नवी दिल्ली :Cryptocurrency : क्रिप्टोकरन्सीच्या बाजारात सध्या एकप्रकारे वादळ आले आहे. क्रिप्टोमध्ये रस असणाऱ्यांना Dogecoin बद्दल नक्कीच माहिती असेल. अगदी सहज सुरू झालेल्या या करन्सीच्या मुल्यात अचानक वाढ व घट झाली आहे. खासकरून टेस्लाचे सीईओ एलन मस्क यांनी प्रमोट केल्यानंतर याचे मुल्य वाढले होते. आता एका Dogecoin गुंतवणुकदाराने मस्क व त्यांच्या कंपनीविरोधात २५८ अब्ज डॉलर्सचा (जवळपास २०,१३६ अब्ज रुपये) खटला दाखल केला आहे. Keith Johnson नावाच्या व्यक्तीने Tesla आणि SpaceX सह मस्क यांच्याविरोधात खटला दाखल केला आहे. व्यक्तीचे म्हणणे आहे की, Dogecoin मध्ये गुंतवणूक केल्यानंतर पैसे गमावले आहेत. त्यांच्यानुसार, क्रिप्टोकरन्सीमध्ये गुंतणुकीच्या नावाखाली त्यांच्यासोबत ‘Dogecoin Crypto Pyramid Scheme’ झाला आहे.

वाचा: Father’s Day: वडिलांच्या आरोग्याची घ्या काळजी, गिफ्ट करा १ हजारांच्या बजेटमधील फिटनेस बँड

Keith Johnson ने Dogecoin क्रिप्टोकरन्सीमध्ये केलेल्या गुंतवणुकीला व त्यानंतर झालेले नुकसान याला फ्रॉड म्हटले आहे. याबाबत त्यांनी मस्क यांच्या विरोधात न्यूयॉर्कच्या न्यायालयात खटला दाखल केला आहे. जॉन्सन यांच्यानुसार, वर्ष २०१९ पासून ते Dogecoin मध्ये गुंतवणूक करत आहेत. तसेच, मस्क यांनी प्रमोट केल्यापासून त्यांना ८६ अब्ज डॉलर्सचे नुकसान झाले आहे. त्यांना मस्क यांच्याकडून हे पैसे परत हवे आहेत. एवढेच नाही तर नुकसान झालेल्या रक्कमेच्या दुप्पट रक्कम देखील ते मागत आहेत. म्हणजेच, एकूण २५८ अब्ज डॉलर्सची मागणी केली आहे.

वाचा: Block spam calls: वारंवार येणाऱ्या स्पॅम कॉल्स-मेसेजला वैतागला? ‘या’ सोप्या टिप्सने मिनिटात दूर होईल समस्या

Dogecoin चे मुल्य घसरले

Dogecoin ती सुरुवात वर्ष २०१३ मध्ये झाली आहे. क्रिएटर्सने Dogecoin ला बिटकॉइन क्रिप्टोकरन्सी आणि Shiba Inu dog मीम मिळून तयार केले होते. करन्सीच्या मुल्यात वर्ष २०२१ मध्ये मोठी वाढ झाली आहे. मात्र, सध्या याचे मुल्य ६ सेंटवर पोहचले आहे. जॉन्सन यांचे म्हणणे आहे की, मस्क यांनी Dogecoin क्रिप्टोकरन्सीची किंमत, मार्केट कॅप आणि ट्रेडिंग वॅल्यूम प्रमोशनद्वारे वाढवली आहे. गुंतवणुकदाराने आपल्या तक्रारीत मस्क यांच्या ट्विट्सचा उल्लेख केला आहे. मस्क यांनी हे ट्विट्स Dogecoin बाबत केले होते. गुंतवणुकदाराने Dogecoin ला एक पिरॅमिड स्कीम फ्रॉड म्हटले आहे.

वाचा: वर्क फ्रॉम होम ते कर्मचाऱ्यांची कपात… Twitter च्या कर्मचाऱ्यांसमोर Elon Musk यांनी ‘या’ मुद्यांवर मांडले मत



Source link

Leave a Reply

Your email address will not be published.