शिवसेना खासदार संजय राऊत यांनी केलेले आरोप करमाळ्याचे अपक्ष आमदार संजयमामा शिंदे यांनी फेटाळले आहेत. मविआनं दिलेल्या सूचनांप्रमाणं मतदान केल्याचं संजयमामा शिंदे म्हणाले आहेत.

 

हायलाइट्स:

  • संजय राऊतांचे आरोप अपुऱ्या माहितीवर
  • संजयमामा शिंदेंनी आरोप फेटाळले
  • सेनेच्या उमेदवारांना मतदान केल्याचा दावा
सोलापूर : राज्यसभा निवडणुकीतील शिवसेना उमेदवार संजय पवार यांचा पराभव सेना नेत्यांच्या चांगलाच जिव्हारी लागला आहे. भाजपचे उमेदवार धनंजय महाडिक यांनी शिवसेनेच्या संजय पवार यांचा पराभव केला. निवडणुकीपूर्वी भाजपकडे ११३ आमदारांचं समर्थन दिसत असताना प्रत्यक्षात त्यांना १२३ मतं मिळाली. भाजपला वाढलेल्या १० मतांचा फायदा झाला आणि संजय पवार पराभूत झाले. संजय राऊत यांनी आज माध्यमांशी बोलताना आम्हाला ज्यांनी शब्द दिला होता तो पाळला नाही म्हणत काही आमदारांची नावं घेतली. यामध्ये बविआची तीन मतं, देवेंद्र भुयार, संजयमामा शिंदे आणि श्यामसुंदर शिंगे यांची नाव घेत संजय राऊत यांनी आरोप केले होते. संजय राऊत यांनी केलेल्या आरोपांवर संजयमामा शिंदे यांनी प्रतिक्रिया दिली आहे. देवेंद्र भुयार यांनी देखील राऊत यांचे आरोप फेटाळले आहेत.

संजय राऊत काय म्हणाले होते?
वसई-विरारच्या हितेंद्र ठाकूर यांची तीन मते आम्हाला मिळाली नाहीत. त्यानंतर करमाळ्याचे संजयमामा शिंदे, नांदेडचे श्यामसुंदर शिंदे आणि मोर्शीचे देवेंद्र भुयार या आमदारांची मते आम्हाला मिळाली नसल्याचे संजय राऊत यांनी स्पष्ट केले. महाविकास आघाडीची सगळी मतं जशीच्या तशी आम्हाला मिळाली आहेत, असं ते म्हणाले.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : sanjaymama shinde independent mla said he cast vote to shivsena candidate sanjay pawar and denied allegations of sanjay raut
Marathi News from Maharashtra Times, TIL Network



Source link

Leave a Reply

Your email address will not be published.