मुंबई : नेहमीच मालिकांतले सणवार प्रेक्षकांना पाहायला आवडतात. हीच आवड लक्षात घेऊन आई कुठे काय करते मालिकेत वटपौर्णिमा जोरदार साजरी होत आहे. कांचन, अनघा आणि संजना नटूनथटून वडाची पूजा करायला तयार झाल्या आहेत. पण संजना धागा गुंडाळत असताना अघटित घडतं आणि तोच व्हिडिओ व्हायरल झाला आहे.

‘आई हसणंच विसरली होती’, आई- वडिलांच्या घटस्फोटावर बोलली सारा

संजना लाल साडीत एकदम तयार झाली आहे. खरं तर संजनाचा हा लूक प्रेक्षकांना आवडेल असाच आहे. मला अनिरुद्ध सात जन्मी हवा, असं म्हणत संजना उत्साहानं पूजा करते. त्यानंतर धागा गुंडाळत असताना तिच्या समोर अचानक तिचा आधीचा नवरा येतो. ती गोंधळते. तिला शेखरला पाहून धक्का बसतो. त्याच गडबडीत गुंडाळलेला धागा तुटतो.

समोर बसलेली तिची सासू कांचन ओरडते, अग धागा तुटला. संजना कावरी बावरी होते. तिथे अरुंधतीला पाहून ती म्हणते, तुला आनंद झाला असेल ना धागा तुटला म्हणून. पूजा अर्धवट राहिली तरी पुढच्या सात जन्मात अनिरुद्धच माझा नवरा असणार. यावर अरुंधती तिला म्हणते, ‘यामुळे मला काही फरक पडत नाही. एकाच जन्मात यांनी मला सगळं दाखवलंय.’ त्यावर मागे उभा असलेल्या अनिरुद्धचा चेहरा खर्रकन उतरतो.

याआधी अजून एक व्हिडिओ समोर आला होता. यात अनघा पूजेचं तबक घेऊन वडाची पूजा करायला जात आहे. तशी संजना तिला थांबवून म्हणते, ‘अनघा ही साता जन्माची पूजा नीट कर हं अभीसाठी. आधी अंकिता होतीस, आता तू आहेस. म्हणून आपलं म्हटलं.’ असं म्हणून संजना अनघाच्या हातातलं पूजेचं तबक काढून स्वत:कडे घेते. त्यावर अनिरुद्धही गप्प बसत नाही. तो म्हणतो, ‘संजना तू ही पूजा करतेस. पण पुढचे सात महिनेही आपण एकत्र नसणार.’

ट्रेलर ‘ब्रह्मास्त्र’ चा, पण ट्रोलर्सच्या निशाण्यावर अमृता खानविलक



Source link

Leave a Reply

Your email address will not be published.