मुंबई: महाराष्ट्राचा लाडका ‘फास्टर फेणे’ अमेय वाघ (Amey Wagh) सोशल मीडियावर विशेष सक्रिय आहे. त्याच्या अपकमिंग प्रोजेक्ट्सबद्दल तो नेहमीच त्याच्या चाहत्यांना अपडेट देत असतो. त्यांच्या सिनेमांचं प्रमोशन देखील जोरदार सुरू असतं. अमेय वाघ त्याच्या वैयक्तिक आयुष्याबाबतही अनेकदा शेअर करतो. त्याचा मित्रपरिवार, पत्नी, सहकलाकार यांच्यासह तो फोटो शेअर करत असतो. दरम्यान अभिनेत्याने त्याच्या पत्नीसाठी सोशल मीडियावर एक खास पोस्ट शेअर केली आहे. या पोस्टमध्ये त्याने त्याच्या पत्नीचा एक व्हिडिओ पोस्ट केला आहे.

अभिनेता अमेय वाघ आणि त्याची पत्नी साजिरी देशपांडे (Sajiri Deshpande Birthday) हिच्याशी २०१७ साली लग्न केलं. मराठी सिने इंडस्ट्रीतील दिग्गजांच्या उपस्थितीत या दोघांचे लग्न पार पडले होते. अमेय वाघ आणि साजिरी यांनी १३ वर्षांच्या मैत्रीनंतर एमकेकांशी लग्न केले होते. दोघांचे त्यानंतर अनेक फोटो व्हायरलही झाले आहे. अमेय बऱ्याचदा साजिरीबाबत लिहिताना दिसतो. आता देखील अमेयने साजिरीसाठी खास पोस्ट केली आहे.

हे वाचा-लेकीसह फोटो काढण्यासाठी जान्हवीकडे वडिलांची विनंती, अभिनेत्रीने जिंकलं नेटकऱ्यांचं मनसाजिरी हिच्या वाढदिवसानिमित्त अमेयने त्याच्या इन्स्टाग्रामवरुन साजिरीचा एक क्यूट व्हिडिओ शेअर केला आहे. यामध्ये साजिरी ‘I want to break free’ या गाण्यावर डान्स करताना दिसते आहे. यामध्ये अमेयने विविध व्हिडिओ एकत्र करून हा व्हिडिओ तयार केला आहे. यामध्ये ती विविध अॅडव्हेंचर करताना, तबला वाजवताना, ट्रेक करताना तर कधी डान्स करताना दिसतेय. त्यामुळे अमेयचे चाहते आणि त्याचे सहकलाकार साजिरीला वाढदिवसाच्या शुभेच्छा देताना तिला क्यूट म्हणत आहेत.

जितका छान हा व्हिडिओ आहे, तेवढीच छान अमेय वाघने या व्हिडिओला दिलेली कॅप्शन आहे. यावेळी तो असं म्हणतो आहे की, ‘जिथे Adventure Sports तिथे लावते हजेरी…. गोड, गोंडस, Gone Case अशी आमची साजिरी! तुझा प्रत्येक Birthday Happy होईल ही माझी जबाबदारी!’

अभिनेता अमेय वाघच्या वर्कफ्रंटबद्दल बोलायचं झालं तर त्याने अलीकडेच एक पोस्ट केली होती की त्याचा एक सिनेमा जुलै महिन्यत तर वेब सीरिज ऑगस्टमध्ये प्रदर्शित होणार आहे. दरम्यान त्याने या दोन्ही प्रोजेक्ट्सची नाव मात्र गुलदस्त्यात ठेवली आहे. अमेय वाघच्या ‘असूर २’ या सीरिजची देखील प्रेक्षकांना प्रतीक्षा आहे. बरुण सोबती आणि अर्शद वारसी स्टारर या सीरिजमध्ये अमेयने जबरदस्त काम केले आहे.

हे वाचा-कोण साकारणार नेहाच्या पहिल्या नवऱ्याची भूमिका? ‘रंग माझा वेगळा’मध्येही केलंय काम

तर काही महिन्यांपूर्वी प्रदर्शित झालेल्या ‘झोंबिवली’ने थिएटर्समध्ये कमाल केली होती. अमेय, वैदेही परशुरामी आणि ललित प्रभाकर स्टारर या सिनेमाने तिकिटबारीवर चांगली कमाई केली होती. याशिवाय अमेय फिल्मफेअर अवॉर्ड शो होस्ट करताना दिसला होता.



Source link

Leave a Reply

Your email address will not be published.