श्रीनगरः जम्मू-काश्मीरमधील कुलगाम जिल्ह्यात दहशतवाद्यांनी राजस्थानचे रहिवासी असलेल्या विजय कुमार या बँक व्यवस्थापकाची बँकेतच गोळ्या झाडून हत्या केली होती. अखेर विजयच्या हत्येचा बदला घेण्यात सुरक्षा दलाला यश आलं आहे. शोपियामध्ये झालेल्या चकमकीत सैन्याने दोन दहशतवाद्यांना कंठस्नान घातले आहे.

कुलगाम जिल्ह्यातील बँकेचे मॅनेजर विजयकुमार यांची काही दिवसांपूर्वी दहशतवाद्यांनी हत्या केली होती. विजयकुमारच्या हत्येनंतर अस्वस्थ झालेल्या काश्मीरी पंडितांनी काश्मीर खोरे सोडण्याचा निर्णय घेतला होता. मोठ्या प्रमाणात काश्मीरी पंडित व कर्मचारी जम्मूत परतले. तसंच, विजयकुमार व इतर हिंदूंच्या हत्या करण्यात येत असल्याने खोऱ्यात भीतीचे वातावरण पसरले आहे. या पार्श्वभूमीवर भारतीय सैन्याने मोहिम हाती घेतली आहे.

शोपिया जिल्ह्यातील परिसरात दहशतवादी लपल्याची माहिती सुरक्षा दलांना मिळाल्यानंतर या भागाला जवानांनी वेढा दिला. या दरम्यान दहशतवाद्यांनी गोळीबार सुरू केला. जवानांच्या प्रत्युत्तरात दोन दहशतवादी मारले गेले. हे दोघेही ‘लष्कर-ए-तैयबा’चे दहशतवादी असून. मोहम्मद लोन असं यातील एका दहशतवाद्याचे नाव आहे. या आधी अमरीन भट या टीव्ही कलाकाराची हत्या करणाऱ्या दोन दहशतवाद्यांनाही ठार मारण्यात यश आले आहे.

वाचाः मुस्लिम धर्मीयांची माफी मागा!… देशातील प्रमुख संकेतस्थळांवर सायबर हल्ला

काश्मीरमध्ये टेरर किलिंगच्या घटना

काश्मीर खोऱ्यात गेल्या काही दिवसांत नागरिकांच्या हत्या वाढल्या असून, यात काश्मीरी पंडित, कामासाठी बाहेरील भागातून आलेले हिंदू नागरिक, सुरक्षा जवान, कलाकार आणि स्थानिक नागरिकांनाही लक्ष्य करण्यात येत आहे. गुरुवारी (दोन जून) दहशतवाद्यांनी दोन हिंदूंची गोळ्या घालून हत्या केली. यात एक बँक कर्मचारी असून, दुसरा मजूर होता. एक मेपासून खोऱ्यात १० नागरिकांच्या हत्या करण्यात आल्या आहेत. मंगळवारी (३१ मे) दहशतवाद्यांनी शाळेत जाऊन रजनी बाला या शिक्षिकेची हत्या केली. १८ मे रोजी दहशतवाद्यांनी वाइन शॉपवर बाँब फेकला. यात एक जण ठार झाला. २४ मे रोजी सैफुल्ला काद्री या पोलिसाची हत्या करण्यात आली. त्यानंतर दोनच दिवसांनी अमरीन भट या टीव्ही कलाकाराची हत्या करण्यात आली.



Source link

Leave a Reply

Your email address will not be published.