‘मी कपडे फाडून रस्त्यावर उभा राहीन’ जेव्हा शाहरुख खानने तिच्यासाठी केलेलं मोठं वक्तव्य

जेव्हा शाहरुखनं केलं बोल्ड स्टेटमेंट

शाहरुख फरीदा जलाल (Farida Jalal) यांच्या एका कार्यक्रमात पाहुणा म्हणून सहभागी झाला होता. या मुलाखतीमध्ये शाहरुखनं एका प्रश्नाला उत्तर देताना सांगितलं की, ‘सर्वात आधी मी कपडे फाडून रस्त्यावर उभा राहीन आणि त्यानंतर कदाचित गोरी गोरी ओ बांकी छोरी हे गाणं गाईन.’

आता तुम्हीदेखील विचारात पडला असाल ना की शाहरुख खाननं हे नेमकं कुणासाठी म्हटलं आहे. तर फरीद जलाल यांच्या या मुलाखतीच्या कार्यक्रमात शाहरुखला त्यांनी विचारलं की, तुझी बायको गौरीनं सांगितलं की, तुझ्यामुळे ती खूप त्रासली आहे आणि तिला घर सोडून जायचं आहे, अशावेळी तू काय करशील. या प्रश्नावर शाहरुखनं हे असं उत्तर दिलं. त्यापुढं तो असंही म्हणाला की, हे गाणं म्हटल्यावर गौरी नक्की परत येईल.

अक्षय कुमारच्या ‘सम्राट पृथ्वीराज’वर भारी पडला ‘सरसेनापती हंबीरराव’

दरम्यान, शाहरुख खानच्या कामाबद्दल सांगायचं तर त्याच्याकडे अनेक सिनेमे आहेत. त्यातील ‘पठाण’ आणि ‘जवान’ सिनेमा पुढच्या वर्षी प्रदर्शित होईल. काही दिवसांपूर्वी शाहरुखच्या ‘जवान’ सिनेमाचा टीझर प्रदर्शित झाला होता. त्या सिनेमात शाहरुखचा एक वेगळाच लूक चाहत्यांना बघायला मिळणार आहे.