धुळेः धुळे शहरातील कुमार नगर भागात राहणाऱ्या चिनू पोपली या ३९ वर्षे तरुणाचा तीन अज्ञातांनी गोळीबार करत खून केल्याची खळबळजनक घटना मध्यरात्रीच्या सुमारास घडली आहे. या हत्येचे कारण समजताच पोलिसही चक्रावले आहेत. पोलीसांनी दोन आरोपींना ताब्यात घेतलं असून एक जण फरार आहे. (Dhule Crime News)

धुळे शहरातील कुमार नगर भागात चिनू पोपली हा त्याच्या कुटुंबासह राहत होता. तो रात्री घरी नसताना त्याच्या घरी आलेल्या दोघा जणांनी त्याच्या पत्नीला तो कुठे आहे याबाबत विचारणा केली. त्यांनी चिनू बाहेर गेल्याचे सांगितले. त्यानंतर दोघेही दुचाकीवरून निघून गेले. त्यानंतर पत्नीने घरी आलेल्या दोघांबाबत चिनू पोपली यांना माहिती दिली.

वाचाः अत्याचार करुन विवस्त्र अवस्थेत जंगलात फेकले; रात्रभर रक्ताच्या थारोळ्यात विव्हळत होती पीडिता
पत्नीच्या फोननंतर काही वेळातच चिनू पोपली घराजवळ आल्यानंतर ते तिघेजण परत आले. तेव्हा त्यांच्यात शाब्दिक वाद झाला. पण हा छोटासा वाद इतका विकोपाला गेला की त्यांनी थेट आपल्याजवळील बंदूक काढून चिनू पोपली यांच्यावर गोळ्या झाडल्या. या घटनेनंतर जखमी अवस्थेत चिनू हा घरी आला व त्याने आपल्या पत्नीला घडलेल्या घटनेबाबत माहिती दिली. त्यानंतर त्याला तात्काळ जिल्हा रुग्णालयात दाखल केले मात्र तोपर्यंत त्याचा मृत्यू झाला होता.

वाचाः महाराष्ट्र पुन्हा हादरला; मदतीच्या बहाण्याने एकाच महिलेवर दोन जिल्ह्यात सामूहिक बलात्कार, पीडिता गंभीर

चिनू पोपली यांचा अवघ्या ३,४०० रुपयांच्या वादातून हा खून झाल्याची प्राथमिक माहिती समोर आली आहे. याप्रकरणी धुळे शहर पोलिसांनी यासीन पठाण आणि भटू चौधरी या दोन आरोपींना ताब्यात घेण्यात आले आहे. एक जण फरार झाला असून त्याचा शोध पोलीस घेत आहेत.

वाचाः राज्यात पुन्हा अतिवृष्टीची शक्यता; येत्या पाच दिवसांत ‘या’ जिल्ह्यांत मुसळधार पाऊस बरसणार



Source link

Leave a Reply

Your email address will not be published.