माधुरी दीक्षित (Madhuri dixit) ही बॉलीवूडची स्वप्नसुंदरी, पण तिने खूप लवकरच बॉलीवूडमध्ये एक्झिट घेतली आणि ती आपल्या संसारात रममाण झाली. तिने जोडीदार सुद्धा निवडला तो सामान्य घरामधलाच! अनेकांना वाटले होते की तिचे लग्न एखाद्या सुपरस्टारशी वगैरे होईल. पण माधुरीच्या मनात असे काहीच नव्हते. त्यामुळे तिने वेळीच आपली अभिनेत्री होण्याची हौस भागवून संसारमार्गाचा हात पकडला. तेव्हा अनेकांनी हा अंदाज देखील वर्तवला होता की हे लग्न फार काळ टिकणार नाही.

माधुरी देखील डिव्होर्स घेईल. पण बघा आज लग्नाला 23 पेक्षा जास्त वर्षे उलटून सुद्धा दोघे एकत्र आहेत. एकत्रच नाहीत तर सुखाने नांदत आहेत. अर्थात माधुरी याचं मोठं श्रेय पती श्रीराम नेणे (shriram nene) यांना देते. तिच्या मते ते अगदी परफेक्ट हसबंड आहेत. आता हे परफेक्ट हसबंड म्हणजे नक्की काय? हेच आपण या लेखातून जाणून घेऊया. श्रीराम नेणे यांनी जे केले किंवा जे ते करतात ते फॉलो करून तुम्ही देखील नक्कीच परफेक्ट हसबंड बनू शकता व संसार सुखाचा ठेऊ शकता.

व्यक्त होणे

ज्या नात्यात जोडीदार एकमेकांशी व्यक्त होतात ते नाते कधीच तुटत नाही कारण त्या व्यक्त होण्यातून एकमेकांची काळजी आणि टिकून असलेलं प्रेमासारखं दिसून येतं आणि हे आपल्या जोडीदाराला सतत सांगणं गरजेचं असतं. श्रीराम यांनी सुद्धा ही गोष्ट बरीबर ओळखली आहे आणि ते आजही ते अखंडपणे ही गोष्ट पाळत आहेत. तुम्हाला सुद्धा आपल्या बायकोकडे सतत व्यक्त होता आलं पाहिजे. यामुळे प्रेम खुलतं आणि टिकून सुद्धा राहतं.

(वाचा :- स्वत:चं मुलंच ठरलं प्रेमात अडथळा, प्रेमाच्या परीक्षेत पत्नी सपशेल फेल असा नव-याचा आरोप..!)

एकमेकांना वेळ देणे

श्रीराम नेने आपापल्या कामात कितीही बिझी असले तरी ते माधुरीला वेळ देण्यास अजिबात विसरत नाहीत. फॅमिली ट्रीप असो किंवा एखादा कार्यक्रम ते माधुरीला जास्त वेळ काढतात आणि आपल्या मुलांना सुद्धा वेळ देतात. अनेक बिझी लोकांमध्ये या गोष्टीची कमतरता दिसून येते आणि यातून नातं बेचव होतं. पण इथे केवळ श्रीराम यांनीच नाही तर माधुरी आणि श्रीराम या दोघांनी ही गोष्ट कसोशीने पाळली आहे. शिवाय आठवड्यातला एक तरी दिवस दोघे घरी असतात. जेणेकरून त्यांचा आठवड्याचा थकवा निघून जातो आणि कुटुंबासोबत सुंदर वेळ घालवता येतो.

