पुणे : राज्य मागासवर्गीय आयोगाचे सदस्य लक्ष्मण हाके (Laxman Hake) आज शिवसेनेमध्ये प्रवेश करणार आहेत. मुख्यमंत्री एकनाथ शिंदे (Eknath Shinde) यांनी बंड केल्यानंतर केल्यानंतर शिवसेनेचे अनेक आमदार, खासदार आणि पदाधिकारी शिंदे गटात सहभागी होत असताना आता दुसरीकडे शिवसेनेत मात्र जोरदार इन्कमिंग सुरू झालेले पाहायला मिळत आहे.

काही दिवसांपूर्वी आंबेडकरवादी नेत्या सुषमा अंधारे (Sushama Andhare) यांनी शिवसेनेत प्रवेश केला होता. त्यांना शिवसेनेचे उपनेते पद देखील देण्यात आलं होतं. आता ओबीसी चेहरा म्हणून प्रसिद्ध असलेले लक्ष्मण हाके हे शिवसेनेत प्रवेश करणार आहेत.

शहाजीबापू पाटलांना फाईट

विशेष म्हणजे लक्ष्मण हाके यांनी २०१९ च्या विधानसभा निवडणुकीत सोलापूर जिल्ह्यातील सांगोला विधानसभा मतदारसंघातून निवडणूक लढवली होती. शेकापचा बालेकिल्ला असलेल्या मतदारसंघात गणपतराव देशमुख यांचे नातू अनिकेत देशमुख यांचा पराभव झाला. शिवसेनेकडून शहाजीबापू पाटील यांनी देशमुखांना पराभूत केलं. आता आगामी निवडणुकीत लक्ष्मण हाके शहाजीबापू पाटलांना टफ फाईट देण्याची शक्यता आहे.

हेही वाचा : ठाकरे अन् शिंदेंचे ‘ते’ समर्थक एकत्र येणार; आनंद साजरा करणार; विशेष कारण महत्त्वाचं ठरणार

आज दुपारी त्यांची विनायक राऊत यांच्यासोबत बैठक होणार असून त्यानंतर मुख्यमंत्री उद्धव ठाकरे यांच्या हस्ते लक्ष्मण हाके शिवबंधन बांधून शिवसेनेत प्रवेश करणार आहेत. लक्ष्मण हाके यांचा शिवसेनेत आल्यामुळे शिवसेनेला एक आक्रमक ओबीसी आणि धनगर चेहरा मिळणार आहे.

कोण आहेत लक्ष्मण हाके?

सांगोला तालुक्यातील जुजारपूर गावचे रहिवारी

पुणे विद्यापीठातून एमए चं शिक्षण

माणदेश ऊसतोड कामगारांसाठी संघर्ष,

धनगर समाज आरक्षण लढ्यातील प्रमुख नेते

फर्ग्युसन महाविद्यालयात काही दिवस अध्यापनाचे काम

हेही वाचा : जुन्या मैत्रीची जाण, फडणवीस मेहेरबान, अजितदादांची इच्छा सरकारकडून पूर्ण

ओबीसी संघर्ष सेनेचे अध्यक्ष

ओबीसी व्हीजेएनटी जनमोर्चाचे कार्याध्यक्ष

मागील वर्षभरात अनेक ओबीसी मोर्चे आंदोलनात सक्रिय सहभाग

पुणे जिल्हाधिकारी कार्यालयावर पोतराजच्या वेशात जाऊन लक्षवेधी आंदोलन

राज्य मागास आयोगाचे सदस्य

हेही वाचा : मुख्यमंत्री एकनाथ शिंदेंचा ‘तो’ एक निर्णय आणि पुण्यात अजितदादांच्या वर्चस्वाला मोठा धक्का



Source link

Leave a Reply

Your email address will not be published.