सर्वात मोठे सर्च इंजिन असलेल्या गुगलवर (Google) जवळपास सर्वच माहितीचा साठा आहे, असे म्हटले तरी चुकीचे ठरणार आहे. आपल्याला कोणत्याही गोष्टीचे उत्तर हवे असल्यास सर्वात प्रथम स्मार्टफोन काढून आपण गुगलवर सर्च करत असतो. कोणतीही गोष्ट जाणून घ्यायची असल्यास Google हा सर्वात चांगला पर्याय आहे. मात्र, गुगलवर सर्च करताना सावधगिरी बाळगणे गरजेचे आहे. Google वर सर्च करताना केलेली एक चूक देखील तुम्हाला महागात पडू शकते. एवढेच नाही तर यामुळे तुम्हाला जेलची हवा देखील खावी लागण्याची शक्यता आहे. आयटी अ‍ॅक्ट अंतर्गत Google ने भारतात अनेक गोष्टींवर प्रतिबंध घातला आहे. चाइल्ड पोर्न, फिल्म पायरेसी, गर्भपात यासारख्या गोष्टी गुगलवर सर्च करणे तुम्हाला महागात पडू शकते. त्यामुळे सर्वात मोठे सर्च इंजिन असलेल्या Google वर कोणत्या गोष्टी सर्च करू नये, याविषयी जाणून घेऊया.

​अत्याचार पीडितेचे नाव व फोटो

कोणत्याही छेडछाड झालेल्या अथवा अत्याचार झालेल्या पीडितेचे नाव व फोटो शेअर करणे बेकायदेशीर आहे. सर्वोच्च न्यायालयाने कोणत्याही अत्याचार पीडितेचे नाव अथवा फोटो उघड करणे हे बेकायदेशीर ठरवले आहे. सर्वोच्च न्यायालयानुसार, कोणतीही व्यक्ती प्रिंट, इलेक्ट्रॉनिक अथवा सोशल मीडिया व इतर माध्यमातून पीडितेचे नाव व फोटो शेअर करू शकत नाही. त्यामुळे चुकूनही सोशल मीडिया व इतर प्लॅटफॉर्मवर कोणत्याही अत्याचार पीडितेचे नाव व फोटोचा खुलासा करू नये.

​चाइल्ड पोर्न

सरकारने चाइल्ड पोर्नबाबत कठोर कायदे केले आहे. त्यामुळे जर तुम्ही Google वर चाइल्ड पोर्न सर्च केल्यास तुम्हाला महागात पडू शकते. तुम्हाला जेल देखील होऊ शकते, कारण हे बेकायदेशीर आहे. POCSO कायदा २०२१ च्या सेक्शन १४ अंतर्गत चाइल्ड पोर्न शेअर करणे व बनवणे कायद्याने गुन्हा आहे. असे करणाऱ्या व्यक्तीला कमीत कमी ५ वर्ष व जास्तीत जास्त ७ वर्षांसाठी जेल होऊ शकते.

वाचा – OnePlus 9 5G स्मार्टफोन तब्बल १२ हजारांनी झाला स्वस्त, आतापर्यंतच्या सर्वात कमी किंमतीत खरेदीची संधी

​फिल्म पायरेसी

रिलीजआधी ऑनलाइन प्लॅटफॉर्मवर कोणत्याही चित्रपटाला लीक करणे अथवा पायरेसी फिल्मला डाउनलोड करणे गुन्हा आहे. केंद्र सरकारने सिनेमेटोग्राफी अ‍ॅक्ट १९५२ मध्ये दुरुस्ती केली आहे. कॅबिनेटच्या दुरुस्तीनुसार फिल्म पायरेसीला एक गंभीर गुन्हा मानले जाईल. असे केल्यास कमी कमी ३ वर्षांची शिक्षा आणि १० लाख रुपयांपर्यंत दंड ठोठावला जाईल. थिएटरमध्ये लपून छपून कॅमेऱ्याने चित्रपटाचे रेकॉर्डिंग करणाऱ्यांना देखील यामुळे फटका बसेल. त्यामुळे फिल्म पायरेसीपासून लांब राहायला हवे.

वाचा: Recharge Plans: या प्लान्समध्ये भरपूर डेटा, Jio कडे सुद्धा नाही ‘हे’ फायदे

​गर्भपात कसा करायचा

Google वर गर्भपाताविषयी सर्च करण्याची अजिबात चूक करू नका. गर्भपात कसे करायचे, याविषयी सर्च करणे टाळावे. डॉक्टरांच्या परवानगीशिवाय गर्भपात करणे बेकायदेशीर आहे. अनेक प्रकारात सर्वोच्च न्यायालयाकडे गर्भपात करण्याची मागणी करण्यात आली आहे. सर्वोच्च न्यायालयाने एखाद्या आजाराने ग्रस्त असलेल्या महिलेला डॉक्टरांच्या सल्ल्यानेच गर्भपाताची परवानगी दिली आहे. त्यामुळे Google वर गर्भपाताविषयी कोणतीही माहिती सर्च करणे टाळावे. अन्यथा तुम्हाला जेलची हवा खावी लागू शकते.

वाचा: eSIM Transfer: भन्नाटच ! आता ब्लूटूथने ट्रान्सफर करता येणार eSIM, फॉलो करावी लागेल ही सोप्पी प्रोसेस

​मोबाइल अ‍ॅप आणि सॉफ्टवेअर

आपण स्मार्टफोनमध्ये अनेक वेगवेगळे अ‍ॅप्स डाउनलोड करत असतो. अनेकदा गुगल प्ले स्टोर आणि अ‍ॅप स्टोरवर काही अ‍ॅप्स उपलब्ध नसतात. अशावेळी थर्ड पार्टी प्लॅटफॉर्म्सवरून डाउनलोड करत असतो. परंतु, गुगलवर फेक सॉफ्टवेअर आणि अ‍ॅपला सर्च करणे प्रतिबंध आहे. गुगलवर फिशिंग अथवा बनावट अ‍ॅप्स उपलब्ध असतात. यामुळे डिव्हाइसचे नुकसान होऊ शकते. त्यामुळे नेहमी प्ले स्टोवर उपलब्ध असलेल्या अ‍ॅपच डाउनलोड करावे. तसेच, गुगलवर बॉम्ब कसा बनवायचा याविषयी देखील सर्च करू नये.



Source link

Leave a Reply

Your email address will not be published.