नवी दिल्लीः संसदेत पावसाळी अधिवेशन सुरु आहे. अधिवेशनादरम्यान २० खासदारांना निलंबन करण्यात आले आहे. खासदारांच्या निलंबनाविरोधात सत्ताधारी पक्ष आक्रमक झाला असून विरोधक ५० तासांच्या आंदोलनाला बसले आहेत. खासदाराच्या आंदोलनासाठी एक वेळापत्रक बनवण्यात आलं आहे. त्या वेळापत्रकानुसार विरोधक आंदोलन करत आहेत. खासदारांनी बुधवारी संसदेच्या परिसरात आंदोलन केलं. यावेळी त्यांनी तिथेच वास्तव्य केलं.

महागाई, बेरोजगारी आणि जीएसटी वाढीच्या मुद्द्यांवरून संसदेच्या पावसाळी अधिवेशनादरम्यान २० खासदारांना निलंबीत करण्यात आले. यात राज्यसभेतील वीस आणि लोकसभेतील चार खासदारांचा सहभाग आहे. तृणमूल काँग्रेसचे सात, डीएमकेचे सहा, तेलंगणा राष्ट्र समितीचे तीन, सीपीआयचे दोन तर आम आदमी पक्ष व सीपीआयचे प्रत्येकी एक-एक खासदारांचा समावेश आहे. त्याचबरोबर, लोकसभेचे काँग्रेसचे चार निलंबित खासदारही आंदोलनाला बसले आहेत. संसदेच्या बाहेर बसलेल्या खासदारांनी रात्री झोपण्यासाठी तंबू (टेन्ट)ची मागणी केली होती. मात्र, संसद परिसरात अशा प्रकारे आंदोलन करता येणार नाही त्याची परवानगी देण्यात येणार नाही, असं प्रशासनाकडून सांगण्यात आलं. मात्र, आंदोलनकर्त्यां खासदारांना शौचालय आणि सार्वजनिक वाचनालयाचा वापर करण्याची परवानगी मिळाली आहे.

वाचाः एक हजार कोटींहून अधिक किंमत असलेली जागा ‘ती’ जागा बिल्डरच्या घशात?, महापालिका कार्यालयाची संशयास्पद भूमिका

तृणमूलचे खासदार डेरेक ओ ब्रायन यांनी सर्व खासदारांची रात्रीची झोपण्याची व्यवस्था केली होती. त्यांनी तसे फोटोहे सोशल मीडियावर शेअर केले होते. तसंच, काँग्रेसचे वरिष्ठ नेता जयराम रमेश यांनीही खासदारांच्या या आंदोलनाला पाठिंबा देत घटनास्थळ गाठलं होतं. खासदाराच्या नाश्तापासून जेवणाची व्यवस्था व त्याचे वेळापत्रक बनवण्यात आले आहे.

समाचार एजन्सीच्या अहवालानुसार, बुधवारी खासदारांना इडली- सांभारचा नाश्ता देण्यात आला होता. डीएमके खासदार तिरची सेवा यांनी ही व्यवस्था केली होती. तर, दुपारचं जेवणही डीएमकेकडून आयोजित करण्यात आलं होतं. रात्रीच्या जेवणात डाळ, चपाती, चिकन तंदूरी असं पदार्थ आयोजित करण्यात आले आहे.

वाचाः मित्राच्या घरी पार्टी करायला गेला अन् घडले अघटित; दोघांच्या भांडणात तिसऱ्याचाच जीव गेला

डीएमके खासदार कनिमोझी यांनी हे वेळापत्रक बनवण्यात महत्त्वाची भूमिका निभावली आहे. त्याचबरोबर त्या गाजराचा हलवादेखील सोबत घेऊन आल्या होत्या. तर, टीएमसीकडून आंदोलनस्थळी फळ व सँडविचची व्यवस्था करण्यात आली होती. गुरुवारच्या सकाळी नाश्ताची सोय डीएमके करणार असून टीआरएसवर दुपार व रात्रीच्या जेवणाची व्यवस्था करण्याची जबाबदारी देण्यात आली आहे.

वाचाः वडिलांच्या एका निर्णयाने पूर्ण कुटुंब संपले; नागपूरातील कार जळीतकांड प्रकरणातील मुलाचाही दुर्देवी अंत



Source link

Leave a Reply

Your email address will not be published.