पुणे: इंदापूर तालुक्यातील वडापुरी येथील स्वतःच्याच शेतातील विहिरीत पती-पत्नीचे मृतदेह आढळून आल्याने गावात एकच खळबळ उडाली आहे. निलम हनुमंत काळे (वय ३८), हनुमंत हरीबा काळे (वय ४५) अशी मृत्यूमुखी पडलेल्यां पती-पत्नींची नावे आहेत. याबाबत महेश दुर्योधन थोरात यांनी इंदापूर पोलीस ठाण्यात माहिती दिली.

याबाबत पोलिसांकडून मिळालेल्या माहितीनुसार, २८ जुलै रोजी महेश थोरात यांना त्यांचे दाजी हनुमंत काळे यांनी रात्री साडेनऊच्या सुमारास फोनवरून सांगितले की, निलम ही बाजारातून घरी आली आणि बाथरूमला जाते असं सांगून घराबाहेर गेली. ती अजून घरी परतली नाही. तिला फोन केला असता ती फोन उचलत नाही. तुम्ही फोन करून बघा ती कुठे आहे. असे सांगितल्यानंतर महेश थोरात यांनी त्यांची बहीण नीलम हिस फोन केला, मात्र तिने काहीही प्रतिसाद दिला नाही.

हेही वाचा –समुद्रात वाहून गेलेल्या पत्नीचा आला व्हॉइस मेसेज; ‘मी रवीसोबत आनंदी आहे’…

त्यानंतर रात्री साडेबाराच्या सुमारास थोरात हे सनसर येथून वडापुरी येथे बहीण नीलमच्या घरी गेले. त्यांचे दाजी हनुमंत काळे यांना फोन केला, असता त्यांचा फोन घरीच मिळून आल्याने थोरात यांनी वडापुरी गावातील संभाजी पवार आणि अजय काळे यांनासोबत घेऊन नीलमचा त्यांच्या शेतात शोध घेतला. विहिरीजवळ नीलम आणि दाजी हनुमंत यांच्या चप्पला आणि पाण्याचा हंडा विहिरीत तरंगताना दिसून आला.

हेही वाचा – इन्स्टाग्रामवर फोटो शेअर करताना काळजी घ्या; १९ वर्षाच्या तरुणाने पाहा २२ महिलांसोबत काय केलं

विहिरीत बॅटरी लावून पाहिले असता अंधुक प्रकाशामुळे विहिरीतील स्पष्ट दिसले नाही. त्यानंतर शेतात आणि वडापुरी गावात इतरत्र शोध घेतला असता ते आढळून आले नाहीत. दुसऱ्या दिवशी सकाळी सातच्या सुमारास विहिरीत त्यांचा शोध घेण्यासाठी आकडे टाकले असता बहीण नीलम आणि दाजी हनुमंत यांचे प्रेत विहिरीत आढळून आले.

गावातील नागरिकांच्या मदतीने दोरी आणि वायरच्या सहाय्याने मृतदेह बाहेर काढून शासकीय रुग्णालयात आणले असता डॉक्टरांनी उपचारापूर्वीच मृत्यू झाल्याचे सांगितले. घटनेचा तपास सहाय्यक फौजदार ठोंबरे करत आहेत.

हेही वाचा –मित्र-मैत्रिणींच्या भावंडांना सल्ले देत असाल तर सांभाळा, पिंपरीत लहान भावाचं धक्कादायक कृत्य

भीषण हत्याकांड! पुण्यात भररस्त्यात तरुणावर ३५ वेळा वार, चाकू भोकसून हत्या



Source link

Leave a Reply

Your email address will not be published.