मुंबई : ‘कोण होणार करोडपती’ हा कार्यक्रम अनेक जण आवडीनं पाहत असतात. ज्ञान आणि मनोरंजन यांच्या या खेळातून अनेकांना चांगल्या कामाची प्रेरणा मिळते. दर आठवड्याला प्रेरणादायी काम करणारी एक व्यक्ती आणि तिच्या सोबत एक कलाकार हाॅट सीटवर असतात.

Video : मंगळागौरीला जमलेल्या शेजारणींची ईशावर टीका, अरुंधतीनं दिलं चोख उत्तर!

या शनिवारच्या भागात ‘प्रोजेक्ट बाला’ संस्थेच्या अध्यक्षा सौम्या डाबरीवाल या उपस्थित राहणार आहेत. तर त्यांच्या बरोबर अभिनेत्री सई ताम्हणकर ‘कोण होणार करोडपती’चा खेळ खेळणार आहे. या दोघी जणी नागपूर येथील ‘विमलाश्रम घरकुल’ या संस्थेसाठी खेळणार आहेत. १९९२ साली ‘विमलाश्रम घरकुला’ची स्थापना झाल्यापासून ही संस्था उपेक्षित व वंचित मुलांचं पुनर्वसन करत आहे. त्यांना समाजात सन्मानाने जगता यावं म्हणून स्वावलंबी बनवत आहे. तर ‘प्रोजेक्ट बाला’ या संस्थेच्या अंतर्गत सौम्या डाबरीवाल आणि त्यांचे सहकारी मासिक पाळी संदर्भात महिलांमध्ये जनजागृती करतात.

मूळची सांगलीची असणारी अभिनेत्री सई ताम्हणकर हिने तिच्या अभिनय कारकिर्दीचा सुरुवातीपासूनचा प्रवास ‘कोण होणार करोडपती’च्या या विशेष भागात उलगडला. ‘आयुष्यात मिळालेले अनुभव हे सगळ्यात मोठे गुरू असतात,’ असं मत सईने या कार्यक्रमात व्यक्त केलं. वयाच्या १७ व्या वर्षी सईने काम करण्यास सुरुवात केली. सईचं सांगलीवरचं प्रेम, सांगलीच्या भाषेवर, लहेजावर असणारं प्रेम तिनं या भागात आवर्जून सांगितलं. त्याचबरोबर सई आणि तिची आई यांच्यामधले नाजूक बंधही ‘कोण होणार करोडपती’च्या विशेष भागात उलगडण्यात आले.

बॉयफ्रेंडसोबत बोल्ड फोटोशूट ते बीच वेडिंग! ‘शनाया’ देतेय कपल गोल्स

‘कोण होणार करोडपती’च्या या पर्वातही दर आठवड्यातल्या शनिवारच्या भागात विशेष पाहुणे सहभागी होतात. समाजकल्याणासाठी झटणाऱ्या सामान्यांमधल्या असामान्य व्यक्तींची भेट आणि त्यांचे कार्य या विशेष भागांतून प्रेक्षकांसमोर येते. आत्तापर्यंत या भागांत काजोल, तनुजा, अशोक सराफ, सुधा मूर्ती, अधिक कदम, संदीप वासलेकर यांसारखे अनेक मान्यवर उपस्थित राहिले होते. शनिवारी रात्री ९ वाजता सोनी वाहिनीवर कार्यक्रमाचं प्रक्षेपण होणार आहे.

जगात ९९ टक्के लोकांना पहिलं प्रेम मिळतच नाही- रवी जाधव



Source link

Leave a Reply

Your email address will not be published.