मुंबई: ‘चला हवा येऊ द्या’ (Chala Hawa Yeu Dya) या मराठी टेलिव्हिजनवरील असा मंच आहे, ज्याठिकाणी विविध चित्रपट त्यांच्या प्रमोशनसाठी येतात. केवळ मराठीच नाही विविध हिंदी सिनेमांनी देखील याठिकाणी प्रमोशन करण्यास सुरुवात केली आहे. अक्षय कुमार, सलमान खान, शाहरुख खान या बड्या स्टार्सनी देखील ‘चला हवा येऊ द्या’च्या मंचावर त्यांच्या सिनेमाचे प्रमोशन केले आहे. आता ‘जुग जुग जियो’ (Jug Jug Jeeyo) या मोठी स्टारकास्ट असणाऱ्या सिनेमाची टीम ‘चला येऊ द्या’च्या मंचावर पोहोचली आहे. २४ जून रोजी हा सिनेमा प्रदर्शित होणार असून या सिनेमाची संपूर्ण टीम विविध प्लॅटफॉर्मवर प्रमोशन करण्यात व्यग्र आहे.

दरम्यान ‘चला हवा येऊ द्या’च्या मंचावरुन स्वत: वरुण धवन याने व्हिडिओ शेअर केला असून यामध्ये कियारा अडवाणी आणि अनिक कपूर दिसत आहेत. तर स्टेजवर कुशल बद्रिके परफॉर्म करताना दिसत आहे. यावेळी कियाराला हसू आवरणं शक्य होत नसून ती हसून हसून लोटपोट झाल्याचं पाहायला मिळतं आहे. वरुण धवन हसण्याच्या स्माइलीसह हा व्हिडिओ पोस्ट केला आहे.

हे वाचा-साऊथची ही अभिनेत्री घेते सर्वाधिक मानधन; मेकर्सना मोजावी लागते तगडी फी

वरुण धवन याने त्याच्या इन्स्टाग्राम स्टोरीमध्ये हा व्हिडिओ पोस्ट केला आहे. त्यानंतर लगेचच इन्स्टाग्रामवर हा व्हिडिओ व्हायरल झाला आहे.


२४ जून रोजी प्रदर्शित होणाऱ्या ‘जुग जुग जियो’मध्ये अनिल कपूर, नीतू कपूर, वरुण धवन, कियारा अडवाणी, प्राजक्ता कोळी आणि मनिष पॉल अशी स्टारकास्ट असणार आहे. या सिनेमातील ‘नाच पंजाबन’ हे गाणं सध्या सोशल मीडियावर व्हायरल होत आहे. या गाण्यावरील रील्स इन्स्टाग्रामवर ट्रेंड होत आहेत. मात्र या गाण्यामुळे काँट्रोव्हर्सी देखील निर्माण झाली आहे.

हे वाचा-तुला रोज मिस करते… सुशांतसिंह राजपूतसाठी गर्लफ्रेंड रिया चक्रवर्तीची पोस्ट,सुशांतचे चाहते सुन्न

एका पाकिस्तानी गायकाने हे गाणे त्याचे असल्याचा दावा केला असून त्याने करण जोहर आणि निर्मात्यांविरोधात कायदेशीर कारवाई करण्याचा निर्णय घेतला आहे. पाकिस्तानी गायक अबरार उल हकने (Abrar ul Haq) या सिनेमातील ‘नाच पंजाबन’ गाणे सिनेमाच्या मेकर्सनी चोरी केल्या आरोप केला आहे. आपल्या मूळ गाण्याचे हक्क कोणालाही विकले नसतानाही चित्रपटातील ‘नाच पंजाबन’ हे गाणे परवानगीशिवाय वापरण्यात आल्याचा आरोप त्याने केला आहे.





Source link

Leave a Reply

Your email address will not be published.