चंद्रपूर : चंद्रपूर जिल्ह्यात पैशांच्या देवाणघेवाणीवरून सूरू झालेल्या वादावरून एकाची हत्या केल्याची क्रूर घटना घडली आहे. जिल्ह्यातील मोरवा गावात एका तरूणाच्या पाठीवर भला मोठा दगड बांधून त्याला विहिरीत फेकण्यात आले. यात त्या तरूणाचा दुदैवी मृत्यू झाला. प्रवीण घिवे असे मृतकाचे नाव आहे. या घटनेने चंद्रपूर जिल्हा हादरला आहे.

पैशांच्या वादावरून पाठीला दगड बांधून विहिरीत फेकलं

मिळालेल्या माहितीनुसार, पैशांवरून सुरू झालेला वाद जीवावर बेतल्याची घटना आज चंद्रपुरातील मोरवा गावात घडली. मोरवा गावात राहणाऱ्या प्रवीण घिवे या युवकासोबत गावातील काही युवकांनी पैशांवरून वाद घातला. त्यानंतर सदर वादाचे रूपांतर मारहाणीत झाले. त्यानंतर, या युवकांनी जे केलं ते धक्कादायकच आहे. त्या तरूणांनी प्रवीणला मारहाण केली खंर. मात्र, ते युवक एवढ्यावर थांबले नाही. त्यांनी प्रवीणच्या पाठीला चक्क दगड बांधत त्याला विहिरीत फेकून दिले.

VIDEO: शिवभोजन थाळी केंद्रात नशेखोर तरुणांचा राडा, महिलेस शिवीगाळ करत फलक बोर्ड फाडला
दोन आरोपी पोलिसांच्या ताब्यात

या घटनेत प्रवीणचा मृत्यू झाला. घटनेची माहिती मिळताच पडोली पोलीस घटनास्थळी दाखल झाली. त्यांनी मृतदेह विहिरीबाहेर काढत पंचनामा केला. पडोली पोलीस स्टेशनचे पोलीस निरीक्षक महेश कोंडावार यांनी तपासाची चक्रे फिरवली असता या खून प्रकरणी दोन आरोपींना पोलिसांनी ताब्यात घेतले. मृतक प्रवीण यांचेकडून मारेकरी युवकांनी काही पैसे उसने घेतले होते. ते पैसे परत मागायला गेलेल्या प्रवीणचा मारेकऱ्यांनी काटा काढल्याचे सांगण्यात येत आहे. इतर आरोपींचा शोध सुरू असून पुढील तपास पोलीस करत आहे.

यादी घेऊन वर्षावर या! मुख्यमंत्र्यांचा अपक्ष आमदारांना मेसेज; भाजपला धक्का?



Source link

Leave a Reply

Your email address will not be published.