रिमेकचा अयशस्वी प्रयत्नबॉलिवूडवरील रिमेकचं भूत काही केल्या उतरत नाहीय. मध्यंतरीच्या काळात हिंदी रिमेक सिनेमे बॉक्स ऑफिसवर सपशेल आपटले; तरीदेखील बॉलिवूडची रिमेकची फॅक्ट्री सुरूच आहे. असं नाही की, बॉलिवूडकडे स्वतःचे असे विषय, नव्या कथा, गोष्टी नाहीत. पण, तरीही निर्माते, दिग्दर्शकांना दाक्षिणात्य भाषेतील सिनेमांचा रिमेक करण्याच्या मोहातून बाहेर पडता येत नाहीय.


आजच्या तारखेला प्रेक्षकांना देशभरातील सर्व प्रादेशिक सिनेमे असो किंवा हॉलिवूडपट; ओटीटीच्या (ओव्हर द टॉप) स्क्रीनवर ते सहज उपलब्ध आहेत. यात भाषेचाही अडसर नाही. अनेक सिनेमे हिंदीमध्ये डब केलेलं आहेत तर बहुतांश सर्व सिनेमांना इंग्रजी सबटायटल असतात. परिणामी, मूळ भाषेतील सिनेमा प्रेक्षक सहज पाहू शकतात; त्याचा आनंद घेऊ शकतात. हे असं सर्व असतानाही शिल्पा शेट्टी, अभिमन्यु दासानी, शर्ली सेटिया आणि समीर सोनी यांची मुख्य भूमिका असलेल्या ‘निकम्मा’ सिनेमाचा घाट दिग्दर्शक शब्बीर खान यानं घातला आहे. हा चित्रपट २०१७ मध्ये प्रदर्शित झालेल्या ‘मिडल क्लास अब्बाई’ या तेलुगू सिनेमाचा हिंदी रिमेक आहे.

‘निकम्मा’ चित्रपटाच्या कथेबद्दल सांगायचं तर, आदि (अभिमन्यू दासानी) या नायकाभोवती मूळ कथा फिरते. सिनेमाच्या शीर्षकाप्रमाणे तो निकम्मा आहे. काही काम धंदा न करता दिवसभर उनाडक्या करणे, आराम, मित्रांबरोबर मजा-मस्ती करणे, पार्टी करणे; आदी गोष्टींमध्ये रमलेला आहे. पण, त्याच्या आयुष्यात असं काहीतरी घडतं की, ही त्याची मजेदार जीवनशैली पुरती बदलून जाते. अचानक सुपरवुमन असलेल्या शिल्पा शेट्टीची त्याच्या आयुष्यात एंट्री होतो. आरामदायी जीवन जगणारा आदि पूर्णपणे बदलतो. तो त्याची मैत्रीण अवनीच्या (शर्ली सेटिया) सांगण्यावरून घरातील सर्व कामं करतो आणि नंतर तिच्यासाठी गुंडांशी भांडण करतो. चित्रपटात अवनी आदिच्या आयुष्यात कशी येते. ती त्याला का बदलते आणि तो अवनीसाठी गुंडांशी का भांडतो? हे जाणून घेण्यासाठी तुम्ही केवळ एकदाच सिनेमा पाहायला हरकत नाही. कारण, हा सर्व मामला मनोरंजक आहे. यासोबतच शिल्पा शेट्टीला बऱ्याच वर्षांनी मोठ्या पडद्यावर पडद्यावर पाहणेदेखील मनोरंजक आहे. अभिनेत्री शर्ली सेटियानं या चित्रपटातून हा बॉलिवूडमध्ये पदार्पण केलंय. तिचा पहिला प्रयत्न यशस्वी झाला आहे. पण हे सर्व बरं असलं तरी, सिनेमात अशा अनेक गोष्टी आहेत ज्यात काही तर्क नाही; अनेक प्रसंग पटकथेत अर्धवट अधांतरी आले आहेत. तसंच सिनेमाही काहीसा ताणला जातो आणि मग तो कंटाळवाणा होऊन जातो.

सिनेमा : निकम्मा

निर्मिती : सोनी पिक्चर्स

दिग्दर्शक : शब्बीर खान

लेखन : वेणू श्रीराम, सनमजीत तलवार

कलाकार : शिल्पा शेट्टी, अभिमन्यु दासानी, शर्ली सेटिया

छायांकन : हरी वेदांत

संकलन : मनन अजय सागर

दर्जा : दोन स्टार



Source link

Leave a Reply

Your email address will not be published.