नवी दिल्लीःNordvpn Service : NordVPN आणि प्रायवेट इंटरनेट एक्सेस (PIA) ने भारतीय बाजारात फिजिकल सर्व्हरला हटवण्याची घोषणा केली आहे. या दोन्ही कंपन्यांनी व्हीपीएनवरून भारत सरकारच्या नवीन कायद्याला विरोध केला आहे. या निर्णयाविरोधात सर्व्हर देशातून हटवले आहे. सरकारच्या आपल्या एका निर्णयात म्हटले की, VPN कंपन्याला यूजर्सचा डेटा पाच वर्षापर्यंत सुरक्षित ठेवावा लागेल. तसेच गरज पडल्यास तो सरकारी अधिकाऱ्यांना द्यावा लागेल. मोदी सरकारचा हा निर्णय तसेच नवीन कायदा कंपन्यांना आवडला नाही. त्यामुळे या कंपन्यांनी म्हटले की, सरकारने या निर्णयाचा फेर विचार केला नाही किंवा हा निर्णय बदलला नाही तर आपल्याला भारतातून आपला गाशा गुंडाळावा लागेल.

सरकारच्या या निर्णयावर प्रमुख VPN कंपन्यांनी आक्षेप घेतला आहे. NordVPN ने आधीच म्हटले होते की, जर सरकार आपला निर्णय बदलत नसेल तसेच दुसरा ऑप्शन शोधत नसेल तर आम्ही भारतीय बाजारातून आपला बिझनेस बाहेर घेऊन जावू. याआधी Surfshark आणि ExpressVPN ने भारतातील आपली सेवा बंद करण्याची घोषणा केली होती. व्हीपीएन वरून नवीन कायद्याची अंमलबजावणी २८ जून पासून सुरू होणार आहे. या ठिकाणी एक गोष्ट लक्षात ठेवण्यासारखी म्हणजे भारतात फिजिकल सर्वर बंद होणे म्हणजे ही सेवा बंद होणार नाही. नॉर्ड व्हीपीएनचे यूजर्स नवीन आयपी अॅड्रेस सोबत त्यांच्या सेवेचा लाभ घेऊ शकतात. खरं म्हणजे अन्य कंपन्यांप्रमाणे नॉर्डव्हीपीएन सुद्धा व्हर्च्युअल सर्वरचा वापर करणार आहे. तसेच भारतीय यूजर्सला भारतीय आयपी अॅड्रेस मिळेल.

VPN वरून सरकारने काय म्हटले
इलेक्ट्रॉनिक्स आणि सूचना प्रौद्योगिक मंत्रालयच्या एजन्सी सीआरटी ने गेल्या आठवड्यात आपल्या एका आदेशात म्हटले की, व्हीपीएन सेवा देणाऱ्या आपल्या यूजर्सचे नाव, ईमेल आयडी, आणि आयपीएस अॅड्रेस सह अन्य डेटाला पाचवर्ष किंवा त्यापेक्षा जास्त काळासाठी सेव्ह ठेवणे गरजेचे आहे. जर कोणत्याही कारणासाठी व्हीपीएन कंपनीचे रजिस्ट्रेशन रद्द होत असेल तर त्यांच्याकडून डेटा मागवला जावू शकतो. म्हणजेच व्हीपीएन कंपनी बंद किंवा बॅन झाल्यानंतर सरकारला डेटा द्यावा लागेल. व्हीपीएनचा नवीन कायदा २८ जून २०२२ पासून लागू करण्यात येणार आहे.

व्हर्च्युअल प्रायव्हेट नेटवर्क काय असते
वर्चुअल प्राइवेट नेटवर्क (VPN) एक असे नेटवर्क आहे. जे डेटाला एंक्रिप्ट करते. तसेच तुमचा आयपी अॅड्रेस लपवते. त्यामुळे तुमच्या इंटरनेटची ओळख लपून राहते. व्हीपीएनचा वापर तुम्ही पब्लिक वाय फाय नेटवर्कवर सुद्धा करू शकता. व्हीपीएनचे सर्वात मोठा फायदा म्हणजे तुमची ट्रॅकिंग केली जावू शकत नाही. तुम्ही कोणत्याही कंम्प्यूटर किंवा मोबाइलवर काय सर्च करतात, हे कुणालाच कळत नाही. व्हीपीएनचा वापर सध्या फसवणूक आणि गुन्हा करण्यासाठी केला जात असल्याने सरकारने या संबंधी कडक पावलं उचलली आहेत.

वाचाः फक्त २१ हजारात खरेदी करा ४६ हजाराचा फोन, 21000mAh बॅटरी आणि जबरदस्त कॅमेरा

वाचाः आता फोनशिवाय मित्र-मैत्रिणींशी मारा गप्पा, ब्लूटूथ कॉलिंगसह boAt ची खूपच स्वस्त स्मार्टवॉच लाँच



Source link

Leave a Reply

Your email address will not be published.