अलूर (कर्नाटक): पश्चिम बंगालचे क्रीडा मंत्री मनोज तिवारी रणजी ट्रॉफीत शानदार कामगिरी करत आहेत. अलूर येथे सुरू असलेल्या मध्य प्रदेशविरुद्ध झालेल्या सेमीफायनल सामन्यात तिवारी यांनी १०२ धावांची शतकी खेळी केली. यात १२ चौकारांचा समावेश होता. तिवारी यांचे प्रथम श्रेणीतील हे २९वे शतक ठरले. यामुळे बंगालला २७३ धावांपर्यंत मजल मारता आली.

मनोज तिवारी यांनी शतक झळकावल्यानंतर एक खास कागद सर्वांना दाखवला. या घटनेचा व्हिडिओ सोशल मीडियावर व्हायरल होत आहे. तिवारी यांनी दाखवलेल्या कागदावर एक हद्याचा चित्र रेखाटले होते. त्यावर पत्नी सुष्मिता आणि मुलांचे नाव लिहले होते. तिवारी यांचे रणजी हंगामातील हे सलग दुसरे शतक आहे. याआधी त्यांनी झारंखडविरुद्ध १३६ धावांची खेळी केली होती.

वाचा- शाहिद आफ्रिदीचे विराट कोहलीबद्दल संतापजनक वक्तव्य; म्हणाला आता…

सामन्यात एक वेळ अशी आली होती की, बंगालच्या संघाने ५४ धावांवर ५ विकेट गमावल्या होत्या. त्यानंतर तिवारी आणि शाहबाज अहमद यांनी सहाव्या विकेटसाठी १८३ धावांची भागिदारी करून संघाला मजबूत स्थितीत पोहोचवले. तिवारीसह अहमदने देखील शतक झळकावले, त्याने ११६ धावा केल्या. मध्य प्रदेशने पहिल्या डावात ३४१ धावा केल्या होत्या. त्यात हिमांशु मंत्रीने १६५ तर अक्षय रघुवंशीने ६३ धावांचे योगदान दिले.

वाचा- BCCIचे चाललंय तरी काय? वर्ल्डकपच्या आधी १२ महिन्यात बदलले ६ कर्णधार

पहिल्या डावात मध्य प्रदेशने ६८ धावांची आघाडी मिळवली होती. त्यानंतर दुसऱ्या डावात त्यांनी ५० षटकात २ बाद १३३ धावा करत आघाडी २००च्या पुढे नेली आहे.

वाचा- IPL गाजवलं पण सलग दुसऱ्यांदा डावललं; भावनिक होत म्हणाला…

मनोज तिवारी हे त्यांच्या वैयक्तीक आयुष्यामुळे चर्चेत असतात. तिवारी यांनी २०१३ साली सुष्मिता रॉय यांच्याशी विवाह केला. त्याआधी ते सात वर्ष एकमेकांना डेट करत होते. सुष्मिता सामना पाहण्यासाठी देखील स्टेडियममध्ये उपस्थित असते. तिवारी यांनी भारताकडून १५ सामने खेळले आहेत.



Source link

Leave a Reply

Your email address will not be published.