मुंबई: गेल्या ६-७ वर्षांपासून ज्या सिनेमाबद्दल फक्त चर्चाच होतेय त्या सिनेमाचा ट्रेलर अखेर प्रदर्शित झाला. अयान मुखर्जी दिग्दर्शित ‘ब्रह्मास्त्र’ या चित्रपटाचा धमाकेदार ट्रेलर प्रेक्षकांच्या भेटीस आला. रणबीर कपूर, आलिया भट्ट यांच्या प्रमुख भूमिका असलेला हा चित्रपट हिंदीसह तमिळ, तेलुगू, मल्याळी, कन्नड या भाषांमध्येही प्रदर्शित होणार आहे. पण हा ट्रेलर प्रदर्शित झाल्यानंतर मराठमोळी अभिनेत्री सोशल मीडियावर ट्रोल होत आहे.
स्वप्न पाहावं तर असं! अजय पुरकर यांनी बांधलं ऐतिहासिक भूमीत घर

रणबीर चार वर्षांनी मोठ्या पडद्यावर दिसणार आहे, रणबीर-आलिया ही नवी लोकप्रिय जोडी या सिनेमात पहिल्यांदा एकत्र झळकणार आहे, अमिताभ बच्चन, नागार्जुन, मौनी रॉय असे अनुभवी कलाकारही यात मध्यवर्ती भूमिकांमध्ये आहेत. अशा सर्व कारणांसाठी प्रेक्षक ‘ब्रह्मास्त्र’ची आतुरतेनं वाट बघत होते. अखेर या सिनेमाचा ट्रेलर लोकांनी बघितला आणि त्यांना तो आवडलाही. सिनेसृष्टीतील इतर सेलिब्रटींनी देखील या ट्रेलरचं प्रचंड कौतुक केलंय. अभिनेत्री अमृता खानविलकर हिनं देखील हा ट्रेलर पाहिला आणि तिची प्रतिक्रिया दिली.


आलियानं तिच्या इन्स्टाग्राम अकाऊंटवर ‘ब्रह्मास्त्र’चा ट्रेलर शेअर केला होता. त्यानंतर अमृतानं कमेंट करत तिची प्रतिक्रिया दिली. अमृतानं हा ट्रेलर खूपच भारी आहे. नेत्रदीपक आहे, असं म्हटलं आहे. (Ooooooohhhhhhhhhhh goooddddddd spectacular mind blowing out of this world)
बूट घालून मंदिरात शिरताना दिसतोय रणबीर, नेटकऱ्यांचा राग अनावर
अमृतानं ही कमेंट केल्यानंतर अनेकांनी तिला ट्रोल केलं आहे. एका युझरनं म्हटलं की, ‘उगाच ओव्हर रिअॅक्ट होऊ नकोस, इतकाही छान नाही, हे तुलाही माहित आहे’. तर दुसऱ्या एका युझरनं म्हटलं आहे की, इतकंही ओव्हर रिअॅक्ट करू नकोस, तू मार्वल मूव्ही पाहिल्या नाहीत का? तर आणखी एकानं ‘बॉलिवूडमध्ये काम मिळण्यासाठी तू असं बोलते आहेस’ असं म्हटलं आहे.

अमृतानं आलियासोबत राझी या चित्रपटात काम केलं होतं. दोघींच्या अभिनयाचं तेव्हा कौतुक झालं होतं.

ट्रोल

ट्रेलर हिट
चित्रपट ज्या-ज्या भाषांमध्ये प्रदर्शित होणार आहे त्या सर्व भाषांमधील ट्रेलरचे एकूण व्ह्यूज एका दिवसात कोटींच्या घरात गेले आहेत. शिवाय या सर्व भाषांमधील ट्रेलर्सना बऱ्याच प्रतिक्रियाही मिळाल्या आहेत. ट्रेलरमधील कलाकारांच्या अभिनयाची, दिग्दर्शनाची, सादरीकरणाची प्रशंसा होतंच आहे; शिवाय चित्रपटातील व्हीएफएक्सचंही विशेष कौतुक होतंय. आता चाहते हा सिनेमा मोठ्या पडद्यावर बघण्याची वाट बघत आहेत.





Source link

Leave a Reply

Your email address will not be published.