डेहराडून : भारतात गेल्या काही दिवसांपासून करोना (Corona) रुग्णांची संख्या वाढू लागली आहे. उत्तराखंडची राजधानी डेहराडूनमध्ये देखील करोनाचा उद्रेक पाहायला मिळत आहे. डेहराडूनमधील (Dehradun) नामांकित वेल्हम गर्ल्स हायस्कूलच्या सहा विद्यार्थिनींसह १६ करोनाबाधित झाले आहेत. यामुळं आरोग्य विभागात खळबळ उडाली आहे.

एकाचवेळी ६ विद्यार्थिनींना करोना झाल्यानं वेल्हम गर्ल्स हायस्कूलच्या प्रशासनाचे धाबे दणाणले आहेत. आरोग्य विभागात देखील यामुळं खळबळ उडाली आहे. करोना संसर्ग झालेल्या सर्वांना विलगीकरणात ठेवण्यात आलं आहे. विद्यार्थी करोनाबाधित आढळल्यानं शाळेला मायक्रो कंटेनमेंट झोन जाहीर करण्यात आलं आहे.
पोलिसांसमोरून पळणाऱ्या संदीप देशपांडेंवर अखेर गुन्हा दाखल; शोध सुरू

डेहराडूनमध्ये यापूर्वी देखील विद्यार्थी करोनाबाधित झाले आहेत. मुख्य आरोग्य अधिकारी डॉ. मनोज उप्रेती यांनी गेल्या २४ तासात ३६१ जणांची आरटीपीसीआर टेस्ट करण्यात आल्याची माहिती दिली. त्यामध्ये १६ जणांना करोना संसर्ग झाल्याचं समोर आलं आहे. करोना नियंत्रण अधिकारी आणि एसीएमओ डॉ. राजीव दीक्षित यांनी वेल्हम गर्ल्स हायस्कूलमधील विद्यार्थिनींना करोना संसर्ग झाल्याचं सांगितलं. त्या विद्यार्थिनींनी कुठेही प्रवास केला नव्हता, मग त्यांना करोना संसर्ग कसा झाला याचा शोध घेण्यात येत असल्याचं सांगितलं. करोना बाधित विद्यार्थिनींना त्यांच्या घरीच विलगीकरणात ठेवण्यात आलं आहे.
वसंत मोरेंचा नवा लूक, नवी भूमिका; थेट तिरुपतीतून केलेल्या फेसबुक पोस्टने चर्चांना उधाण

डॉ. उप्रेती यांनी दिलेल्या माहितीनुसार डेहराडून जिल्ह्यात १ जानेवारी २०२२ पासून ३२ हजार ९९० करोना रुग्ण आढळून आले आहे. डेहराडून जिल्ह्यात सध्या करोनाचे ८० सक्रिय रुग्ण आहेत. १ जानेवारीपासून राज्यात ३ लाख ९६ हजार ६३८ जणांची आरटीपीसीआर चाचणी करण्यात आली आहे. तर, १७४ जणांचा मृत्यू झाला आहे.

भारतात गेल्या २४ तासात ३२७५ करोना रुग्ण आढळून आले आहेत. तर, ३०१० जण करोनातून बरे झाले आहेत. गेल्या २४ तासात ५५ करोना रुग्णांचा मृत्यू झाला आहे. भारतात करोनाच्या सक्रिय रुग्णांची संख्या १९ हजार ५०९ वर पोहोचली आहे.जागतिक आरोग्य संघटनेनं बुधवारी जाहीर केलेल्या माहितीनुसार गेल्या आठवड्यात जगभरात करोना रुग्णांच्या संख्येत घट झाली आहे.



Source link

Leave a Reply

Your email address will not be published.