सोलापूर : राज्यसभा निवडणुकीत (Rajya Sabha Election 2022) काही अपक्ष आमदारांनी शिवसेनेच्या उमेदवारास मते दिली नाहीत. यावरून महाविकास आघाडीच्या नेत्यांकडून प्रतिक्रिया येऊ लागल्या आहेत. याबाबत काही अपक्ष आमदाराच्या नावाचा खुलासा खासदार संजय राऊत (Sanjay Raut) यांनी केला. त्यांनतर राष्ट्रवादीचे प्रदेशाध्यक्ष जयंत पाटील (Jayant Patil) बोलताना म्हणाले, अपक्ष आमदारांशी संवाद साधणे, त्यांना मतदानाविषयी योग्य मार्गदर्शन करणे आणि अपक्ष आमदारांचे मॉनिटरिंग करण्याचे काम शिवसेनेकडे होते. खासदार संजय राऊत यांनी जरी मते न देणाऱ्या आमदारांची नावे सांगितली असली तरी त्याबाबत आपण तपशीलवार माहिती घेत आहोत, असेही पाटील यावेळी म्हणाले. (shiv sena was monitoring independent mlas says jayant patil)

राष्ट्रवादी काँग्रेसचे प्रदेशाध्यक्ष जयंत पाटील सोलापुरात पत्रकारांशी संवाद साधत होते. ते पुढे म्हणाले की, सर्वांनी एक गोष्ट लक्षात घेणे गरजेचे आहे आणि ती म्हणजे कालच्या निवडणुकीत पहिल्या पसंतीची १६३ मते आमच्या उमेदवारांना मिळाली. तर समोरच्या बाजूला पहिल्या पसंतीची १२२ मते पडलेली आहेत. आता हा खेळ दुसऱ्या पसंतीच्या मतांनी पुढे कसे जायचे याचा होता. या दुसऱ्या पसंतींच्या मतांमध्ये आमच्यात आणि त्यांच्यात जी स्पर्धा झाली त्यात मते वळवण्याचे गणित जर व्यवस्थित केले गेले असते तर आमचाच उमेदवार निवडून आला असता. परंतु, पहिल्याच पसंतीची मते सर्वांना देण्याचा प्रयत्न केल्यामुळे आम्हाला थोडे अपयश आले.

क्लिक करा आणि वाचा- राऊतांचं वक्तव्य अपुऱ्या माहितीवर, सेनेच्या उमेदवारांनाच मतदान, संजयमामा शिंदेंनी आरोप फेटाळल

जयंत पाटील यांनी सांगितले अपयशाचे कारण

राज्यसभा निवडणुकीत पहिल्या पसंतीची सर्वाधिक मते महविकास आघाडीकडे आहेत. आमच्याकडे बहुमतातील सदस्य आहेत. मात्र दुसऱ्या पसंतीच्या मतांवर या निवडनुकीचे चित्र बदलले. आम्ही पहिल्या पसंतीच्या मतांच्या मागे लागल्यामुळे आम्हाला अपयश आल्याचेही यावेळी जयंत पाटील म्हणाले.

क्लिक करा आणि वाचा- शिवसेनेचा पराभव; अजितदादांचा हुकमी एक्का असलेला ‘हा’ आमदार ऐनवेळी का पलटला?

जलसंपदामंत्री आणि राष्ट्रवादीचे प्रदेशाध्यक्ष जयंत पाटील हे सोलापूर जिल्ह्यातील माळशिरस तालुक्याच्या दौरावर होते. यावेळी त्यानी माध्यमांशी संवाद साधला.

क्लिक करा आणि वाचा- सोलापूरमध्ये चोरट्यांचा धुमाकूळ; एकाच रात्री एटीएम फोडून जवळपास ५० लाख रुपये लंपास



Source link

Leave a Reply

Your email address will not be published.