नवी दिल्ली: Apple-1 Price: अ‍ॅपलच्या डिव्हाइसला क्वालिटी आणि खास फीचर्ससाठी ओळखले जाते. त्यामुळे या डिव्हाइसेसची किंमत देखील जास्त असते. लोक यासाठी जास्त पैसे देखील खर्च करतात. मात्र, तुम्ही अ‍ॅपलच्या जुन्या डिव्हाइससाठी कोट्यावधी रुपये खर्च कराल का? एका व्यक्तीने Apple-1 या जुन्या कॉम्प्युटरला खरेदी करण्यासाठी खर्च केलेली रक्कम वाचून तुम्हाला देखील आश्चर्यचा धक्का बसेल. Apple चे सह-संस्थापक Steve Wozniak यांची सही असलेल्या Apple-1 कॉम्प्युटरचा तब्बल ३,४०,१०० डॉलर्सला (जवळपास २,६४,७६,००० रुपये) लिलाव झाला आहे. या मशीनला वर्ष १९७६ मध्ये तयार करण्यात आले होते. विशेष म्हणजे हा कॉम्प्युटर अजूनही चांगल्या स्थितीमध्ये आहे.

वाचा: Tecno Camon 19: ८GB रॅम आणि ६४MP कॅमेऱ्यासह आकर्षक डिझाइनचा स्मार्टफोन लाँच; किंमत खूपच कमी

या कॉम्प्युटरचा लिलाव eBay वर झाला. AAPL Collection ने या कॉम्प्युटरची विक्री केली आहे. eBay वर डिव्हाइसला ३१ मे ला लिस्ट करण्यात आले आहे. लिस्टिंगमध्ये Steve Wozniak यांची सही असलेले हे एकमेव मॉडेल उपलब्ध होते. Wozniak ने कॉम्प्युटरवरील Motorola 6502 प्रोसेसरवर सही केली आहे. डिव्हाइसच्या खरेदीसाठी ११२ लोकांनी बोली लावली. १२ जूनला डिव्हाइसचा लिलाव बंद करण्यात आला होता. आता याची विक्री झाली आहे. सेलरने मात्र कॉम्प्युटरला खरेदी करणाऱ्या व्यक्तीच्या नावाचा खुलासा केलेला नाही. सेलरनुसार, या कॉम्प्युटरला अगदी व्यवस्थितरित्या रिस्टोर करण्यात आले होते. Apple-1 चे जवळपास सर्व पार्ट ओरिजिनल आहेत. रिपोर्टनुसार, Steve Wozniak ने या डिव्हाइसवर वर्ष २०२१ मध्ये सही केली होती.

वाचा: Recharge Plan: Jio चा सर्वात फायदेशीर रिचार्ज प्लान, तब्बल ५०४ जीबी डेटा-अनलिमिटेड कॉलिंगसह मिळतील अनेक फायदे

मूळ Apple-1 विना केस, पॉवर सप्लाय, कीबोर्ड आणि मॉनिटरसह येतो. या डिव्हाइसला तुम्ही सुरुवातीच्या टप्प्यातील मॅक मिनी समजू शकता. सेलरनुसार सर्व ओरिजिनल पार्ट असलेले असे खूप कमी डिव्हाइस उपलब्ध आहेत. सेलरने डिव्हाइसला खरेदी करणाऱ्या व्यक्तीचे नाव सांगितलेले नाही. परंतु, ही व्यक्ती एक अनुभवी विंटेज कॉम्प्युटर कलेक्टर आहे. डिव्हाइसला अमेरिकेत राहणाऱ्या व्यक्तीने खरेदी केले आहे. eBay वर इतरही जुन्या वस्तू उपलब्ध आहेत.

वाचा: आता Android मधून iPhone मध्ये ट्रान्सफर होणार WhatsApp चॅट, मार्क झुकरबर्गने केली घोषणा



Source link

Leave a Reply

Your email address will not be published.