उद्धव ठाकरे यांनी शिवसंपर्क अभियानातील सभेत बोलताना भाजप आणि मनसेवर टीका केली. उद्धव ठाकरे यांनी केंद्रातील सरकार मराठी भाषेला अभिजात भाषेचा दर्जा देत नाही, कांजूरमार्गची जागा अडवून बसलंय, अशी टीका केली.

 

Uddhav Thackeray speech live
उद्धव ठाकरे

हायलाइट्स:

  • उद्धव ठाकरेंची भाजपवर टीका
  • लगे रहो मुन्नाभाईचा दाखला देत राज ठाकरेंवर टीका
  • राज्यातील मंदिरांच्या विकासात पुरातत्त्वचा अडथळा
मुंबई : शिवसेना प्रमुख उद्धव ठाकरे यांनी मुंबईतील बीकेसी येथील शिवसंपर्क अभियानाच्यासभेत भाजपवर सडकून टीका केली. यावेळी राज ठाकरे यांच्यावर मुन्नाभाई म्हणत अप्रत्यक्ष टीका मुख्यमंत्र्यांनी केली. उद्धव ठाकरे म्हणाले, मध्ये एका शिवसैनिकानं विचारलं, साहेब तुम्ही लगे रहो मुन्नाभाई पाहिला का? मी विचारलं कारे, तर तो म्हणाला की त्यात मुन्नाभाईला गांधीची दिसतात, त्यानंतर तो गांधीगिरी करतात. तशी एक केस आपल्याकडे आहे, त्याला बाळासाहेब झाल्यासारखं वाटतं. कधी शाल घेऊन फिरतात, कधी मराठीचा मुद्दा घेतात आणि कधी हिंदुत्च्वाचा मुद्दा घेतात. लगे रहो मुन्नाभाई मधला तो मुन्नाभाई लोकांची कामं करायचा, असं म्हटलं. तर, शिवसैनिक म्हणला तसं नाही, लगे रहो मुन्नाभाईला शेवट कळतं की आपल्या मेदूत केमिकल लोचा झाला होता. सध्या मुन्नाभाई फिरत आहेत, फिरु द्या असं उद्धव ठाकरे म्हणाले. उद्धव ठाकरेंनी राज ठाकरे यांच्यावर लगे रहो मुन्नाभाईचं उदाहरण देत नाव न घेता टीका केली.
तुम्ही बाबरीवर चढला असता तर तुमच्या वजानानेच बाबरी कोसळली असती: उद्धव ठाकरे
आम्ही शिवाजी महाराजांच्या जन्मभूमीतील माती घेऊन अयोध्येला गेलो होतो. २०१९ मध्ये सुप्रीम कोर्टाचा निकाल राम मंदिराच्या बाजूनं लागला. २०१९ मध्ये मी मुख्यमंत्री झालो. प्राचीन मंदिराचा जीर्णोद्धार करण्याचं काम महाविकास आघाडी सरकार करत आहे. आम्ही आठ मंदिरं निवडली आहेत. केंद्रांतल्या पुरातत्व खात्यानं त्यात खोडा घातला आहे. मंदिरांचा आम्ही जीर्णोद्धार करतोय, मंदिर दीर्घकाळ टिकेल यासाठी प्रयत्न करतोय. पुरातत्व विभाग औरंगजेबाच्या थडग्याचा सांभाळ करतोय, अशी टीका उद्धव ठाकरे यांनी केली. छत्रपती शिवाजी महाराज हे आपलं दैवत आहे. छत्रपती शिवाजी महाराजांची मातृभाषा तिला अभिजात भाषेचा दर्जा सरकार देत नाही, हे करंट्यांंचं सरकार आहे, असं उद्धव ठाकरे म्हणाले.
टीनपाट लोकांना सुरक्षा देताय, काश्मिरी पंडितांना द्या, उद्धव ठाकरेंनी सुनावलं
बाळासाहेब ठाकरे यांची भेट घेण्यासाठी जावेद मियादाँद आला होता. बाळासाहेबांनी त्याला तु स्टेडियमवर माकडचाळे करतो, असा सवाल केला. क्रिकेटमध्ये स्लेजिंग म्हणतात, असा दाखला देत उद्धव ठाकरेंनी किरीट सोमय्या यांच्यावर टीका केली. महाराष्ट्रातील जनतेला मी धन्यवाद देतो. करोनाच्या संकटाच्या काळात तुम्ही सहकार्य करत आहात त्याबद्दल मी आभार मानतो, असं उद्धव ठाकरे म्हणाले.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : uddhav thackeray said we decided to protect eight temples but archeology department made obstacles in work
Marathi News from Maharashtra Times, TIL Network



Source link

Leave a Reply

Your email address will not be published.