जयपूर : राजस्थान मध्ये एक मोठा विमान अपघात झाला आहे. राजस्थानमधील बाडमेर मध्ये एक मिग एअर क्राफ्ट क्रॅश झालं आहे. ही घटना रात्री नऊ वाजताच्या सुमारास घडली. विमानाचे तुकडे अर्धा किलोमीटर परिसरात पडले असल्याची माहिती समोर आले आहे. सोशल मीडियावर यासंबंधी काही व्हिडिओ शेअर केले जात आहेत. एअरफोर्सचं विमान मिग-२१ अपघातग्रस्त झालं असून यामध्ये दोन पायलट होते, अशी माहिती आहे. ही दुर्घटना बाडमेरच्या बायतू क्षेत्रातील भीमडा गावात घडली आहे. एअरफोर्सचं विमान मिग-२१ भीमडा गावाजवळून उड्डाण घेत होतं. अद्याप विमान का दुर्घटनाग्रस्त झालं याची माहिती समोर आली नाही. घटनेची माहिती मिळताच जिल्हाधिकारी, पोलीस अधीक्षक आणि वायूसनेचे अधिकारी घटनास्थळी रवाना झाले आहेत.

दोन पायलट शहीद
भारतीय हवाई दलाचं मिग फायटर २१ हे विमान राजस्थानातील भीमडा गावात कोसळलं. या घटनेत भारतीय हवाई दलाचे दोन पायलट जखमी झाल्याची माहिती समोर आली होती. मात्र, ते दोन्ही पायलट शहीद झाल्याची माहिती आहे. विमानाचे पायलट नेमके कोण होते, याची माहिती समोर आलेली नाही.

केंद्रीय संरक्षणमंत्र्यांची हवाईदल प्रमुखांशी चर्चा
राजस्थानातील भीमडा गावाजवळ हवाईदलाचं विमान मिग-२१ कोसळल्याच्या घटनेची केंद्र सरकारनं दखल घेतली आहे. केंद्रीय संरक्षण मंत्री राजनाथ सिंह यांनी भारताचे हवाई दलप्रमुख व्ही.आर. चौधरी यांच्याशी चर्चा केली आहे. हवाईदल प्रमुखांनी या घटनेबद्दल राजनाथ सिंह यांना माहिती दिली आहे.
शिंदे गटानं आरपीआयमध्ये विलीन व्हावं, टेबलावर उभं राहून स्वागत करणार, रामदास आठवलेंची ऑफर

व्हिडिओतून भीषणता समोर
भारतीय हवाई दलाचं विमान मिग-२१ क्रॅश झाल्यानंतर कोसळलं. विमानाचे भाग अर्धा किलोमीटर क्षेत्रात कोसळले. तर, विमान जमीनवर पडल्यानंतर पेटलं. या विमान दुर्घटनेचे व्हिडिओ सोशल मीडियावर शेअर करण्यात आले आहेत. त्यातून या दुर्घटनेची तीव्रता आणि भीषणता समोर येते.

CWG 2022 : राष्ट्रकुल स्पर्धेच्या आयोजनाबाबत उदासीनता का दिसून येते, जाणून घ्या कारण…
पायलटची समयसूचकता, नागरी वस्तीत विमान कोसळ्यापासून वाचवलं
राजस्थानातील बाडमेरमधील भीमडा जवळ ही दुर्घटना घडली. हवाईदलाच्या पायलटनं जीवावर संकट बेतलं असताना देखील विमान नागरी वस्तीपासून दूर नेल्यानं मोठी दुर्घटना टळली. विमान नागरी वस्तीत पडलं असतं तर अनेकांच्या जीवावर बेतलं असतं.
दिल्लीत हालचालींना वेग; मंत्रिमंडळ विस्ताराची तारीख ठरली, शिंदे गटाच्या आमदारांना दिल्लीत बोलावलं?



Source link

Leave a Reply

Your email address will not be published.