| महाराष्ट्र टाइम्स.कॉम | Updated: Jul 29, 2022, 3:58 PM

rashtra ek ranbhumi movie एकीकडे हिंदी, दाक्षिणात्य चित्रपट धो-धो कमाई करत असताना मराठी चित्रपटांकडे प्रेक्षकांचं काहीसं दुर्लक्ष होत होतं. पण, गेल्या काही दिवसांत आलेल्या चित्रपटांनी हे चित्र बदलायला सुरुवात केली आहे. अनेक मराठी चित्रपटांनी बॉक्स ऑफिसवर चांगली कमाई केली आहे.

 

rashtra ek ranbhumi movie
मुंबई: अभिनेते किंवा अभिनेत्री यांनी राजकारणात प्रवेश करणं काही नवं नाही. राजकारण आणि अभिनय दोन्ही उत्तमपणे सांभाळणाऱ्या सेलिब्रिटींची यादी मोठी आहे. पण आता मुरलेले राजकारणी अभिनय करताना दिसले तर नवल वाटायला नको. मराठी सिनेसृष्टीत सध्या वेगवेगळ्या विषयांवर चित्रपट येत आहेत.
‘राष्ट्र – एक रणभूमी’ हा चित्रपट सध्या चर्चेत आलाय. या राजकारण आणि सत्ता असं कथानक असलेला हा चित्रपट आहे.

‘राष्ट्र – एक रणभूमी’ या चित्रपटाचं शूटिंग बऱ्याच वर्षांपूर्वी पार पडलं आहे. काही कारणांमुळं हा चित्रपट प्रदर्शित करण्यात आला नव्हता. पण आता हा चित्रपट प्रेक्षकांच्या भेटीला येणार आहे. विशेष म्हणजे महाराष्ट्राच्या राजकारणातील दोन दिग्गज नेते या चित्रपटात अभिनय करताना दिसणार आहेत. आरपीआयचे अध्यक्ष आणि केंद्रीय राज्यमंत्री रामदास आठवले तसंच स्वाभिमानी शेतकरी संघटनेचे अध्यक्ष राजू शेट्टी यांनी या चित्रपटात भूमिका साकारल्या आहेत.

या चित्रपटात रामदास आठवले आणि राजू शेट्टी कोणती भूमिका साकारणार हे स्पष्ट झालं नसली तरी चित्रपटाच्या ट्रेलरची सध्या प्रचंड चर्चा सुरू आहे. सोशल मीडियावर सध्या ‘राष्ट्र – एक रणभूमी’ या चित्रपटाचं पोस्टवर व्हायरल झालं आहे. या पोस्टवर मराठी सिनेसृष्टीतील दिग्गज कलाकार पाहायला मिळत आहेत.

rashtra ek ranbhumi movie poster

विक्रम गोखले, मोहन जोशी, रोहिणी हट्टंगडी, मिलिंद गुणाजी, संजय नार्वेकर यांसारखे मराठी सिनेसृष्टीतील मोठे कलाकार चित्रपटाचा भाग आहेत. तसंच दिवंगत अभिनेत्री रिमा लागू देखील या चित्रपटातून प्रेक्षकांच्या भेटीला येणार आहेत.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network



Source link

Leave a Reply

Your email address will not be published.