मुंबई : महाविकास आघाडीनं राज्यसभा निवडणुकीसंदर्भात केंद्रीय निवडणूक आयोगाकडे तक्रार करण्याचा निर्णय झाला आहे. सुधीर मुनगंटीवार आणि रवी राणा यांच्या मतदानावर शिवसेनेकडून आक्षेप घेण्यात आला आहे. शिवसेनेनं तक्रारीचा ड्राफ्ट तयार केला आहे. शिवसेना नेते आणि संसदीय कार्यमंत्री अनिल परब आणि सेनेचे सचिव अनिल देसाई यांनी तक्रार तयार केली. त्यानंतर तक्रारीचा मसुदा आदित्य ठाकरे यांना दाखवण्यात आला. आदित्य ठाकरेंनी तक्रारीचा ड्राफ्ट पाहिल्यानंतर शिवसेनने तक्रारीच्या पत्राचा ई-मेल निवडणूक आयोगाला पाठवला आहे.

सुधीर मुनगंटीवारांवर आक्षेप काय?

माजी अर्थमंत्री सुधीर मुनगंटीवार यांच्या मतावर काँग्रेसनं आक्षेप घेतला होता. काँग्रेस आमदार अमर राजूरकर यांच्याकडून लेखी आक्षेप घेण्यात आला होता. अमर राजूरकर यांनी यासंदर्भात लेखी तक्रार केली आहे. भाजपचे पोलिंग एजंट चंद्रशेखर बावनकुळे यांनी अमर राजूरकर यांनी घेतलेले आक्षेप फेटाळले आहेत. मात्र, आता शिवसेनेनं देखील सुधीर मुनगंटीवार यांच्या मतांवर आक्षेप घेत निवडणूक आयोगाचं दार ठोठावलं आहे.
‘ईडीचा डाव फसला, रडीचा डाव सुरु’; मतमोजणी थांबवताच संजय राऊत संतापले

रवी राणांवर आक्षेप काय?

बडनेराचे अपक्ष आमदार रवी राणा यांनी मतदान केल्यानंतर हनुमान चालिसा दाखवल्याचा आक्षेप घेण्यात आला आहे. रवी राणा यांचं मत बाद करण्यात यावं, या मागणीसाठी देखील शिवसेना तक्रार करणार आहे. दरम्यान, रवी राणा यांनी हनुमान चालिसा दाखवणं काय गुन्हा नाही, असं म्हटलं आहे. हनुमान चालिसाला इतका विरोध का आहे, असा सवाल देखील राणा यांनी केला आहे.

राज्यसभा निवडणुकीत नवा ट्विस्ट, केंद्रीय निवडणूक आयोगाची एन्ट्री, मतमोजणी थांबवली!

भाजपचा आक्षेप काय?
भाजपनं जितेंद्र आव्हाड यांनी त्यांची मतपत्रिका राष्ट्रवादीचे जयंत पाटील यांच्या हातात दिल्याचा आरोप केला होता. तर, काँग्रेसच्या मंत्री यशोमती ठाकूर यांनी नाना पटोले यांना मतपत्रिका दाखवल्याचा आक्षेप घेण्यात आला होता. सुहास कांदे यांनी दोन पक्षांच्या पोलिंग एजंटला मतपत्रिका दिसेल, अशा पद्धतीनं दाखवल्याचा आक्षेप भाजपनं घेतला आहे.
राम शिंदे विधानसभेला पडतील, म्हणून परिषदेवर पाठवलं, राष्ट्रवादीची टोलेबाजी
राज्यसभा निवडणुकीची मतमोजणी लांबली
राज्यसभा निवडणुकीसाठी महाराष्ट्राच्या विधानसभेतील २८५ आमदारांनी मतदान केलं आहे. मतदान पूर्ण झाल्यानंतर भाजपचं केंद्रीय शिष्टमंडळ केंद्रीय निवडणूक आयोगाच्या भेटीला गेलं. त्यांनी जितेंद्र आव्हाड, यशोमती ठाकूर आणि सुहास कांदे यांची मतं बाद करण्यात यावी, अशी मागणी केली आहे.



Source link

Leave a Reply

Your email address will not be published.