मुंबई- बॉलिवूडमध्ये कोण कोणाला डेट करतय, कोण कोणाच्या रिलेशनशीपमध्ये आहे यापेक्षा चर्चा रंगते ती बॉलिवूडमधील कपल्सच्या ब्रेकअपची. बॉलिवूडमध्ये अशा अनेक जोड्यांचं कधी जमलं आणि त्यांचं कधी बिनसलं याची चर्चा अगदी चवीरवीनं सुरू असते. शेरशाह सिनेमात ऑनस्क्रिन भन्नाट केमिस्ट्री जुळलेली जोडी म्हणजे सिद्धार्थ मल्होत्रा आणि कियारा आडवाणी. या सिनेमाच्या शूटिंगदरम्यानच त्यांचे सूर जुळले आणि त्यानंतर ही जोडी नेहमीच एकत्र दिसायला लागली.

VIDEO: मंदाना करिमीने बुरखा घालून केला डान्स, नंतर जे झालं ते इथे वाचा

परदेशात एकत्र सुट्टी साजरी करत असल्याचे फोटोही व्हायरल झाले होते. जरी त्यांनी त्यांचं नातं जाहीर केलं नसलं तरी त्यांच्यात काही खास आहे हे चाहत्यांच्या नजरेतून सुटलं नाही. पण कुठे माशी शिंकली माहित नाही पण दोन महिन्यांपूर्वी दोघांचंही ब्रेकअप झाल्याचं समोर आलं. काही दिवसांपूर्वी ही जोडी ‘भूल भुलैय्या २’ च्या सक्सेसपार्टीत एकत्र दिसली आणि नेटकरी खुश झाले.


बॉलिवूडमध्ये गेल्या वर्षी लग्नाचा सीझन सुरू होता तेव्हा आता सिद्धार्थ आणि कियारा यांच्या लग्नाची बातमी कधी येतेय इतके ते दोघं रिलेशनशीपमध्ये होते. पण एप्रिलमध्ये दोघांनीही इन्स्टापेजवर फोटो आणि कॅप्शन शेअर करत ब्रेकअपचा इशारा दिला होता. सिद्धार्थने त्याच्या इन्स्टापेजवर एक फोटो शेअर केला आणि तुझ्याशिवाय सूर्योदय म्हणजे अंधार आहे अशी ओळ लिहिली होती. यामध्ये कुठेही कियाराचं नाव नसलं तरी त्यांच्यात काहीतरी बिनसल्याची शंका चाहत्यांना आली.

परतू शकतात शैलेश लोढा, बोलता- बोलता बोलून गेले दिलीप जोशी

कियारानेही तिच्या इन्स्टापेजवर एका गार्डनमधला फोटो शेअर केला होता. फुलांना हात लावलेला तिचा फोटो आणि सोबत तिने लिहिलेली कॅप्शन अतिशय सूचक होती. कियाराने असं लिहिलं होतं की जर फुलांना, झाडांना चांगलं बहरू द्यायचं असेल तर कधी कधी छाटणी करावी लागते. कियाराच्या या कॅप्शनचा अर्थ तिच्या सिद्धार्थशी असलेल्या नात्याला लावण्यात आला होता.


सिद्धार्थ आणि कियारा यांच्यातील हा ब्रेकअपचा पॅच संपल्याचं काही दिवसांपासून दिसत आहे. पुन्हा ही जोडी एकत्र फिरत आहे. नुकताच मुंबईत एक अॅवार्डसोहळा झाला. या सोहळयात स्टेजवर अर्जुन कपूरचं भाषण सुरू असताना सिद्धार्थ आणि कियारा मात्र एकमेकांशी गप्पा मारण्यात दंग झाले आहेत. हा व्हिडिओ सध्या सोशल मीडियावर धुमाकूळ घालत आहे. ही जोडी एकमेकांशी बोलण्यात इतकी हरवून गेली आहे की समोर स्टेजवर काय सुरू आहे याचं भानही दोघांना उरलेलं नाही. या जोडीला असं हरवून गेलेलं बघून चाहत्यांना मात्र खूप आनंद झालाय.


२०२१ ला प्रदर्शित झालेल्या शेरशाह सिनेमात दोघं पहिल्यांदाच एकत्र आले. या सिनेमाने बॉक्सऑफीसवर दणक्यात यश मिळवलं. त्यानंतर स्क्रिनवर नाही पण ऑफस्क्रिन या दोघांना अनेक ठिकाणी एकत्र पाहिलं गेलं. सध्या कियाराचा ‘भूल भुलैय्या २’ हा सिनेमा घोडदौड करतोय. २४ जून रोजी तिचा जुग जुग जिओ हा सिनेमा रिलीज होणार आहे. तर सिद्धार्थ मिशन मजनू या सिनेमात दिसणार आहे. सध्या तरी दोघांचा एकत्र सिनेमा येणार नसला तरी ब्रेकअपचा विचार सोडून ही जोडी एकत्र आहे हे बघून चाहत्यांनी सोशल मीडियावर दोघांनाही आता लग्न करा असा गोड सल्ला दिला आहे.

सिद्धार्थ जाधवनं घेतली भन्नाट कार?; लांबी मोजायला मोजपट्टीही कमी पडेल





Source link

Leave a Reply

Your email address will not be published.