कोलकाता : पश्चिम बंगालच्या मुख्यमंत्री ममता बॅनर्जी (Mamata Banerjee) यांनी मंत्रिमंडळात फेरबदल केले आहेत. बॅनर्जींनी त्यांच्या मंत्रिमंडळात १० नव्या नेत्यांना संधी देण्यात आली आहे. पार्थ चॅटर्जी ( Parth Chaterjee) आणि अर्पिता मुखर्जी यांना ईडीनं अटक केल्यानंतर पक्षाची आणि सरकारची प्रतिमा सुधारण्यासाठी ममता बॅनर्जींनी हा निर्णय घेतला. मंत्रिमंडळातील विस्तारातील (Mamata Banerjee Cabinet Reshuffle) महत्त्वाची बाब म्हणजे भाजपच्या खासदारकीचा राजीनामा देत तृणमूल काँग्रेसमध्ये प्रवेश केलेल्या नेत्याला ममता बॅनर्जींनी मंत्रिपद दिलं आहे. बाबुल सुप्रियो यांना ममता बॅनर्जींनी कॅबिनेट मंत्रिपद दिलं आहे. बाबुल सुप्रियो पश्चिम बंगालच्या विधानसभेत आमदार म्हणून निवडून आले आहेत.

निवडणुकीनंतरचा पहिला फेरबदल
ममता बॅनर्जींनी २०२१ मध्ये विधानसभा निवडणुकीत भाजपला पराभूत करत विजय मिळवला होता. ममता बॅनर्जींच्या मंत्रिमंडळातील उद्योग मंत्री पार्थ चॅटर्जी यांना ईडीनं शिक्षक भरती घोटाळ्याप्रकरणी अटक केली आहे. पार्थ चॅटर्जी यांच्या निकटवर्तीय अर्पिता मुखर्जी देखील सध्या ईडीच्या कोठडीत आहेत. अर्पिता मुखर्जी यांच्या घरातून जवळपास ५० कोटी रुपयांची रोख रक्कम जप्त करण्यात आली आहे. ईडीच्या कारवाईमुळं ममता बॅनर्जी यांनी पार्थ चॅटर्जी यांना मंत्रिमंडळातून काढून टाकलं होतं. ममता बॅनर्जी सरकारची प्रतिमा स्वच्छ राहावी म्हणून संपूर्ण मंत्रिमंडळाचा राजीनामा घेऊ शकतात, अशा चर्चा सुरुवातीला करण्यात आल्या होत्या. मात्र, ममता बॅनर्जींनी त्या चर्चा फेटाळून लावत काही जणांचा मंत्रिमंडळात समावेश केला जाईल, असं म्हटलं होतं.

शिवसेना नव्याने बांधण्यासाठी झंझावती दौरे करणारे आदित्य ठाकरे गोत्यात?

ममता बॅनर्जी यांच्या मंत्रिमंडळात कुणाला संधी

बाबुल सुप्रियो, स्नेहाशीष चक्रवर्ती, पार्थ भैमिकी, उदयन गुहा, प्रदीब मजूमदार यांना कॅबिनेट मंत्रिपदावर संधी देण्यात आली आहे. स्वतंत्र प्रभार खात्याचा प्रभार बिप्लब रॉय चौधरी आणि बीरबाहा हसदा तर राज्यमंत्रीपदी ताजमुल हुसैन आणि सत्यजीत बर्मन यांना संधी देण्यात आली आहे.

उदय सामंतांवर हल्ला करणारे शिवसैनिक नव्हे, ती पवारांची माणसं – गोपीचंद पडळकर

बाबुल सुप्रियो यांना संधी देत ममता बॅनर्जींनी मोठी खेळी केली आहे. बाबुल सुप्रियो सप्टेंबर २०२१ मध्ये भाजपचा राजीनामा देत टीएमसीमध्ये सहभागी झाले होते. बाबुल सुप्रियो यांनी त्यांच्या खासदार पदाचा राजीनामा दिला होता. टीएमसीकडून पोटनिवडणूक लढवत ते आमदार झाले होते. बालीगंज विधानसभा मतदारसंघाच्या पोटनिवडणुकीत विजय बाबुल सुप्रियोंनी मिळवला होता. एप्रिल २०२२ मध्ये ते आमदार झाले होते.

कॉम्रेड गोविंद पानसरे यांच्या हत्येचा तपास ‘ATS’ कडे, मुंबई हायकोर्टाचे आदेश



Source link

Leave a Reply

Your email address will not be published.