मुंबई: बॉलिवूड सेलिब्रिटी सतत बिझी असतात. कधी शूटिंगच्या तारखा सांभाळण्यात तर कधी इव्हेंटच्या वेळा पाळण्यात. त्यात सिनेमाच्या प्रमोशनसाठीही कलाकारांना फिरावं लागतं. या सगळ्या व्यापात त्यांना प्रसिध्दी मिळत असली तरी त्यांनाही वाटत असतं की रिकामा वेळ मिळाला की फॅमिलीसोबत रहावं. मित्रमंडळींबरोबर तर सेलिब्रिटींच्या नेहमीच पार्टी होत राहतात. पण आईवडिलांसोबत, बहिण भावासोबत किंवा मुलामुलींसोबत वेळ घालवण्याचा आनंद काही वेगळाच असतो. नुकताच असा आनंद भट्ट मायलेकींनी लुटला. सोनी राजदान, आलिया भट्ट कपूर आणि शाहिन भट्ट यांनी एकत्र लंच पार्टी केली त्याचे फोटो सध्या व्हायरल होत आहेत.

रविवार म्हणजे सुट्टीचा वार. या रविवारची मजा ज्येष्ठ अभिनेत्री सोनी राजदान यांनी आलिया आणि शाहिन या दोन्ही लेकींसोबत लुटली. रविवारची सुट्टी आणि जेवणावर ताव असा दुहेरी आनंद घेत या तिघींनी खूप मजा केली. सोनी राजदान यांनी हॉटेलमध्ये लंच करत गप्पांमध्ये रंगलेला फोटो इन्स्टापेजवर शेअर केला आहे. महेश भट्ट आणि सोनी राजदान यांच्या दोन्ही लेकी त्यांच्या कामात बिझी असतात, पण आईसोबत त्यांनी केलेली ही धमाल त्यांच्या चेहऱ्यावर दिसत आहे.

हे वाचा-लंडनमध्ये या व्यक्तीसह धमाल करतेय अजय देवगणची लेक न्यासा, शिक्षणासाठी आहे परदेशात

सोनी राजदान यांनी शेअर केलेल्या फोटोसोबत हॅलो देअर असं लिहिलं आहे. त्यावर आलियाने कमेंट करत हैलो मम्मी अशी प्रतिक्रिया दिली आहे. तिघींच्याही चाहत्यांनी भरपूरक कमेंट केल्या आहेत. फोटोसोबत लोकेशन नसल्याने अनेकांनी तुम्ही तिघी कुठे आहात असं विचारलं आहे. तर फोटो पोस्ट करताना लोकेशनचंही नाव सांगा अशी विनंती केली आहे. एक नेटकरी असं म्हणतोय की, तुम्ही तिघी इतक्या एकसारख्या दिसत आहात की जणू कार्बन कॉपीच.

सोनी राजदान आणि महेश भट्ट यांचं १९८६ ला लग्न झालं. आलिया आणि शाहीन या महेश आणि सोनी यांच्या मुली आहेत. आलिया सध्या बॉलिवूडमधील आघाडीची नायिका आहे. १४ एप्रिल रोजी आलिया आणि रणबीर कपूर यांनी लग्न केलं. या लग्नातही सोनी राजदान आणि आलियाची बहिण शाहीन यांनी खूप धमाल केली. आलिया, सोनी राजदान आणि शाहीन या मायलेकींमध्ये खूप छान बाँडिंग आहे.


हे वाचा-VIDEO: डोळ्यात अश्रू तर चेहऱ्यावर हसू… ब्रेस्ट कॅन्सरशी लढा देणाऱ्या महिमाचे फोटोशूट

शाहीन ही लेखिका आहे. सोनी राजदान सध्या ओटीटी प्लॅटफॉर्मवर सिनेमांच्या माध्यमातून कार्यरत आहेत. लवकरच सोनी राजदान या कॉल माय एजंट या सिनेमात दिसणार आहेत. आलिया ब्रम्हास्त्र या सिनेमात रणबीरसोबत झळकणार आहे. तर रॉकी ऑर रानी की प्रेमकहानी या सिनेमाच्या शूटिंगमध्ये सध्या आलिया व्यस्त आहे.





Source link

Leave a Reply

Your email address will not be published.