Upcoming Smartphones: भारतीय बाजारात दरआठवड्याला नवीन स्मार्टफोन्स लाँच होण्याची रांग लागली आहे. दमदार फीचर्ससह अनेक कंपन्या भारतात फोन्स लाँच करत आहेत. अगदी एंट्री लेव्हल स्मार्टफोनपासून ते फ्लॅगशिप स्मार्टफोन्स भारतीय बाजारात लाँच होत आहेत. भारत जगातील सर्वात मोठ्या स्मार्टफोन बाजारांपैकी एक आहे. ग्राहकांची मागणी पाहता कंपन्या देखील एकापेक्षा एक भन्नाट फोन्स सादर करत आहेत. भारतीय कंपन्यांपासून ते परदेशी कंपन्यांचे फोन्स देखील बाजारात उपलब्ध आहेत. तुम्ही देखील नवीन फोन खरेदी करण्याचा विचार करत असाल तर काही दिवस वाट पाहणे तुमच्यासाठी फायद्याचे ठरेल. कारण, पुढील काही दिवसात भारतात शानदार फोन्स लाँच होणार आहेत. यात Tecno Pova 3, Realme C30, Samsung Galaxy F13, Poco F4 5G आणि Poco X4 GT स्मार्टफोनचा समावेश आहे. या फोन्सविषयी सविस्तर जाणून घेऊया.

​Tecno Pova 3

tecno-pova-3

Tecno Pova 3 स्मार्टफोन २० जूनला भारतात लाँच होणार आहे. या फोनमध्ये ७००० एमएएचची दमदार बॅटरी दिली जाईल, जी ३३ वॉट फास्ट चार्जिंग आणि १० वॉट रिव्हर्स चार्जिंग सपोर्टसह येईल. यात ६.९ इंच फुल एचडी+ डिस्प्ले मिळेल. तसेच, मीडियाटेक हीलियो जी८८ प्रोसेसर, ६ जीबी रॅम + १२८ जीबी स्टोरेज, फोटोग्राफीसाठी रियरला ५० मेगापिक्सल + २ मेगापिक्सल + २ मेगापिक्सल आणि फ्रंटला ८ मेगापिक्सलचा कॅमेरा मिळेल. हा फोन अँड्राइड ११ वर काम करेल.

वाचा: Best Plans: स्वस्तात जास्त व्हॅलिडिटी ! जिओचे ८४ दिवसांची व्हॅलिडिटी आणि इतर बेनेफिट्ससह येणारे ‘ हे’ प्लान्स आहेत जबरदस्त

​Realme C30

realme-c30

Realme C30 स्मार्टफोन २० जूनला दुपारी १२:३० वाजता लाँच होईल. रियलमीच्या या फोनमध्ये मल्टीपल स्ट्रिपसह नवीन डिझाइन पाहायला मिळेल. फोनमध्ये रियर पॅनेलला १३ मेगापिक्सलचा मुख्य कॅमेरा मिळेल. फोन Unisoc T६१२ चिपसेट सपोर्टसह येईल. यात पॉवर बॅकअपसाठी ५००० एमएएची दमदार बॅटरी दिली जाईल. याशिवाय, ६.५८ इंच फुल एचडी+ डिस्प्ले, ड्यूड्रॉप नॉच, ५ मेगापिक्सल सेल्फी कॅमेरा, मायक्रोयूएसबी पोर्ट, ३.५ एमएम हेडफोन जॅक, १० वॉट चार्जिंग सारखे फीचर्स मिळतील.

Samsung Galaxy F13

samsung-galaxy-f13

Samsung Galaxy F13 स्मार्टफोन २२ जूनला दुपारी १२ वाजता भारतात लाँच होणार आहे. फीचर्सबद्दल सांगायचे तर यात एक्सिनॉस ८५० प्रोसेसरचा सपोर्ट मिळेल. फोटोग्राफीसाठी यात रियरला ५० मेगापिक्सल वाइड, ५ मेगापिक्सल अल्ट्रा-वाइड, २ मेगापिक्सल डेप्थ सेंसर कॅमेरा दिला जाईल. तर सेल्फीसाठी ८ मेगापिक्सलचा फ्रंट कॅमेरा मिळेल. सॅमसंगच्या या फुल एचडी+ एलसीडी स्क्रीन, ६००० एमएएच बॅटरी आणि १५ वॉट चार्जिंग सपोर्ट मिळेल.

वाचा: सोशल मीडिया यूजर्संनी हे नियम पाळावे, मोदी सरकारकडून ‘अलर्ट

​Poco F4 5G

poco-f4-5g

Poco F4 5G पुढील आठवड्यातील सर्वात मोठे लाँच आहे. फोन २४ जूनला जागतिक बाजारात लाँच होण्याची शक्यता आहे. हा फोन रेडमी के४०एस चे रीब्रँडेड व्हर्जन असेल. फोनमध्ये क्वालकॉम स्नॅपड्रॅगन ८७० प्रोसेसर, डॉल्बी व्हिजनसह ६.६७ इंच फुल एचडी+ १२० हर्ट्ज एमोलेड डिस्प्ले दिला जाईल. फोनमध्ये डॉल्बी एटमॉससह ड्यूल स्टीरियो स्पीकर्स आणि ६७ वॉट फास्ट चार्जिंग मिळेल. यात फोटोग्राफीसाठी ६४ मेगापिक्सल प्रायमरी कॅमेरा दिला जाईल. फोन २० मेगापिक्सल सेल्फी कॅमेऱ्यासह येईल. यात ४५०० एमएएचची दमदार बॅटरी दिली जाईल.

​Poco X4 GT

poco-x4-gt

Poco X4 GT स्मार्टफोन देखील २३ जूनला लाँच होणार आहे. हा रेडमी नोट ११ टी प्रो चे अपग्रेडेड व्हर्जन असण्याची शक्यता आहे. पोकोच्या या फोनमध्ये मीडियाटेक डायमेंसिटी ८१०० प्रोसेसर, ६.६ इंच १२० हर्ट्ज एलसीडी स्क्रीन, फोटोग्राफीसाठी रियरला ६४ मेगापिक्सल प्रायमरी कॅमेरा, ८ मेगापिक्सल व २ मेगापिक्सल सेंसर आणि फ्रंटला २० मेगापिक्सलचा सेल्फी कॅमेरा मिळेल. पॉवरसाठी ६७ वॉट फास्ट चार्जिंगसह ५०८० एमएएच दमदार बॅटरी मिळेल.

वाचा: Smartphone Tips: स्मार्टफोनची बॅटरी लवकर संपतेय? ‘या’ टिप्स फॉलो केल्यास वारंवार चार्ज करण्याची गरजच नाही



Source link

Leave a Reply

Your email address will not be published.