(वाचा :- माझी कहाणी : एक दिवस माझा नवरा पाठलाग करत माझ्या ऑफिसमध्ये आला अन् आमच्यातील सगळंच संपलं, कारण ऐकून व्हाल थक्क)

स्वातंत्र्य देणे

माधुरी आणि श्रीराम यांच्या नात्यातील अजून एक उत्तम गुण म्हणजे श्रीराम यांनी माधुरीला दिलेले स्वातंत्र्य होय. ज्या नात्यात स्वातंत्र्य असते त्या नात्यात कोणी एक जोडीदार कधीच सुखी राहू शकत नाही. त्याला नेहमी दुसऱ्याच्या आवडी निवडीनुसार मन मारून जगावं लागतं. पण श्रीराम यांनी मात्र माधुरीला पर्सनल स्पेस दिलेली आहे व माधुरीने सुद्धा त्यांना त्यांची स्पेस दिली आहे. यामुळे दोघांना आपले आयुष्य स्वत:च्या मनाने जगण्याचे स्वातंत्र्य मिळते. मात्र या मनाने जगण्यात मनमानी नसते. एकमेकांचा विश्वासघात होणार नाही याची सुद्धा ते काळजी घेतात. त्यामुळे नातं कोणतंही असो त्यात एक पर्सनल स्पेस देणे गरजेचे असते.

(वाचा :- लग्नानंतर महिला गुगलवर सर्वात जास्त व वारंवार काय सर्च करतात? उत्तर ऐकून हैराण होतील जगातील सर्व पुरूष…!)

करियरमध्ये साथ देणं

लग्नानंतर माधुरीने एकप्रकारे बॉलीवूडचा निरोपच घेतला होता. ती श्रीराम यांच्यासोबत अमेरिकेमध्ये सेटल झाली आणि पत्नी व आईची कर्तव्य निभावण्यात व्यस्त झाली. या दरम्यान तिला बोर होऊ नये म्हणून श्रीराम यांनीच नवनवीन गोष्टी शिकण्यास आणि नवीन करियर वाटा धुंडाळण्यास प्रोत्साहित केलं. काही काळाने माधुरीला प्रोजेक्ट्स मिळू लागले तेव्हा नेनेंनी तिला ते स्वीकारण्यास सुद्धा सांगितलं. श्रीराम नेणे यांचा समजूतदारपणा किती भारी आहे हे तर तेव्हा लक्षात येतं जेव्हा माधुरीच्या करियरसाठी श्रीराम नेने यांनी भारतात स्थायिक होण्याचा निर्णय घेतला. तर श्रीराम यांना मदत व्हावी म्हणून माधुरीने त्यांच्या करियरमधील काही गोष्टी शिकण्याचा प्रयत्न केला.

(वाचा :- करोडो रूपयांच्या मालकिन व देशातील पहिल्या महिला इंजिनियर सुधा मुर्तीं कशा झाल्या इतक्या यशस्वी? ऐकून व्हाल थक्कच)

आहे तसं स्वीकारणं

कधी एका काळी माधुरी बॉलीवूडची क्वीन होती तर श्रीराम नेने अमेरिकेतील एक फक्त एक डॉक्टर! या दोघांच्याही आयुष्यात आणि करियरमध्ये काहीच समानता नव्हती तरीही आजवर दोघांनीही नात्यात गैरसमजाला थारा काही दिला नाही. श्रीराम नेणे यांनी माधुरीला आहे तसं फक्त स्वीकारलंच नाही तर स्वत:ला त्या नात्यात रुळवून घेतलं, ते नातं आपलं मानून सर्वस्व देण्याचा प्रयत्न केला. माधुरीने सांगितलं की मिस्टर नेनेंचा बॉलीवूडसोबत काहीही संबंध नव्हता तरीही माधुरीचं काम आणि त्यातील प्रत्येक परिस्थिती समजून घेण्यासाठी बॉलीवूडविषयी जाणून घेण्याचा प्रयत्न केला. नातं खूप छान टिकवता येतं फक्त परफेक्ट हसबंड बनण्यासाठी अशा काही गोष्टी करता आल्या पाहिजेत.

(वाचा :-माझी कहाणी : मी एका अनोळखी मुलीला एक रात्र घरात राहून दिलं, त्या एका रात्रीत असं काही घडलं की माझं आयुष्यच पूर्ण बदलून गेलं)

माधुरी दीक्षित आणि मिस्टर नेनेंची डिनर डेट..!





Source link

Leave a Reply

Your email address will not be published.