कल्याण: कल्याण पूर्वेत धक्कादायक घटना घडली असून एकच खळबळ उडाली आहे. व्हिडिओ व्हायरल करण्याची धमकी देत तरुणीवर गेल्या दीड वर्षांपासून सात तरुण लैंगित अत्याचार करत होते. या सततच्या त्रासाला कंटाळून करीणीने राहत्या इमारतीच्या गच्चीवरुन उडी घेत आत्महत्या केली आहे. विशेष, म्हणजे या आरोपींना एका मुलीनेच मदत केल्याची माहितीही हाती येत आहे. याप्रकरणी पोलिसांना मुलीच्या मोबाईलमध्ये सुसाईड नोट मिळाली असून कोळशेवाडी पोलिसांनी आठ जणांविरुद्ध गुन्हा दाखल करत त्यांना अटक केली आहे.

आरोपींमध्ये एका तरुणीचा देखील समावेश असल्याने संताप व्यक्त केला जात आहे. ही आरोपी तरुणी हे गैरकृत्य करण्यासाठी या सात तरुणांना मदत करत होती, अशी माहिती पोलीस सूत्रांनी दिली आहे. याबाबत पीडितेच्या कुटुंबीयांनी सांगितले की, आरोपीमध्ये कल्याणधील एका नामांकित बिल्डरची मुलं असून आमच्यावर दबाव टाकला जात आहे. आमच्या जीवाला धोका असून आरोपींवर कठोर कारवाई करावी, अशी मागणी केली आहे. याबाबत कोळसेवाडी पोलिस ठाण्याचे सिनियर पीआय बशीर शेख यांना संपर्क केला असता त्यांनी फोन उचलला नाही.

कल्याण पूर्व परिसरात एका तरुणीने राहत्या इमारतीच्या तिसऱ्या मजल्यावरून उडी मारून आत्महत्या केल्याची घटना दोन दिवसांपूर्वी घडली होती. या मुलीने बारावीची परीक्षा दिली होती नुकताच तिचा निकाल ही आला होता. बारावीच्या परीक्षेत तिला ७१ तक्के पडले होते. तिच्या आत्महत्येनंतर या प्रकरणी कोळशेवाडी पोलिसांनी तपास सुरू केला होता. तपासादरम्यान मयत तरुणीच्या मोबाईलमध्ये पोलिसांना सुसाईड नोट आढळली. या सुसाइड नोटच्या आधारे पोलिसांनी तपास सुरू केला आहे. सुसाईड नोट मधील मजकूरामुळे पोलिस ही थक्क झाले.

वाचाः आत्महत्या करताना प्रियकराने नदीत उडी घेतलीच नाही; संतापलेल्या प्रेयसीने घडवली चांगलीच अद्दल

सदर मयत तरुणीला याच परिसरात राहणारे सात तरुण व्हिडिओ व्हायरल करण्याची धमकी देत तिच्यावर गेल्या दीड वर्षापासून लैंगिक अत्याचार करत होते. धक्कादायक बाब म्हणजे या सात विकृत नराधमाना एक तरुणी हे गैरकृत्य करण्यासाठी मदत करत होती. ही तरुणी पिडीतेची मैत्रीण होती. पोलिसांनी या प्रकणात आठ जणांना अटक केली असून पुढील तपास सुरू केला आहे. सनी पांडे, विजय यादव, प्रमेय तिवारी, शिवम पांडे, कृष्णा जयस्वाल, आनंद दुबे, निखिल मिश्रा, काजल जयस्वाल अशी अटक आरोपींची नावे आहेत. यामधील कृष्णा जयस्वाल व काजल जयस्वाल हे भाऊ बहिण आहेत. दरम्यान अटक आरोपी मधील काही कल्याण मधील धनदांडग्या बिल्डरचे मुलं असल्याची माहिती समोर येत आहे.

माझ्या मुलीवर बलात्कार झाला आहे. तिला टॉर्चर करण्यात आले आणि तिला छतावरून ढकलण्यात आले. पोलिसांनी काही केले नाही, पोलिसांनी आम्हाला सुरक्षा द्यावी, आमच्यावर दबाव टाकला जात आहे.

पीडितेचे वडील

बिल्डरकडून दबाव असल्याचा कुटुंबीयांचा आरोप

याबाबत पीडितेच्या कुटुंबीयांनी आमच्या मुलीवर बलात्कार झालाय. तिला गच्चीवरुन ढकललं की तिने आत्महत्या केली याचा तपास पोलिसांनी करावा. तिला ब्लॅकमेल केलं जात होत. कल्याणमधील एका मोठ्या बिल्डरची मुलं यात सहभागी आहे. आरोपीवर पोलिसांनी कठोर कारवाई करावी. बिल्डरकडून आमच्यावर देखील दबाव आणला जात आहे. आमच्या जीवाला धोका आहे आम्हाला देखील पोलिस संरक्षण द्यावे, अशी मागणी केली आहे.

वाचाः परंपरेची चौकट मोडत अकोल्यात विधवांनी साजरी केली वटपौर्णिमा



Source link

Leave a Reply

Your email address will not be published.