म. टा. प्रतिनिधी, नागपूर :‘मी कधीकधी महाराष्ट्राचे मनोमन धन्यवाद देत असतो. आज आपल्यासमोरही देतोय. येथील बहुतांश विद्यापीठांची नावे कुठल्या ना कुठल्या संताच्या नावाने आहेत. इतर राज्यातील विद्यापीठांना केवळ राजकारण्यांची नावे आहेत. माझे तर म्हणणे आहे की कुणाला संतांच्या नावाची चिड असेल तर त्यांनी विद्यापीठाला वैज्ञानिकांचे नाव द्यायला हवे. महाराष्ट्रात इतर राज्यांसारखी स्थिती नसल्याने मी महाराष्ट्रातील जनतेला धन्यवाद देतो’, अशा शब्दांमध्ये राज्यपाल तसेच विद्यापीठाचे कुलपती भगतसिंह कोश्यारी यांनी गुरुवारी मनातील गोष्ट उपस्थितांपुढे मांडली.

काही दिवसांपूर्वीच गुजराती, राजस्थानी मुंबईतून काढल्यास मुंबई आर्थिक राजधानी राहणार नाही, असे वादग्रस्त वक्तव्य केल्यामुळे राज्यपालांवर टीका झाली होती. त्यानंतर माझ्या वक्तव्यचा विपर्यास केल्याचे सांगत त्यांनी सारवासारव केली. त्यानंतर पहिल्यांदाच जाहीर कार्यक्रमात त्यांनी महाराष्ट्राच्या जनतेचे कधीकधी आभार मानत असल्याचा खुलासा केला.

राष्ट्रसंत तुकडोजी महाराज नागपूर विद्यापीठाच्या शताब्दी महोत्सवाचा उद्घाटन सोहळा रेशीमबागेतील कविवर्य सुरेश भट सभागृहात झाला. याप्रसंगीकार्यक्रमाच्या अध्यक्षस्थानावरून बोलताना त्यांनी पंतप्रधान नरेंद्र मोदींच्या कार्याचे कौतुक केले. ‘आज मोदींमुळे प्रत्येक देशवासी, तरुणांत काही तरी करून दाखविण्याची उमेद निर्माण झाली आहे. माझ्या युवावस्थेत मी पंडित जवाहरलाल नेहरू यांचा कार्यकाळ पाहिला. परंतु, तेव्हाच्या तुलनेत आता देशवासीयांमध्ये राष्ट्रभक्तीची भावना अधिक दृढ झाल्याचे चित्र आहे. विदेशात राहणारे भारतीय पूर्वी स्वत:ला भारतीय सांगण्यात संकोच मानायचे. आज मोदींमुळे त्यांच्यात भारतीय असल्याचा अभिमान जागृत झाला आहे. पूर्वी काही लिबरल लोकांनी आपण गुलाम आहोत, आपण कुठला पराक्रम कधी केलेलाच नाही, असे सांगून लोकांना नैराश्यात टाकले होते. आज स्थिती सुधारत होते, राज्यपाल कोश्यारी म्हणाले.

महापुरुषांच्या पराक्रमगाथा पुढे येऊ लागल्या आहेत. स्वातंत्र्याच्या अमृत महोत्सवी वर्षात विद्यापीठाचा शताब्दी महोत्सव होणे अभिमानाची बाब आहे. या वर्षभरात विद्यापीठाने स्वत:च्या इतिहासाचे स्मरण करत, वर्तमानात जगत आणि भविष्याचा वेध घेत समाजाभिमुख काम करावे. शक्य झाल्यास नजिकच्या परिसरातील गावांना दत्तक घेऊन त्यांचा विकास करावा, असे आवाहन राज्यपाल कोश्यारींनी यावेळी केले.

गडकरींच्या नागपूरमध्येच त्यांच्या स्वप्नांचा उडाला फज्जा!, पाहा CNG च्या दराने केला गोंधळ

भाषणादरम्यान वाजल्या शिट्या

राज्यपालांचे भाषण सुरू असताना सभागृहात मागील बाजूस बसलेल्या विद्यार्थ्यांपैकी काही जणांनी शिट्या वाजवून गोंधळ घालण्याचा प्रयत्न केला. कोश्यारी यांच्या वाक्यांवर विनाकारण टाळ्या वाजवून आणि शिटी वाजविण्याचा अनुचित प्रकार कार्यक्रमादरम्यान घडला.

घरोघरी संत्र्यांची झाडे लावा;’नागपुरी कट्ट्या’त केंद्रीय मंत्री नितीन गडकरी यांचे आवाहन



Source link

Leave a Reply

Your email address will not be published.