नवी दिल्ली: राष्ट्रीय स्तरावरील नेमबाज सुखमनप्रीत सिंग उर्फ सिप्पी सिद्धूची सहा वर्षांपूर्वी चंडीगडमध्ये हत्या झाली होती. याप्रकरणी सीबीआयने बुधवारी कल्याणी सिंग हिला अटक केली. कल्याणी ही हिमाचल प्रदेश उच्च न्यायालयाच्या विद्यमान मुख्य न्यायमूर्ती सबिना सिंग यांची मुलगी आहे, अशी माहिती अधिकाऱ्यांनी दिली. कल्याणी सिंग आणि सिद्धू यांचे जवळचे संबंध होते आणि नंतर त्यांच्या नात्यात कटुत्व आले, असे सीबीआयला तपासादरम्यान आढळलेल्या काही कागदोपत्री पुराव्याद्वारे समोर आले. सीबीआयने कल्याणी हिला चौकशीसाठी बोलावले होते. त्यावेळी, तिने उत्तरे देताना टाळाटाळ केल्याचे आढळले. यानंतर तिला अटक करण्यात आली, असे सूत्रांनी सांगितले.

सिद्धूच्या हत्येप्रकरणी चंडीगड प्रशासनाच्या विनंतीवरून सीबीआयने १३ एप्रिल २०१६ रोजी गुन्हा दाखल केला होता. सिद्धू वकीलही होता, असे सीबीआयने आपल्या निवेदनात म्हटले आहे. पुढील तपासात कल्याणी हिचा सहभाग असल्याचे समोर आले. त्यानुसार तिची चौकशी करून अटक करण्यात आली. कल्याणीला बुधवारी चंडीगडच्या विशेष न्यायदंडाधिकारी न्यायालयाने चार दिवसांची पोलिस कोठडी सुनावली, असे सीबीआयच्या प्रवक्त्यांनी सांगितले.

वाचाः डोंबिवलीत ‘पाणीबाणी’; पाण्यासाठी महिलांनी उपसले आमरण उपोषणाचे हत्यार
हायकोर्टाचे वकील आणि राष्ट्रीय नेमबाज सुखमनप्रीत सिंग सिद्धू याचा मृतदेह रविवारी, २० सप्टेंबर २०१५ रोजी उशिरा पोलिसांनी सेक्टर-२७ मध्ये असलेल्या उद्यानात सापडला होता. पोलिसांनी दिलेल्या माहितीनुसार, हल्लेखोरांनी मृताच्या शरीरावर चार गोळ्या झाडल्या होत्या, त्यामुळे सिद्धूचा जागीच मृत्यू झाला. चंदिगड पोलिसांनी हल्लेखोरांविरुद्ध हत्येचा गुन्हा दाखल करून तत्कालीन एसपी सिटी परमिंदर सिंग यांच्या नेतृत्वाखाली तपास सुरू केला होता.

सिप्पी यांच्या हत्येचा आरोप कुटुंबीयांनी हिमाचल प्रदेश उच्च न्यायालयाच्या उच्च न्यायालयाच्या न्यायाधीशांच्या मुलीवर केला होता. सिप्पी यांच्या कुटुंबीयांनी आरोप केला आहे की, कल्याणी सिंग हिचा हत्येमध्ये सहभाग असल्याने पोलिसांनी त्यांच्यावर कोणतीही कारवाई केली नाही. कुटुंबीयही बऱ्याच दिवसांपासून सीबीआय चौकशीची मागणी करत होते. तत्कालीन शहर प्रशासक आणि पंजाब-हरियाणाचे राज्यपाल प्राध्यापक कप्तान सिंग सोलंकी यांच्या आदेशानंतर हे प्रकरण सीबीआयकडे वर्ग करण्यात आले होते.

वाचाः नागपुरातील एटीएमची कमाल! ५०० ऐवजी निघायचे अडीच हजार; पैसे काढण्यासाठी नागरिकांची उसळली गर्दी



Source link

Leave a Reply

Your email address will not be published.