर …

काहींनी पेट्रोलचे पैसे वाचवण्यासाठी तसेच पर्यावरणाला पूरक असा नवा जुगाड बनविला आहे. काहींनी आपल्या घरी असलेल्या स्कुटी गाडीचे सायकलमध्ये रुपांतर केले आहे. स्कुटी वाहनाला सायकलमध्ये रूपांतर केल्याने पेट्रोलचा खर्च तर वाचलाच, पण पर्यावरण पूरक उपक्रमाला चालना देण्यात हातभार देखील लागत असल्याची प्रतिक्रिया बाईकचे रुपांतर सायकलमध्ये करणारे प्रदीप माणिकराव घनबहाद्दूर यांनी म्हटले आहे.

रस्त्यावर धावतात ‘घरगुती गॅस’वर चालणाऱ्या दुचाकी

सूत्रांच्या माहितीनुसार पेट्रोलच्या दरवाढीमुळे अकोल्यात काही लोकांनी ‘घरगुती गॅस’वर चालणारी दुचाकी वाहने तयार करून नवीन जुगाड सुरू केला आहे. पण हा जुगाड त्यांच्या जीविताला धोका निर्माण करू शकतो. अकोला शहरात अनेक रस्त्यावर धावत असल्या अनेक दुचाकी ‘घरगुती गॅस’वर चालविल्या जात आहेत. त्यामुळे वाहतूक पोलिसांनी म्हणजेच संबंधित विभागाने अशा वाहनांवर कारवाई करणेही गरजेचे आहे. शहरातील दुचाकी दुरुस्त करणाऱ्या दुकानांवर अशा अनेक वाहनांमध्ये बिघाड झाल्याने दुरुस्तीसाठी वाहने येत आहेत. त्यानंतर हा धक्कादायक प्रकार समोर आलाय.

मुंबई-हावडा मेलमध्ये २ किलो सोनं, १०० किलो चांदी सापडली, पोलीसही चक्रावले…
‘घरगूती गॅस’वर असा झाला जुगाड़?

शहरात अनेकांनी आपल्या दुचाकीला एक्स्ट्रा डिक्की लावून त्यामध्ये एक किलोचा गॅस सिलेंडर बसविला असल्याची माहिती मिळत आहे. यासोबतच त्याला रेग्युलेटर बसविण्यात आले आहे. त्यानंतर त्याचे कनेक्शन दुचाकीच्या कार्पोरेटरला जोडले गेले आहे. तसेच आणखीही काही जुगाड करून अशा अशा प्रकारचे दुचाकी वाहन तयार करण्यात आल्याचे समजते आहे.

बिस्किट देतो असे आमिष दाखवत केला १३ वर्षीय मुलीचा विनयभंग; आरोपीला पाच वर्षाची शिक्षा
दुचाकी गरम झाल्यास ठरू शकतो धोका

या अशा दुचाकी वाहनांमध्ये एक किलोचा घरगुती गॅस भरला जातो. या एका किलोच्या गॅसवर तब्बल दीडशे किमीवर दुचाकी धावत असल्याचा दावा केला जात आहे. मात्र जास्त वाहन दीर्घकाळ चालवल्यास दुचाकीचं इंजिन गरम होऊन स्फोट होण्याची शक्यता असते. त्यामुळे दुचाकीस्वार असलेल्या व्यक्तीसह समोरच्या वाहनाला धोका ठरू शकतो. त्यामुळ ‘घरगुती गॅस सिलिंडरचा वाहनामध्ये केला जाणारा धोकादायक वापर तातडीने थांबविण्याची गरज आहे.



Source link

Leave a Reply

Your email address will not be published.