मुंबई : राज्यसभा निवडणुकीच्या मतमोजणीवरुन सुरु असलेल्या राजकारणावर संभाजीराजे छत्रपती यांनी ट्विट केलं आहे. ‘कोल्हापूरच्या दोन पैलवानांची कुस्ती रंगतदार सुरू आहे.मला आनंद आहे कोल्हापूरचाच खासदार होणार.’, असं ट्विट संभाजीराजे यांनी केलं आहे. राज्यसभा निवडणूक जाहीर होण्यापूर्वी संभाजीराजे यांनी राज्यसभेची उमेदवारी जाहीर केली होती. मात्र, संभाजीराजे यांनी अपक्ष उमेदवारी जाहीर केल्यानंतर त्यांना सेनेनं पक्ष प्रवेशाची ऑफर दिली होती.मात्र, संभाजीराजेंची शिवसेनेशी बोलणी फिस्कटली आणि राज्यसभेच्या सहाव्या जागेवरील उमेदवार कोल्हापूर जिल्ह्यातून देण्यात आली आहे. कोल्हापूरमधून शिवसेनेनं संजय पवार आणि भाजपनं धनंजय महाडिक यांना उमेदवारी देण्यात आली. राज्यसभा निवडणुकीची रणधुमाळी अंतिम टप्प्यात असताना संभाजीराजे यांनी ट्विट केलं आहे.

संभाजीराजे छत्रपती यांचं ट्विट
गेहलोतांंचं परफेक्ट नियोजन, काँग्रेसची सरशी, ३ जागांवर गुलाल, सुभाष चंद्रांना पराभवाचा धक्का

संभाजीराजे यांनी राज्यसभेच्या निवडणुकीतून माघार घेतल्यानंतर राजकीय घडामोडींवर आणि राज्यसभा निवडणुकीवर भाष्य केलं नव्हतं. संभाजीराजे यांनी निवडणुकीतून माघार घेतल्यानंतर थेट आजचं भाष्य केलं आहे. कोल्हापूरच्या दोन पैलवानांची कुस्ती रंगतदार सुरु आहे. मला आनंद आहे कोल्हापूरचाच खासदार होणार, असं संभाजीराजेंनी म्हटलं आहे.

‘तुम्ही म्हणाल तोच नियम काय?’ रवी राणांच्या मतदानावर आक्षेप, नवनीत राणा मुख्यमंत्र्यांवर भडकल्या

संभाजीराजेंमुळं कोल्हापूरमध्ये उमेदवारी

राज्यसभा निवडणुकीत संभाजीराजे यांनी अपक्ष उमेदवारी जाहीर केली होती. महाविकास आघाडी आणि भाजपनं पाठिंबा देत राज्यसभेवर संधी द्यावी, अशी भूमिका संभाजीराजे यांनी घेतलं होतं. मात्र, संभाजीराजे आणि शिवसेना यांच्यात उमेदवारीवरुन एकमत झालं नाही. त्यामुळं संभाजीराजे यांनी निवडणुकीतून माघार घेतली. संभाजीराजे यांच्याशी चर्चा सुरु असताना शिवसेनेनं कोल्हापूरमधील जिल्हाध्यक्ष संजय पवार यांना उमेदवारी दिली. तर, भाजपनं देखील सहाव्या जागेवर माजी खासदार धनंजय महाडिक यांना उमेदवारी दिली.

खासदार कोल्हापूरचा होणार याचा आनंद
संभाजीराजे छत्रपती यांनी खासदार कोल्हापूरचाच होणार याचा आनंद असल्याचं म्हटलं आहे. राज्यसभेच्या सहाव्या जागेवर संजय पवार असो की धनंजय महाडिक कोणीही निवडून आले तरी खासदार हा कोल्हापूरचाच होणार आहे. त्यामुळं संभाजीराजे छत्रपती यांनी खासदार कोल्हापूरचा होणार म्हटलं आहे. दरम्यान, राज्यसभा निवडणुकीतील रंगत वाढली आहे.

राम शिंदे विधानसभेला पडतील, म्हणून परिषदेवर पाठवलं, राष्ट्रवादीची टोलेबाजी



Source link

Leave a Reply

Your email address will not be published.