मुंबई : कलर्स मराठीवर नवीनच सुरू असलेली योगयोगेश्वर जय शंकर ही मालिका लोकप्रिय आहे. यात सद्गुरु श्री शंकर महाराज यांचा जीवन प्रवास उलगडून दाखवला जात आहे. श्री शंकर महाराज यांच्या बालपणापासूनच श्री स्वामी समर्थांचा त्यांच्यावर कृपाशीर्वाद होता, तसाच कृपाशीर्वाद श्री शंकर महाराजांचा त्यांच्या भक्तांवर आहे,असं म्हणतात.

आई कुठे काय करते : वडाला फेऱ्या मारताना संजनाचा धागाच तुटला, Video झाला Viral

त्यापैकी एक भक्त म्हणजे सोलापूरचे रघुनाथ हरिभाऊ कडलास्कर. ते पेंटर काका म्हणून प्रसिद्ध आहेत. वयाच्या तिसऱ्या चौथ्या वर्षांपासून ते वयाच्या वीस वर्षांपर्यंत त्यांना श्री शंकर महाराजांचा प्रत्यक्ष सहवास लाभला. शुभराय मठात आणि जक्कल मळ्यात ते श्री शंकर महाराजांसोबत असत.

१९४७ साली धनकवडी इथे महाराजांनी समाधी घेतली. त्यावेळी पेंटर काकांचं वय होतं वीस वर्ष. आज पेंटर काकांचं वय ९५ वर्ष आहे. “योगयोगेश्वर जय शंकर” ही मालिका कलर्स मराठीवर प्रसारित होत आहे, हे समजताच त्यांना अत्यानंद झाला आणि बालशंकरच्या भूमिकेत आरुषला पाहून त्यांना गहिवरून आलं. मालिकेतील बाल शंकरला पाहून त्यांना पुन्हा एकदा सद्गुरू श्री शंकर महाराज यांची प्रत्यक्ष भेटीची ओढ लागली. आज वयाने ९५ वर्षाचे असलेले काका ताबडतोब मुलगा विजूदादा कडलास्कर यांच्यासह सोलापूरवरून कलर्स मराठीच्या योगयोगेश्वर जय शंकर मालिकेच्या नाशिक येथील सेटवर बाल शंकरला भेटण्यासाठी आले.

पेंटर काका

काकांच्या या भेटीतून त्यांचं श्री शंकर महाराजांवर असलेलं अफाट प्रेम दिसून आलं. मालिकेच्या सेटवर पेंटर काकांनी बाल शंकरला पाहताच क्षणी मिठीत घेतलं आणि त्यांनी बाल शंकरला ‘आजोबा’अशी हाक मारली. श्री महाराजांचा पुन्हा एकदा सहवास लाभला, असं म्हणत पेंटर काकांच्या डोळ्यात पाणी आलं.

बबिताजीचा १८ वर्षांपूर्वीचा फोटो पाहून चाहते थक्क,अभिनेत्रीची जेठालालशीही आहे जुनी मैत्री

काकांनी श्री महाराजांच्या प्रत्यक्ष भेटीचे काही अनुभव सर्वांना सांगितले. विजूदादा यांनीही श्री शंकर महाराजांच्या चमत्कारातून घडलेल्या आध्यत्मिक गोष्टी सांगितल्या. तसंच भस्मे काका, मधुबुवा, जक्कल काका, प्रधान, आशर, गिरमे काका यांच्याही गोष्टी सांगितल्या. त्यामुळे काका आणि बाल शंकर ही भेट पाहून सेटवरील सर्व कलाकार आणि संपूर्ण टीमला विलक्षण आनंद झाला. सेटवरील वातावरण भक्तिमय झालं.

श्रींच्या पालखीचे मराठवाड्यात आगमन; मुसळधार पावसातही भक्तांचा जल्लोष कायम



Source link

Leave a Reply

Your email address will not be published.