प्रश्न: मी 35 वर्षांची विवाहित स्त्री आहे. माझ्या लग्नाला 8 वर्षे झाली आहेत. शिवाय मला एक 6 वर्षांचा मुलगा सुद्धा आहे. माझे कुटुंब तसे सुखासमाधाने जगत होते. पण आता मी एका गोष्टीला खूप जास्त कंटाळलेली आहे आणि ती गोष्ट म्हणजे माझ्या पतीचा संशयी स्वभाव होय. तो माझ्याबाबत खूप असुरक्षित फील करतो. त्याला छोट्या छोट्या गोष्टीवरून माझ्यावर संशय येतो. त्याला सतत वाटते की मी इतर पुरूषांकडे आकर्षित होते. पण मुळात असे काही नाही.

लग्न झाले तेव्हा त्याने मला पूर्ण अंग झाकेल असेच कपडे परिधान करायचे अशी ताकीद दिली होती. कधीच मला माझ्या मनासारखे व आवडते कपडे परिधान करण्याची मुभा दिली नाही. शिवाय त्याला मी कोणाशी जास्त बोललेलं सुद्धा आवडायचं नाही. मला वाटायचं की तो माझ्यावर खूप प्रेम करतो म्हणून असा वागत असावा. पण नंतर हळूहळू लक्षात आले की हा संशय आहे. (गोपनीयतेच्या कारणाने आम्ही व्यक्तीची ओळख उघड करत नाही.)

एकदा तर हद्द झाली

लग्नानंतर सुद्धा मी काही काळ नोकरी करत होते. पण तेव्हा याच संशयामुळे माझ्या पतीने माझं ऑफिसमधील एका पुरुषासोबत अफेअर सुरु आहे असा आरोप लावला. एकदा तर चक्क ते चेक करायला म्हणून थेट माझ्या ऑफिसमध्ये आले. तेव्हा ऑफिसमध्ये या गोष्टीची खूप चर्चा झाली. पण सुद्धा सगळ्यांसमोर खूप लाज वाटली. त्यांनी मला नोकरी सोडायला लावली आणि घरीच थांबून घर सांभाळायला सांगितलं.

(वाचा :- लग्नानंतर महिला गुगलवर सर्वात जास्त व वारंवार काय सर्च करतात? उत्तर ऐकून हैराण होतील जगातील सर्व पुरूष…!)

माणूस चांगला आहे

एवढं असून सुद्धा मी असंच म्हणेन की ते खूप चांगले आहेत. एक माणूस आणि एक पिता म्हणून ते मला आणि माझ्या मुलाला काहीच कमी पडू देत नाहीत. ही एक गोष्ट सोडली तर आमचे कुटुंब खूप सुखी आहे. पण त्यांची अट एकच आहे की ते सांगतील तसंच वागायचं. पण यामुळे माझी अवस्था पिंजऱ्यात बंद झालेल्या पक्षासारखी झाली आहे. मी माझ्या मनाप्रमाणे काही करू शकत नाही आणि याचा मला खूप त्रास होतो. त्यांची ही सवय कशी सोडवावी हे मला कळत नाही आहे. त्यांचा संशय दूर कसा करावा याबद्दल मला मार्गदर्शन करा.

(वाचा :- करोडो रूपयांच्या मालकिन व देशातील पहिल्या महिला इंजिनियर सुधा मुर्तीं कशा झाल्या इतक्या यशस्वी? ऐकून व्हाल थक्कच)

जाणकारांचे उत्तर

गुरूग्रामच्या आर्टेमिस हॉस्पिटलच्या मानसोपचारतज्ज्ञ डॉ. रचना खन्ना सिंह म्हणतात की, “तुमची सगळी कहाणी ऐकून मी तुमची स्थिती समजू शकते. नात्यामध्ये असुरक्षिततेची भावना असणे आणि त्यातून संशय निर्माण होणे ही एक सामान्य गोष्ट असली तरी हा संशय वेळीच दूर होणे गरजेचे आहे नाहीतर नाते तुटण्यास वेळ लागत नाही. तुमच्या पतीच्या अशा वागण्यामागे नक्की काय कारण आहे ते त्यांनाच ठावूक, पण मला वाटते की तुमच्या सासरची स्थिती अशी असावी जिथे स्त्रियांना स्वातंत्र्य दिले जात नसावे. लहानपणापासून तुमचे पती अशा वातावरणात वाढले असावेत आणि त्यामुळे मनावर त्याचा प्रभाव पडून ते तसे वागत असावेत. तुम्ही सर्वात आधी त्यांच्या या संशयी स्वभावाचे कारण जाणण्याचा प्रयत्न करा.”

(वाचा :- माझी कहाणी : मी एका अनोळखी मुलीला एक रात्र घरात राहून दिलं, त्या एका रात्रीत असं काही घडलं की माझं आयुष्यच पूर्ण बदलून गेलं)

पतीशी मोकळेपणाने बोला

डॉक्टर रचना पुढे असेही म्हणतात की, “पतीला घाबरून तुम्ही शांत राहत असाल आणि सगळं सहन करत असाल तर असं करण्याची चूक अजिबात करू नका. तुम्ही तुम्हाला होत असलेला त्रास त्यांना सांगा. त्यांच्या संशयामुळे तुमच्या मानसिक स्थितीवर किती प्रभाव पडतो आहे हे त्यांना समजावून सांगा. ते तुमच्याशी इतर वेळी चांगले वागतात आणि ते एक चांगले व्यक्ती आहेत हे तुम्हीच वर सांगितले. त्यामुळे ते मनाने चांगले असतील तर नक्कीच तुमचं म्हणणं समजून घेतील आणि तुम्हाला या मागचे कारण सांगतील अशी आशा आहे.”

(वाचा :- माझी कहाणी : मी 12 वी मध्ये शिकणारी मुलगी असून माझ्यावर एक अत्यंत वाईट प्रसंग बेतला आहे, असं कोणासोबतच घडू नये)

प्रेम अधिक घट्ट होऊ द्या

डॉक्टर पुढे असेही सांगतात की, “तुमचं तुमच्या पतीकडे दुर्लक्ष होत नाही ना हे सुद्धा तपासा. तुम्ही त्यांना जाणवून द्या की तुम्ही त्यांच्यावर खरं प्रेम करता आणि त्यांच्या शिवाय इतर कोणीही तुमच्या मनात नाही. तुम्ही हा विश्वास जरी त्यांना दिलात तरी त्यांच्या वागण्यात मोठा फरक नक्की पडेल. त्यामुळे त्यांच्याशी जवळीक वाढवा. त्यांना जाणीव करून द्या की तुमच्यासाठी तेच तुमचे सर्वस्व आहेत. अनेकदा पत्नी या बाबतीत कमी पडते आणि मग नवऱ्याला वाटू लागते की तिचे प्रेम नाही आणि यातून संशय जन्माला येतो. त्यामुळे ही गोष्ट करून पहा.”

(वाचा :- माझी कहाणी : मला एक गंभीर आजार झाला आहे, जी गोष्ट मी नवरा व सासरच्या मंडळींपासून लपवली आहे, पण आता मला भीती वाटतीये)



Source link

Leave a Reply

Your email address will not be published.