मुंबई: हॉलिवूड अभिनेत्री मेना सुवारी (Mena Suvari) तिच्या अनेक उत्कृष्ट चित्रपटांसाठी ओळखली जाते. या अभिनेत्रीने तिच्या खास शैलीमुळे लाखो चाहत्यांच्या हृदयात आपले खास स्थान निर्माण केले आहे. मेना ‘अमेरिकन पाय’ फ्रँचायझी, ‘रमर हॅज इट’ आणि ‘किस द गर्ल्स’ यांसारख्या चित्रपटांसाठी ओळखली जाते. मेनाने अलीकडेच तिच्या आयुष्यातील कटू आठवणींबाबत मोठा गौप्यस्फोट केला आहे. तिने एका मुलाखतीत अशी माहिती दिली की तिच्या एक्स-बॉयफ्रेंडने तिला इतर महिलांसोबत थ्रीसम करण्यास भाग पाडले होते. याआधी अभिनेत्रीने तिच्या बालपणाबाबतही असेच काही धक्कादायक खुलासे केले होते.

मीडिया रिपोर्ट्सनुसार, ४३ वर्षीय अभिनेत्री मेना हिने एका मुलाखतीत तिच्या भूतकाळातील रिलेशनशिपबाबत सांगितले. मात्र तिने तिच्या एक्सचे नाव घेतले नाही. तिने याबाबतही सांगितले की एका लायटिंग इंजिनिअरने तिचे ती लहान असताना लैंगिक शोषण केले होते आणि तिच्यासह जे काही घडले ती तिला अनेक वर्षांनी लक्षात आले होते.

हे वाचा-मराठीमध्ये लोकप्रिय होतेय ही अमराठी अभिनेत्री; युट्यूबनंतर आता गाजवतेय मालिका

अभिनेत्री तिच्या एक्सविषयी बोलताना म्हणाली की त्याने तिला इतर महिलांसह थ्रीसम करण्यास भाग पाडले होते. यातील काही महिला तिला सिनेमाच्या सेटवर भेटल्या होत्या. त्यांच्यासह नेमकं काय घडलं होतं हे तिला बातचीत केल्यानंतर समजलं, त्यावेळी अभिनेत्रीची मान लाजेने खाली झुकली होती. यावेळी अभिनेत्रीने त्या महिलेला म्हटलं होतं की, तिला खरंतर ते काम करायचे नव्हते. मात्र त्या महिलेचाही असाच समज झाला होता की अभिनेत्रीला ती गोष्ट करायची होती.

सुवारी पुढे म्हणाली, ‘माझ्यासाठी हा एक डोळे उघडणारा अनुभव होता, माझा विनयभंग होत होता आणि मला याची कल्पना नव्हती. मी त्या परिस्थितीत वाईट पद्धतीने अडकत गेले.’ अभिनेत्रीने असा दावा केला की, तिला त्याच एक्सने सेक्स टॉय वापरण्यासही भाग पाडले होते. ती म्हणाली की, ‘मला प्रेम मिळाले नाही. मी त्याच्या इच्छा भागवण्यासाठी केवळ एक शरीर होते.’ वारंवार रफ सेक्स केल्याने डॉक्टरांचा सल्ला घ्यावा लागल्याचेही तिने म्हटले आहे.

हे वाचा-कुणाला आली चक्कर तर कुणी लागलं रडायला, विजयला पाहताच चाहत्या सैराट

तिने पुढे म्हटलं की, ‘मी अशा गोष्टींबाबत नकारात्मक बोलू इच्छित नाही ज्या इतर कुणासाठी खूप चांगल्या ठरू शकतात. पण मला त्या गोष्टी करण्यासाठी पर्याय देण्यात आला नव्हता आणि हेच माझ्यासाठी भयंकर होते. जेव्हा तुम्हाला लैंगिक शोषणाचा अनुभव येतो तेव्हा ते फार गोंधळात टाकणारे असते, कारण त्याचा काही टक्के भाग चांगला असू शकतो. तर दुसरीकडे ही गोष्ट दु:खद असते, त्यामुळे भीती वाटते, तुम्हाला कळतच नाही काय चूक आणि काय बरोबर.’

गेल्यावर्षी तिने भावाच्या मित्राने तिच्यावर बलात्कार केल्याची घटनाही सांगितली होती. तिचं पुस्तक ‘द ग्रेट पीस’मध्ये तिच्या या भयंकर अनुभवाविषयी अभिनेत्रीने सांगितले आहे. त्या घटनेनंतर तिची स्थिती ठीक नसल्याचे ती सांगते. सुवारीने सांगितले की, वयाच्या १३ व्या वर्षी बलात्कारासारख्या भयंकर घटनेला सामोरे गेल्यानंतर तिने त्या वेदना आणि दु:ख कमी करण्यासाठी ड्रग्ज आणि अल्कोहोल घेण्यास सुरुवात केली. याबाबत तिने तिच्या पुस्तकात नमूद केले आहे.



Source link

Leave a Reply

Your email address will not be published.