मुंबई : गेल्या १५ वर्षांमध्ये भारतातल्या कोणत्याही क्षेत्रात जेवढी वाढ झाली नाही तेवढी फक्त आयपीएलमध्ये झाल्याचे आता म्हटले जात आहे. कारण आयपीएलने यावेळी फक्त प्रसारणाच्या हक्कामधून एवढी रक्कम कमावली आहे की, त्यामध्ये गेल्या वर्षीपेक्षा रेकॉर्डतोड वाढ झाली आहे.

आयपीएल २००८ साली सुरु करण्यात आले. त्यावेळी २००८ ते २०१७ या १० वर्षांसाठी सोनी या कंपनीने प्रसारणाचे हक्क घेतले होत आणि त्यासाठी त्यांनी ८२०० कोटी रुपयांचा करार केला होता. त्यानुसार प्रत्येक सामन्यासाठी बीसीसीआयला १३.६ कोटी रुपये मिळत होते. त्यानंतर स्टार नेटवर्कने पाच वर्षांसाठी प्रसारणाचे हक्क घेतले होते आणि त्यासाठी त्यांनी १६, ३४७.५० कोटी रुपये मोजले होता. स्टारचा हा करार २०१७ ते २०२२ या वर्षांपर्यंत होता. त्यानंतर यावर्षी पुन्हा एकदा सोनी या कंपनीला प्रसारणाचे हक्क मिळणार असल्याचे समजते आहे. यावर्षी टीव्हीवर प्रसारण आणि डिजिटल माध्यमांवर प्रसारण, असे दोन भाग आहेत आणि यासाठी दोन वेगवेगळ्या कंपन्यांना हक्क देण्यात येणार असल्याचे समजते आहे. सूत्रांनी दिलेल्या माहितीनुसार यावेळी जवळपास ४४ हजार कोटी रुपये बीसीसीआयला प्रसारणाच्या हक्कासाठी मिळणार असल्याचे समजते आहे. सोनी कंपनी यावेळी प्रत्येक सामन्याच्या टीव्ही प्रसारणासाठी ५७.५ कोटी रुपये देणार असल्याचे समोर आले आहे, तर डिजीटल हक्कांसाठी ५० कोटी रुपये बीसीसीआयला मिळणार असल्याचे समोर येत आहे. डिजीटल हक्क यावेळी मुकेश अंबानी यांच्या वायकॉम-१८ या कंपीनीने जिंकल्याचे समोर येत आहे. त्यामुळे आयपीएलच्या एका सामन्यासाठी बीसीसीआयला जवळपास १०७.५ कोटी रुपये मिळणार आहेत.

आयपीएलमध्ये एका बाजूला जेव्हा खेळाडूंचा लिलाव होत असतो तेव्हा चाहते हबकून जात असतात. पण आता एका सामन्यासाठी बीसीसीआयला केवढी रक्कम मिळणार आहे, हे समजल्यावर तर चाहत्यांना मोठा धक्का बसला असेल. पण आयपीएलच्या प्रसारण हक्कांबाबत यावेळी बीसीसीआयने अधिकृतपणे कोणीतीही माहिती अद्याप दिलेली नाही. त्यामुळे बीसीसीआय ही माहिती अधिकृत कधी करणार, याकडे सर्वांचे लक्ष असेल.



Source link

Leave a Reply

Your email address will not be published.