नवी दिल्ली: वनडे मालिकेत वेस्ट इंडिजचा ३-० असा पराभव केल्यानंतर आता टी-२० मालिकेची सुरूवात होणार आहे. भारत आणि वेस्ट इंडिज यांच्यातील पहिली टी-२० लढत आज त्रिनिदाद येथील ब्रायन लारा क्रिकेट स्टेडियमवर होईल. या मालिकेत देखील टीम इंडिया फेव्हरेट मानली जात आहे. जर रोहित शर्माच्या नेतृत्वाखाली भारताने पाच सामन्यांची ही मालिका जिंकली तर एक नवा विक्रम होईल.

रोहित आणि कंपनीला वेस्ट इंडिजविरुद्धच्या टी-२० मालिकेत एक नवा विक्रम करण्याची संधी आहे. जर भारताने ही मालिका जिंकली तर ते टी-२० क्रिकेटमध्ये वेस्ट इंडिजचा घरच्या मैदानावर सर्वाधिक वेळा पराभूत करणारा संघ ठरले. वेस्ट इंडिजमध्ये इंग्लंड आणि पाकिस्तान यांनी सर्वाधिक ६ सामने जिंकले आहेत. भारताने वेस्ट इंडिजमध्ये ४ लढती खेळल्या असून त्यापैकी २ मध्ये विजय तर २ मध्ये पराभव झालाय. आता टीम इंडियाने पाच सामन्यांची मालिका जिंकली तर ते अव्वल स्थानी पोहोचतील.

वाचा- मॅच न खेळता भारताने पाकिस्तानला दिला दणका; WTCच्या गुणतक्त्यातील मोठा

टी-२० मालिकेसाठी भारताचा नियमीत कर्णधार रोहित शर्मासह हार्दिक पंड्या, दिनेश कार्तिक, भुवनेश्वर कुमार, ऋषभ पंत आणि आर अश्विन सारखे खेळाडू संघात परतले आहेत. हे खेळाडू वनडे मालिकेच्या संघात नव्हते. इंग्लंडविरुद्ध टी-२० मालिकेत कमाल करणारा हार्दिक पंड्या आता पुन्हा तशीच कामगिरी करतो का याची सर्वांना उत्सुकता आहे. पंतला इंग्लंडविरुद्ध फार दमदार कामगिरी करता आली नव्हती. भारताकडे ईशान किशन सारखा पर्याय देखील आहे.

कधी आणि कुठे पाहाल सामना

वनडे मालिके प्रमाणे टी-२० मालिका स्टार स्पोर्ट्स किंवा सोनी टीव्हीवर पाहता येणार नाही. हे सामने भारतीय वेळेनुसार रात्री ८ वाजता डीडी स्पोर्ट्सवर पाहता येतील.

वाचा- डोळ्याचं पारणं फेडणारा शानदार सोहळा, राष्ट्रकुल क्रीडा स्पर्धेचं दिमाखात उद्घाटन

हेड टू हेड

भारत आणि वेस्ट इंडिज यांच्यात आतापर्यंत २० टी-२० सामने झाले आहेत. त्यापैकी १३ मध्ये भारताने तर ६ मध्ये वेस्ट इंडिजने विजय मिळवला. एका सामन्याचा निकाल लागला नाही.

पिच रिपोर्ट

ब्रायन लारा क्रिकेट स्टेडियमवरील पिच थोडी संथ असल्याचे बोलले जाते. यामुळे मोठे शॉट खेळताना अडचणीचे ठरू शकते. या मैदानावर गोलंदाजी चांगली कामगिरी करू शकतात.

संभाव्य संघ

भारत- रोहित शर्मा (कर्णधार), ईशान किशन, श्रेयस अय्यर, सूर्यकुमार यादव, हार्दिक पंड्या, ऋषभ पंत, रविंद्र जडेजा, युजवेंद्र चहल, अर्शदीप सिंह, भुवनेश्वर कुमार, हर्षल पटेल

वेस्ट इंडिज- ब्रँडन किंग, कायल मेयर्स, शिमरन हेटमायर, निकोलस पूरन, रोवमॅन पॉवेल, किसी कार्टी, जेसन होल्डर, रोमारियो शेफर्ड, गुडाकेश मोती, अकील होसेन, ओबेड मॅकॉय



Source link

Leave a Reply

Your email address will not be published.