मुंबई : अभिनेता सुशांतसिंह राजपूत (Sushant Singh Rajput Second Death Anniversary) चा आज दुसरा स्मृतीदिन. सुशांतचा साधेपणा त्याच्या चाहत्यांना कायम भावणारा होता. प्रसिद्धीच्या शिखरावर असूनही सुशांतचे पाय कायमच जमिनीवर होते. हेच त्याचं वैशिष्ट्यदेखील होतं. सुशांत अभिनय क्षेत्रात करिअर करण्यासाठी इंजीनिअरिंग सोडून मुंबईत नशीब आजमावयला आला होता. तो मूळचा पटण्याचा होता. त्याचा जन्म, शिक्षण सर्व काही पटना आणि दिल्लीत झालं. करिअरसाठी त्यानं मुंबईची वाट धरली. मात्र मूळ गावाशी त्याची नाळ कायमच जुळलेली होती. त्यामुळेच आजही त्याचं आजोळ असलेल्या गावातील लोकांच्या तो स्मरणात आहे.

रियाच नाही या अभिनेत्रींसोबतही होतं सुशांतचं खास नातं, अफेअरच्याही झाल्या चर्चा

सुशांतच्या आईचं गाव बिहार राज्यातील खगडिया जिल्ह्यातील आहे. या जिल्ह्यातील बागमती नदीच्या किनारी हे गाव आहे. गावात जाण्यासाठी आजही फार सुविधा नाहीत. या गावात जायचं असेल तर बोटीशिवाय दुसरं कुठलंच साधन नाही. परंतु या गावात सुशांत त्याच्या आईची शेवटची इच्छा पूर्ण करण्यासाठी गेला होता.


आईशी होतं खास नातं

सुशांत आपल्या आईच्या, उषादेवी यांच्या खूप जवळ होता. तिच्या निधनानंतर तो एकाकी पडला. त्यानं सोशल मीडियावर जी शेवटची पोस्ट केली होती तीदेखील आईशी निगडीतच होती. आईच्या निधनानंतरही तिच्या आठवणी कायम त्याच्यासोबत होत्या.

त्या दिवशी नेमकं काय घडलं होतं , सुशांतचे चाहते आजही विसरले नाहीत तो दिवस

सुशांतचं आयुष्य मार्गी लागावं आणि जीवनात तो यशस्वी व्हावा, यासाठी त्याच्या आईनं नवस केला होता. त्याबद्दल सुशांतला जेव्हा समजलं तेव्हा, तो २०१९ मध्ये नवस फेडण्यासाठी म्हणून आईच्या मूळगावी गेला होता. ज्यावेळी सुशांत मूळ गावी गेला, तेव्हा तो खूपच लोकप्रिय झाला होता.


बोटीत बसून पोहोचला आजोळी

आईनं त्याच्या यशासाठी आणि सुखी आयुष्यासाठी केलेला नवस पूर्ण करण्यासाठी सुशांत त्याच्या आजोळी गेला होता. तिथं जाण्यासाठी त्यानं सर्वसामान्यांप्रमाणं बोटीमधूनच प्रवास केला. त्यानं तेगाली घाट इथून बोट पकडली. त्यावेळी त्याच्याबरोबर बिरेंद्र प्रसादसिंह, हरेंद्र प्रसादसिंह, शिवेंद्र प्रसादसिंह, राघवेंद्रसिंह आणि भूपेंद्रसिंह हे त्याचे पाच मामा होते. तसेच त्याची मामेभावंड देखील त्याच्याबरोबर होती. सुशांतबरोबर त्यावेळी असलेल्या सर्वांना त्याचा हसरा चेहरा आजही आठवतो. सुशांत आत्महत्या करणार नाही, असा विश्वासही त्याचे आप्तस्वकीय व्यक्त करत आहेत.


काय केला होता नवस

दिग्दर्शक नितेश तिवारी यांच्या ‘छिछोरे’ सिनेमाच्या चित्रीकरणावेळी सुशांत त्याच्या गावाला गेला होता. त्यावेळचे अनेक फोटो सोशल मीडियावर व्हायरल झाले होते. सुशांत तेव्हा बिहारमधील खगडिया जिल्ह्यातील बोरने या गावात होता. हे त्याच्या वाडवडिलांचं मूळ गाव होते. या गावातील भगवती देवीकडे सुशांतच्या आईनं नवस केला होता. सुशांतचं आयुष्य चांगलं मार्गी लागावे आणि त्याला यश, प्रसिद्धी मिळावी यासाठी देवीला तिनं नवस केला होता.


या सिनेमाच्या चित्रीकरणाला जेव्हा सुशांत बिहारमध्ये होता तेव्हा तो आवर्जून या देवीच्या मंदिरामध्ये गेला. तिथे जाऊन सुशांतने मुंडण विधी देखील केला होता. अर्थात त्यावेळी संपूर्ण केस काढण्याऐवजी शास्त्र म्हणून थोडेसे केस त्यानं कापले. तब्बल १७ वर्षांनंतर सुशांतनं त्याच्या आईची इच्छा पूर्ण केली. त्यावेळी त्याने सांगितले की, ‘मला माझ्या आईबद्दल आणि देवी आईविषयी खूप प्रेम आणि आदर आहे. त्यामुळेच मी १७ वर्षांनंतर येथे आलो आहे.’

सुशांत १६-१७ वर्षांचा असताना त्याच्या आईचं निधन झालं. सुशांत त्याच्या आईच्या खूपच जवळ होता.तिच्या अचानक जाण्यानं तो अगदी एकटा झाला होता. त्याचा हा एकटेपणा शेवटपर्यंत त्याच्यासोबत होता.

मालिकेच्या सेटवर जिजा अभ्यास करते तेव्हा…





Source link

Leave a Reply

Your email address will not be published.