नवी दिल्ली :काँग्रेस अध्यक्ष सोनिया गांधी यांना काही दिवसांपूर्वी करोना संसर्गाची लागण झाली होती. सोनिया गांधी यांना करोना संसर्ग झाल्यानंतर प्रकृतीच्या समस्या निर्माण झाल्या आहेत त्यामुळं उपचारासाठी रुग्णालयात दाखल करण्यात आल्याचं काँग्रेस प्रवक्ते रणदीप सुरजेवाला यांनी म्हटलं आहे. सोनिया गांधी यांना नवी दिल्लीतील गंगा राम रुग्णालयात दाखल करण्यात आलं असून त्यांची प्रकृती स्थिर आहे. सोनिया गांधी यांच्यावर तज्ज्ञ डॉक्टरांकडून उपचार सुरु असल्याचं सुरजेवाला यांनी म्हटलं आहे. रणदीप सुरजेवाला यांनी या संदर्भात एक ट्विट केलं आहे.

सोनिया गांधी या नियमित तपासणीसाठी रुग्णालयात आल्या असल्याची माहिती होती. मात्र, नंतर त्या रुग्णालयात उपचारांसाठी दाखल झाल्याची माहिती मिळालीय. सोनिया गांधी, प्रियांका गांधी यांच्यासह अनेक बड्या नेत्यांना करोना संसर्ग झाला होता. रणदीप सुरजेवाला यांनी सोनिया गांधी यांच्या प्रकृतीस्वास्थ्यासाठी प्रार्थना करणाऱ्या काँग्रेस कार्यकर्त्यांचे आणि समर्थकांचे आभार मानले आहेत.

सरकार अल्पमतात, मुख्यमंत्र्यांनी तातडीने राजीनामा द्यावा; नारायण राणेंची मागणी
सोनिया गांधी आणि राहुल गांधी यांना ईडीनं नॅशनल हेरॉल्ड प्रकरणी समन्स पाठवलं होतं. ईडीनं सुरुवातीला सोनिया गांधी आणि राहुल गांधी यांनी ८ जूनला चौकशीसाठी हजर राहावं असं म्हटलं होतं. मात्र, सोनिया गांधी यांना करोना संसर्ग झाल्यानं ईडीकडून नव समन्स जारी करण्यात आलं आहे. ईडीनं सोनिया गांधी यांना २३ जून रोजी नॅशनल हेरॉल्ड प्रकरणात हजर राहावे, असं समन्स नव्यानं पाठवलं आहे.

ईडीनं राहुल गांधी यांना १३ जून रोजी हजर राहण्याचे समन्स दिले होते. राहुल गांधी यांना यापूर्वी ईडीनं २ जून रोजी उपस्थित राहण्याचे समन्स बजावले होते. मात्र, त्यावेळी राहूल गांधी परदेशात असल्यानं चौकशीला उपस्थित राहू शकले नव्हते. त्यानंतरी ईडीनं राहुल गांधी यांना नवी दिल्लीतील १३ जूनला उपस्थित राहण्याचे समन्स बाजवलं आहे.

राज्यसभेसाठी झालेल्या निवडणुकीत उद्धव ठाकरेंची नाराजी स्वाभाविकच: जयंत पाटील

नॅशनल हेरॉल्ड प्रकरण काय?
भाजपचे नेते सुब्रमण्यम स्वामी यांनी २०१३ साली दिल्ली सत्र न्यायालयात याप्रकरणी तक्रार दाखल केली होती. त्यानंतर नॅशनल हेरॉल्ड प्रकरणात आयकर विभागाने सोनिया गांधी आणि राहुल गांधी यांची चौकशी सुरु केली होती. ‘द असोसिएटेड जर्नल लिमिटेड’ या कंपनीद्वारे पंडित जवाहरलाल नेहरू यांनी स्थापन केलेले ‘नॅशनल हेरॉल्ड’ हे वृत्तपत्र इ.स. २००८ मध्ये बंद पडले. त्यानंतर, नव्याने स्थापन झालेल्या ‘यंग इंडिया’ कंपनीने इ.स. २०१० मध्ये ते विकत घेतले. काँग्रेसने ‘नॅशनल हेराल्ड’ला ९० कोटींचे कर्ज दिले होते. ‘द असोसिएटेड जर्नल’ची संपत्ती हडपण्यासाठी ते अवघ्या ५० लाखांत खरेदी केल्याचा आरोप भाजपनेते सुब्रमण्यम स्वामी यांनी केला होता. यंग इंडिया कंपनीचे प्रत्येकी ३८ टक्के शेअर्स सोनिया गांधी आणि राहुल गांधी यांच्या नावावर असल्यामुळे प्रकरणाला महत्त्व आले आहे.
अरुणाचल प्रदेश सीमेवरून दोन भारतीय जवान १४ दिवसांपासून बेपत्ता; कुटुंबीय चिंतेत

‘सोनिया गांधी आणि राहुल गांधी यांना हात लावला तर…’ | नाना पटोले



Source link

Leave a Reply

Your email address will not be published.