नवी दिल्ली : महाराष्ट्रातील महाविकास आघाडी सरकार पाडल्यानंतर पुढचा नंबर झारखंड, राजस्थान, छत्तीसगड आणि पश्चिम बंगालचा असल्याचं वक्तव्य भाजप नेत्यांनी केलं होतं. महाराष्ट्रातील उद्धव ठाकरे सरकार पाडण्यासाठी शिवसेनेतील एकनाथ शिंदे यांच्यासह ४० आमदारांनी वेगळी भूमिका घेतली. एकनाथ शिंदे आणि त्यांचे समर्थक आमदार सुरुवातीला गुजरातच्या सुरतमधील ली मेरेडिन हॉटेलमध्ये थांबले होते. उद्धव ठाकरेंनी तिथं मिलिंद नार्वेकर यांना चर्चेसाठी पाठवलं होतं. त्याच रात्री एकनाथ शिंदे आणि समर्थक आमदार विमानानं आसामच्या गुवाहाटीला रवाना झाले. आसामच्या गुवाहाटीमधील रॅडिसन ब्लूमध्ये ते सर्व आमदार थांबले. जवळपास ८ ते ९ दिवसानंतर सर्व आमदार गोव्यात आले. महाविकास आघाडी सरकार पाडण्यामध्ये शिंदे समर्थक आमदारांचं गुवाहाटीमध्ये असणं हे देखील एक कारण ठरलं होतं. कारण, आसाममध्ये भाजपचं राज्य सरकार आहे. भाजपचे मुख्यमंत्री हिमांता बिस्वा सरमा हे राज्य सरकारचं नेतृत्त्व करत आहेत. दोन दिवसांपूर्वी झारखंडमधील काँग्रेस आमदारांना पश्चिम बंगालमधून आसामला जात असताना अटक करण्यात आली. यावेळी त्यांच्याकडे ५० लाख रुपयांची रक्कम त्यांच्या कारमधून जप्त करण्यात आली. झारखंडच्या एका काँग्रेस आमदारानं हे आमदार आसामला निघाले असल्याचा दावा केल्यानं भाजपच्या ऑपरेशन लोटसचं केंद्र आसाम झालंय का? असा प्रश्न उपस्थित केला जात आहे.

ते आमदार गुवाहाटीला निघालेले, काँग्रेस आमदाराचा आरोप

काँग्रेस आमदार इरफान अन्सारी, राजेश कच्छफ आणि नमन बिक्सल कोंगारी या तीन आमदारांना पश्चिम बंगाल पोलिसांनी अटक केली होती. काँग्रेसचे दुसरे आमदार जयमंगल सिंह यांनी ते आमदार गुवाहाटीला आसामचे मुख्यमंत्री हिमांता बिस्व सरमा यांना भेटण्यासाठी निघाले होते, असा आरोप केला आहे. जयमंगल सिंह यांनी एक पत्र लिहिलं होतं त्या पत्रातील माहितीनुसार जितके आमदार फुटतील त्यांना मंत्री बनवलं जाईल आणि प्रत्येक आमदाराला १० कोटी रुपये देण्याचं आमिष दाखवण्यात आल्याचा दावा सिंह यांनी केला. झारखंडमधील हेमंत सोरेन सरकार पाडल्यानंतर भाजपचं सरकार स्थापन करण्याचा डाव असल्याचं जयमंगल सिंह यांनी म्हटलं.

आपल्याच बँकेत चोरी, तिजोरीत भरली रद्दी, ६८ कोटी घेऊन महिला जेटने फरार…

काँग्रेसचे सरचिटणीस जयराम रमेश यांनी ट्विट करत भाजपवर आरोप केला होता. भाजपचं ऑपरेशन लोटस पश्चिम बंगलामध्ये फसलं. दिल्लीतील वरिष्ठ नेत्यांनी महाराष्ट्रात जे घडवलं ते त्यांना झारखंडमध्ये करायचं आहे, असा आरोप जयराम रमेश यांनी केला. तर, काँग्रेस झारखंडचे प्रभारी अविनाश पांडे यांनी सरकार पाडण्यासाठी एका राज्याचे मुख्यमंत्री स्वत: आमदारांशी संपर्क साधत आहेत. केंद्रातील मंत्री आमदारांना धमकी देत आहेत. महाराष्ट्रात घडलं त्याप्रमाणं झारखंडमध्ये सत्ता परिवर्तन करण्याचा प्रयत्न होत असल्याचं अविनाश पांडे म्हणाले.

संजय राऊत यांना ४ ऑगस्टपर्यंत ईडी कोठडी, ‘सामना’ची लेखणी आणि शिवसेनेचा ‘आवाज’ जेरबंद!

महाराष्ट्रातील एकनाथ शिंदे समर्थक आमदारांसह अपक्ष आमदार गुवाहाटीमधील हॉटेल रॅडिसन ब्लू मध्ये थांबले होते. आता, त्यानंतर झारखंडमधील काँग्रेसचे तीन आमदार गुवाहाटीला जाताना त्यांना पकडण्यात आल्याचा आरोप एका काँग्रेस आमदारानं केलाय. त्यामुळं आसाम हे ऑपरेशन लोटसचं केंद्र बनतंय का, अशा चर्चा सुरु आहेत.

महाविकास आघाडीत धमाका!, शिवसेनेच्या माजी आमदाराने केली मोठी घोषणा



Source link

Leave a Reply

Your email address will not be published.