प्रयागराजः उत्तर प्रदेशमधील प्रयागराजमध्ये एक आगळीवेगळी प्रेमकथा समोर आली आहे. प्रेमात आकंठ बुडालेल्या जोडप्याने सोबतच जगण्या-मरण्याची शपथ घेतली होती. हे प्रेमी जोडपे आत्महत्या करण्यासाठी नैनी पुलावर पोहचले. प्रेयसीने नदीत उडी घेतली मात्र, प्रियकराने तिला धोका देत तिथून पळ काढला. मग मात्र, संतापलेल्या प्रेयसीने त्याला चांगलीच अद्दल घडवली आहे.

पुलावरुन सर्वात आधी प्रेयसीने उडी घेतली. मात्र, त्यानंतर प्रियकराने उडी घेतलीच नाही. प्रियकराने नदीत उडी घेतली नसल्याचे तिच्या लक्षात आले. नशीबाने तिला पोहता येत होते. त्यामुळं ती नदीतून पोहत किनाऱ्यावर आली. पण ती बाहेर येईपर्यंत प्रियकराने घटनास्थळावरुन पळ काढला. त्यानंतर संतापलेल्या प्रेयसीने प्रियकराविरोधात पोलीस ठाण्यात तक्रार दाखल केली आहे.

प्रियकराच्या लग्नामुळं नाराज होती प्रेयसी

३२ वर्षीय महिलेचे ३० वर्षीय मुलासोबत प्रेमसंबंध जुळले होते. दोघं प्रेमात इतके आकंठ बुडाले होते की त्यांनी एकत्रच जीवन- मरण्याची शपथ घेतली होती. मात्र, त्याच्या नात्यात कटूता आली ती प्रियकराच्या लग्नानंतर. महिला आपल्या दोन मुलांसोबत पुण्याला फिरायला गेली असताना त्याच काळात प्रियकराने लग्न केली. पुण्याहून परत येताच तिला त्याच्या लग्नाची बातमी कळली. त्यानंतर तिने प्रियकराला पत्नीपासून घटस्फोट घेण्यास सांगितलं. मात्र, त्याने नकार दिला आणि तेव्हापासून त्यांच्यात दुरावा निर्माण झाला.

वाचाः सामाजिक परिवर्तनाची नांदी; परंपरेची चौकट मोडत अकोल्यात विधवांनी साजरी केली वटपौर्णिमा

प्रेयसीने प्रियकराला पत्नीला घटस्फोट देऊन तिच्याशी लग्न करण्याचा तगादा लावला मात्र त्याने तिला स्पष्ट नकार कळवला. या रोजच्या भांडणाला कंटाळून दोघांनीही जीव देण्याचा प्रयत्न केला. दोघांनीही प्रयागराजमधील नवीन पुलावरुन आत्महत्या करण्याचं ठरवलं. ठरल्याप्रमाणे प्रेयसीने नदीत उडी घेतली तर प्रियकर घटनास्थळावरुन पळून गेला.

प्रेयसीने दाखल केली तक्रार

प्रयागराजमधील या आगळ्या- वेगळ्या प्रेमकहाणीमुळं एकच खळबळ उडाली आहे. प्रेयसीने किडगंज पोलीस ठाण्यात तक्रार दाखल केली आहे. पोलिसांनी महिलेच्या तक्रारीवरुन हत्येचा प्रयत्न, मोबाइल फोनचे नुकसान करणे, याबाबत गुन्हा दाखल केला आहे.

वाचाः महाराष्ट्रात सापडला ओमिक्रॉनचा नवा सबव्हेरियंट?; तज्ज्ञ काय म्हणाले…



Source link

Leave a Reply

Your email address will not be published.