राष्ट्रवादी युवक काँग्रेसचे अध्यक्ष महेबूब शेख यांच्यावर अत्याचाराचे आरोप करणाऱ्या तरुणीनं नवी तक्रार दिली आहे. त्याद्वारे नदिमोद्दीन अलीयुद्दीन उर्फ नदीम फिटर या व्यक्तीवर गुन्हा दाखल करण्यात आला आहे.

 

Maheboob Shaikh Chitra Wagh Suresh Dhas
<p>महेबूब शेख, चित्रा वाघ, सुरेश धस </p>

हायलाइट्स:

  • महेबूब शेख यांच्यावरील आरोप प्रकरणाला नवं वळण
  • संबंधित महिलेची नवी तक्रार
  • फिर्यादीत सुरेश धस, चित्रा वाघ यांच्या नावांचा उल्लेख
औरंगाबाद : राष्ट्रवादी युवक काँग्रेसचे नेते महेबुब शेख यांच्यावर अत्याचार करण्यात आल्याची तक्रार देण्यात आली होती. या प्रकरणाला नवीन वळण लागले आहे. या प्रकरणात संबंधीत महिलेने जिन्सी पोलीस ठाण्यात लग्न करण्याचे आमिष दाखवून अत्याचार करून व्हिडिओ तयार करणाऱ्या नदिमोद्दीन अलीयुद्दीन उर्फ नदीम फिटर (वय ३६) याच्या विरोधात गुन्हा दाखल केला आहे. विशेष म्हणजे या व्हिडीओच्या सहाय्याने संबंधित महिलेला महेबुब शेख याच्या विरोधात खोटी तक्रार करण्यास भाग पाडल्याची माहिती फिर्यादीत देण्यात आली आहे. या फिर्यादीमध्ये आमदार सुरेश धस आणि भाजप नेत्या चित्रा वाघ यांच्या नावांचा उल्लेख आहे.

फिर्यादीत काय म्हटलंय?
संबंधित महिलेने आरोपी नदीमोद्दीन अलीयुद्दीन शेख (मालेगाव येथील कथित नगरसेवक) याने बलात्कार करून व्हिडिओ बनविला व खोटी केस करण्यास भाग पाडले. नाशिक मध्ये खोटा गुन्हा दाखल करण्याचा प्रयत्न फसल्याने औरंगाबादेत गुन्हा दाखल केला, असं तक्रारीत नमूद करण्यात आलं आहे. महेबूब शेख यांच्यावर गुन्हा दाखल झाल्यानंतर बीड येथे पीडितेला धस यांच्या हॉटेलमध्ये नेण्यात आल्याचा उल्लेख आहे. तेथे सुरेश धस आणि मीडिया प्रतिनिधींशी भेट झाल्याचा उल्लेख कऱण्यात आला आहे. तक्रारीत संबंधित महिलेनं सुरेश धस यांनी लिहून दिल्या प्रमाणे मीडियाला दिल्याचं म्हटलंय. तर, चित्रा वाघ यांनी मीडियाशी कसे बोलायचे हे शिकवल्याचा देखील फिर्यादीत उल्लेख करण्यात आला आहे.
महाराष्ट्राला दिलासा, करोना रुग्णांची संख्या घटली; मुंबई २०५४ नवे करोना रुग्ण
महेबूब शेख काय म्हणाले?
राष्ट्रवादी युवक काँग्रेसचे अध्यक्ष महेबूब शेख यांनी याप्रकरणी संबंधित महिलेची तक्रार पाहिली नसल्याचं म्हटलं आहे. तक्रार पाहिल्यानंतर अधिक सविस्तर बोलता येईल, असं ते म्हणाले. सत्य परेशान हो सकता है, पराजित नही हो सकता, असं महेबूब शेख म्हणाले.
विधानपरिषदेच्या तोंडावर वॉरंट, रवी राणा म्हणाले- मुख्यमंत्र्यांच्या दबावाला बळी पडणार नाही
चित्रा वाघ काय म्हणाल्या?
चित्रा वाघ यांनी संबंधित महिलेची नेमकी काय तक्रार आहे हे पाहिलेलं नाही, असं म्हटलं. सामाजिक क्षेत्रात काम करताना आमच्याकडे ज्या तक्रारी येतात त्यासंदर्भात आवाज उठवण्याचा प्रयत्न करत असतो. कुचिक प्रकरणात झालं तसंच हे प्रकरण आहे. या प्रकरणात तेच सत्य आहे तेच पुढं येईल, असं चित्रा वाघ म्हणाल्या. मुलगी आमच्या पर्यंत पोहोचल्यानंतर जे सत्य वाटलं त्या प्रमाणं तक्रार केली होती, असं चित्रा वाघ म्हणाल्या. मी अशा प्रकारच्या एफआयआर आणि तक्रारींना घाबरणारी नाही, असं चित्रा वाघ म्हणाल्या.
सदाभाऊंची उधारी भीक मागून चुकती करू; राजू शेट्टींच्या ‘स्वाभिमानी’नं डिवचलं

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : ncp youth president maheboob shaikh alleged case victim women file new complaint on men and mentioned names of chitra wagh and suresh dhas
Marathi News from Maharashtra Times, TIL Network



Source link

Leave a Reply

Your email address will not be published.