man committed suicide by jumping into the river: गुजरातमध्ये पत्नी अत्याचार विरोधी संघटना स्थापन करून त्रस्त पतींचा आवाज बनणाऱ्या आणि त्यांची मदत करणाऱ्या दशरथ देवडा यांचे भाचे किरीट देवडा यांनी आत्महत्या केली. या आत्महत्या प्रकरणाला आता वेगळं वळण लागलं आहे.

 

husband commits suicide

पत्नीच्या त्रासाला कंटाळून पतीची आत्महत्या

अहमदाबाद: गुजरातमध्ये पत्नी अत्याचार विरोधी संघटना स्थापन करून त्रस्त पतींचा आवाज बनणाऱ्या आणि त्यांची मदत करणाऱ्या दशरथ देवडा यांचे भाचे किरीट देवडा यांनी आत्महत्या केली. या आत्महत्या प्रकरणाला आता वेगळं वळण लागलं आहे. आपल्या काकांसोबत त्रस्त पुरुषांसाठी काम करणाऱ्या किरीट देवडा यांनी १ जुलैला अहमदाबादच्या साबरमती नदीत उडी घेऊन आत्महत्या केली. या प्रकरणी पोलिसांनी किरीट यांच्या पत्नीविरोधात गुन्हा दाखल केला आहे.

किरीट यांनी १ जुलैला आत्महत्या केली. त्यांच्या खिशात एक फोन सापडला. त्यात एक व्हिडीओ आढळला. पत्नी खोट्या प्रकरणांमध्ये कुटुंबाला फसवण्याची धमकी देते. मारहाण करते. झाडूनं मारते. त्यामुळे आत्महत्या करत असल्याचं या व्हिडीओमध्ये किरीट म्हणत आहेत. साबरमती रिव्हर फ्रंटवर ३२ वर्षांच्या किरीट यांनी आत्महत्या केली. डिसेंबर २०१६ मध्ये किरीट यांचा विवाह अहमदाबादच्याच जीवराज पार्कमध्ये राहणाऱ्या मंजू राठोडशी झाला. त्यांना एक मुलगीदेखील आहे.
धक्कादायक! भाजप नेत्यानं मित्राला संपवलं; धड फेकलं अन् मुंडकं घेऊन फिरत होता
मंजू नेहमी किरीट यांच्या आई, वडिलांशी वाद घालायची. त्यांना खोट्या खटल्यांमध्ये गोवण्याची धमकी द्यायची. किरीट यांनी आत्महत्या करण्याच्या एक दिवस आधी मंजूनं किरीट यांना झाडूनं सगळ्यांसमोर मारहाण केली होती. केर काढण्यावरून वाद झाल्यानंतर मंजूनं सर्वांसमोर किरीट यांना झाडूनं मारलं.
पहिल्या रात्री समजलं पतीचं सत्य; दिरानं घेतला फायदा, पत्नीनं धक्कादायक प्रकार सांगितला
दुसऱ्या दिवशी किरीट यांचा मृतदेह साबरमती नदीत सापडला. पोलिसांना किरीट यांच्या खिशात मोबाईल आढळून आला. त्यात एक व्हिडीओ होता. मी आयुष्याला कंटाळलो आहे. त्यामुळे आत्महत्या करत आहे. यासाठी माझी पत्नी जबाबदार आहे. यानंतर पोलिसांनी मंजूविरोधात गुन्हा दाखल केला आहे.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network



Source link

Leave a Reply

Your email address will not be published.